:!: السكن مع أهل الزوج بين الرفض والقبول :!:

[حنان16]

الصراحة يعني انا في نظري انه افضل الاستقلالية

لكلا الطرفين

مشان الزوجين يقدروا يبنوا حياتهم مثل ما بدهم

وكمان بيلاقوا راحتهم في البيت مو مثل لو كان في اهل الزوج وهيك..

ده غير انهم بقفلوا عليهم باب المشاكل اللي بتنتج عن احتكاك

الزوجة بام زوجها او اخته اواو وهالحكايات الكل اكيد عارفها

وانا بشوف انه سببها الرئيسي هو عدم احترام الخصوصيات

اضافة لان

الام طبيعي بعد زواج ابنها بتغير عليه وهيك

فتفجر غيرتها هاي في الزوجة

ومن جهة ثانية معظم الزوجات ما بيحترمن امهات ازواجهن

او انهم بيملوا من كثر المشاكل اللي بيجلبوهولهن بدون قصد

وكمان بيتناسون انه كما تدين تدان

...

والحديث في هذا يطول

فمشان هيك بشوف انه الاستقلالية افضل وطبعا مقابل شرط

موافقة الاهل وخصوصا رضا الام

وهيدا طبعا لانه مهما صار مو لازم الواحد ينكر فضل اهله ويغضبهم

واعتقد انه اي ام في هالدنيا ما ترضى بحكم غريزة الامومة انها توقف في طريق سعادة ابنها


هيدا كله من جهة

من جهة اخرى في حالة استثنائية

وهي لو الظروف مو ملائمة لهالاستقلالية

مثلا لو الوالدين ما الهم الا الولد اياه

او لو كانوا عيانين ومحتاجين رعاية وهيك

وعموما لو الوالدين مو ممكن يستغنوا عن ابنهم

في هالحالة لازم يقعد الزوج معهم وكمان الزوجة وطبعا هاي بيتوقف على اصولها وتربيتها


وفي الاخير واسفة على الاطالة في نقطة مهمة بدي اشير الها

وهي بتتعلق بفهمنا الخاطئ لمعنى الاستقلالية

فلما الواحد يستقل عن اهله مو معناه انه راح ينساهم او هيك

وهي مو بالضرورة تكون اساءة للوالدين او قلة احترام الهم او نكران للجميل...الخ

ولا يكلف الله نفسا الا وسعها

واذا الشخص مو قادر على المشاكل اللي بصراحة ما بتخلص ابدا

فافضل حل الاستقلالية وباكد على وجوب موافقة ورضا الوالدين في ذلك


احترامي وشكري ومعهما تحيتي ^_^