.: الجوال :. متى يكون مزعجا بالنسبة لك ؟؟

[&نسيم الروح&]

اول اشي حامل الموبايل بلا فايده بعتبره تافه خصوصا ازا استخدمه بدون ما يعرف شو مساوء هاد الاستخدام متل الازعاج

اما الي بيضرب رقم بس هيك فضول او خطر على باله هاد عنده فراغ ومو عارف يعبي ومو بس هيك هو بعيد عن الدين البعد التام

الحمد لله ما عملتها لانه انا من الناس الي ماتوا من هادي العاده لدرجه انه بلغت عن الرقم الي كان يعاكسني واتخد في اجراء بس ما شفى غليلي في لانه اكيد ممكن يعيدها مع حد تاني والبنت ما تقدر تعمل شي

بحكم انه اهلها ناس محافظين

اما الي صار معي انه انسرق تلفون صاحبتي واتاخد ارقامنا كلنا قصدي صاحباتها البنات والشله الي سرقته بدت فينا وحده وحده كل وحده فينا وقفت شكل بس انا مشكلتي كانت الاكبر لانه ما كنت عارفه وفكرته ابن عمتي وعرفت بعد كم يوم

وهو كان يبعت مسجات ويحكي معي وانا زي الجدبه برد وباخد وبعطي وطبعا هو عارف اسمي لانه هي كاتبه اسمي والله يوم عرفت والحمد لله لحقت حالي لانه بالصدفه بحكي مع بيت عمتي ورد ابن عمتي وبقلي وين هالغيبه من زمان ما يمعنا صوتك

انا استغربت وقلتله انتا كنت تحكي مع دايما شو مالك فاخد الرقم مني وحاولت ابطل ارد بس المشكله انه برن علي ليل نهار فبلغنا عنه وكتب تعهد

بس هلا انا بحمد ربي انه انا ببلد ما فيها هيك بالنسبه النا على الاقل