اهل القدس نايمين ........................

[أم البراء8710]

السلام عليكم ورحمة الله وبركاته
بصراحة مش عارفة من وين ابدأ... برجوكم انه ما حد يزعل مني او يفهمني غلط بس........ الموضوع استوقفني...
الوضع كالتالي:
غزة محاصرة وتقوم فيها المجازر والحروب والشهداء تتساقط في ارجائها هنا وهناك... واهل القدس نائمون
الضفة مقموعة مأسورة لا حول لها ولا قوة في وجه الخونة والمجرمين ... يختطف ابناؤها في كل حين ومن من؟؟؟ من اشقائهم من اشخاص قد يكونون اقرب مما تتصورون ...... واهل القدس يسدون الآذان ويغلقون العيون
المسجد الاقصى اسير ودموع تذرف من اسوار القدس ومآذنها ترقب عودة الخطاب ليحررها .. ليعيد لها بهاءها وعنفوانها.... واهل القدس غافلون ..لا بل يتجاهلون
ما بالكم ما الذي الهاكم
اسير اليوم في شوارع المدينة واصعق لا بل اذهل .... الحياة طبيعية ولا كأنه في اشي!!!!!
الدكاكين فاتحة ما في ولا دكان مضرب !!!! شو القصة يعني المصاري اعمت قلوبكم؟؟؟ صرفت نظركم عن الوضع!!!! كأنكم عايشين في بلد غير هالبلد!!!!!!!!!!!!!!!
بس......... انتو اهل القدس بتعرفوا شو يعني اهلها؟؟؟ يعني لازم تكونوا اول ناس بنتفضوا في وجه هدا الواقع الاليم والمحزن ..... لازم تكونوا اول ناس بدافعوا عن الارض والوطن............... شو مالكم؟؟ شو صارلكم
بترجاكم ارجعواااااااااا ............. اصحوا من غفوتكم.......... وما تاخدكم الدنيا لانها فانية
القدس اغلى وفلسطين اهم من اي اشي

اعذروني ان اسأت التعبير ..... وانا ما بحكي بالاجماع
وشكرا

[صاحبة القلم الحزين]

لي عودة لأرد

ان شاء الله

[roro-only]

مشكوووووووووووورة على هذه المشااااااااعر

لا اله الا الله شو بدنا نعمل اللهم انصرنا لو بدي كون صريحة اذا ولاد الشعب نفسم عم يطلع منهم خونة

على شان كمن شيكل لا اله الا الله بسسسس

مشكورة على الموضوع وان شاء الله كمان الامة العربية كلها تصحة بدل ما هيي نايمة

وتبطل مؤامؤاتها مع امريكا واسرائيل

[مؤيد]

للأسف الحال هذا مش بس حال اهل القدس .....

كل الناس على هالحال ولا بهمها شو بصير في غزة ..........

ما بعرف ليش نحنا هيك وشو صاير فينا .....

لا حول ولا قوة الا بالله .....

يسلمو ايديكِ ام البراء على موضوعك الرائع .....

[احلى رورو]

فعلاً كلامك صح حبيبتي

اهل القدددس عايشين ولا معهم خبر باشي

حتى ما بعرفو شو عم بسير بغزة

وبقولو بلا اخبار وبا وجع راااس

بس كلامي طبعا مش بالاجماع

والله يجيب اللي في الخيرررر

وان شاء الله الوضع بتحسن

وما النا الا الدعااء الكم

[S M S]

والله للأسف هاد الواقع ،، لازم الصحوة الفلسطينية تكون اول شي وتبدء من القدس //

[صاحبة القلم الحزين]

السلام عليكم و رحمة الله و بركاته


أختي و حبيبتي أم البراء،،

أنا عارفه ليش نزلتي هالموضوع

لاني كنت معك لما شفنا كل المحلات فاتحة

في يوم حداد على شهداء غزة

وأنا هون مش راح ادافع و لا ابرر تصرفات اهل القدس

بس انتي عنجد حطيتي ايدك ع الجرح

و الشغلة بداخلي من زمان

و نفسي كل العالم يعرفها

بس كل ما اجي احكي لحدا عن الوضع هوون

بخاف،، بخاف أشوه صورة القدس و أهلها بعيونهم

بحكي خليني ساكته و خليهم مخدوعين

و بدعيلهم انهم يصحوا!!

والله يا عزيزتي صرختك بمكانها

بس للأسف

وقد أسمعت اذ ناديت حياً،،،،، و لكن لا حياة لمن تنادي!!

مشكلة أهل القدس مش جديدة

و لسه هلأ الحمد لله الوضع أهون بكتير من قبل

الحركة الاسلامية و شباب المساجد

عم يبذلوا قصارى جهدهم في ايقاظ النيام

حملات اثر الحملات

دعوة للرباط بالمسجد الأقصى

لأنه و للأسف طبعا

أهل القدس مش بس كأنهم بعالم آخر و مش سائلين عن فلسطين

أهل القدس مقصرين تقصير واضح جداً

بالمسجد الأقصى

يعني والله مشهد مبكي

و يدمي القلب

لما تصلي المغرب أو العشاء بالمسجد الأقصى

و تلاقي المصلين يا دووب يكملوا صفين تلاته!!!

ما بدي أطول كتير

بس اللي بدي أحكيه

انه كلامك صح 100%

بس طبعا ما بيشمل الكل

لأنه في ناس من اهل القدس

الله يبارك فيهم و بجهودهم يا رب

ما بقصروا والله

و في كمان شغلة حابة أحكيها

يمكن السبب اللي وصلهم لهون

هو الخناق الضيق المفروض على مدينة القدس

يعني لا أهل الضفة الغربية و لا أهل غزة بيقدروا يفوتوا القدس

بس أهل القدس و أهل ال48

و هالشي بحد من علاقات أهل القدس مع باقي الشعب الفلسطيني

و كأنه بيعزلها عن باقي فلسطين

يعني ما في تعامل الا مع اليهود للأسف...

و ما في مجال ما نتعامل معهم

لانهم غصب عنا ربطوا حياتنا بحياتهم

الماء.. الكهرباء.. المعاملات.. البيع.. الشراء.. الخ

و كل شي بحياتنا مرتبط فيهم و بالتعامل معهم

و كأنهم فارضين على القدس و أهلها سجن كبيير

يعني انا والله العظيم

ما بلشت اشعر بفلسطين كفلسطين بلدي

و اصحى لكل شي فيها

الا بعد ما بلشت اطلع من القدس

لما داومت بالجامعة و صرت اروح و اجي برا القدس

حسيت انه الضفة عالم آخر

فيها كل شي عربي

حسيت هناك فلسطين

هناك بلدي

و الشي الوحيد اللي بربطني بالقدس

المسجد الأقصى المبارك اللي احتل جزء من روحي

و البلدة القديمة بحجارتها و أزقتها

بعرف اني طولت كتير بهالرد

بس بالنهاية

ما بايدنا الا الدعاء ثم الدعاء ثم الدعاء

و واجبي كفلسطينية ساكنة بالقدس

أشارك قد ما بقدر بتصحية أهل القدس النايمين

.....

[غربه مره]

ربنا يهدي الجميع وزي ماحكت الاخت صاحبت القلم الحزين ان القدس واهلها معزلين
واسرئيل بضيق عليهم الخناق

وكمان والله اهل الضفه واهل غزه كل واحد همه طول واطول منه
بس والله لوجرح طفل بغزه صدقوني قلبن بتتفض عليه

[فتى مسلم]

السلام عليكم ورحمه الله وبركاته.
استوقفني عنوان المقال للحظات . فاردت قرائته .
فاستغربت لما ينشر وما يذاع
وهل يعقل ان القدس تباع
أأنا احلم ام ان الزمان كله اصبح يغدو في خداع.
صدقوني ان ما يقال ليس الا ظاهرا
فالقلب يذرف والحال واحدا
نحن لم ننسى . ولكننا نتناسى
وهذا ما يغدو اليه الواقع جاحدا
الام القلب تشكو خافتة
والعين تذرف صامتة
فباي حال اشكو و باي حال اعزو ما اليه اشكو
اعذرونا اخواننا .... لكن القلب لم ينساكم
ولن ينساكم ....
ففلسطين واحدة . وستبقى واحدة
فمن قلبه مريض فهو ادرى بنفسه
وان كان البعض ظاهرا امام العين
فلا يغرنك ما بقلبها
فالصمت اقوى من الكلام احيانا
وارجو ان تصل رسالتي لاشقائنا العرب
فلا يسود التعميم ولا المبالغة
رجاء خاص
اخوكم فتى مسلم