::: برنامـــــج رأي الأعضـــاء فيـــــك ::: لحـــــــظة صدق ::: مـع مـــــــــؤيد :::

[مؤيد]

المشاركة الأصلية كتبت بواسطة عاشقة حماس
اولا يسلمووووووووووووووووووو نور على هالموضوع الروعه
شهادة حق تقال مواضيعك راااااااااائعه ومميزة دائما
بس متى يجي دورك انت كمان يا نور
المهم
نعود للاسئلة
طبعا انا ملقوفة هنا في هالموضوع ولو اني لا املك الصلاحية الكاملة لكي اجيب عن الاسئلة
لكن بحكم الفترة المباركة اللي قضيتها هنا اظن والله اعلم كانت فترة كافية نوعا ما وتخولني بان ادلي برايي في الاستاذ مؤيد

فعلا ً يسلمو الها نور اليقين وعلى موضوعها وفكرتها الحلوة ............

وبتشرف كتير بسماع رأيك فيي دكتورة عاشقة حماس .....

- هـــــــل انت من المعجبين بمواضيع و ردود مؤيـــد ؟ لو آه ليه ؟ و لو لأ ايه السبب ؟

سؤال مهم جدا وفي محله..
مواضيع الاخ مؤيد ماشاء الله تبارك الله كلها مميزة ولو ان اغلبها سياسية ربما بحكم انه مشرف على قسم فلسطين في قلب الحدث فإشي عادي انه سيهتم بهذه المواضيع وحتى حسه الوطني العالي جدا يجعله يهتم بالمواضيع السياسية اكثر من غيرها
بالنسبة لردود مؤيد انا بشوفها من احسن الردود في المنتدى .. اذا لم تكن الافضل على الاطلاق
لان مؤيد لما بيرد بيكون ردو مختلف عن كل ردود الاعضاء الثانيين ولا يمر مرور الكرام على الموضوع ويكتب شكرا او يسلمو ورايح .. لااا
بالعكس بيناقش وبيقول رأيوو في حاجات معينه سواء بتتماشى مع رايو واعتقادو الشخصي او لا وفي نفس بيحلل الافكار اللي بيشوفها مهمه ومثيرة للنقاش وحتى لو كان موضوع بسيط جدا بيكون ردو عليه مميز..واكثر شغلة مميزة بيسويها هو انو لما بينزل موضوع بيرد على كل عضو لوحده..هذي صراحة اشوفها ميزة رائعه يتميز بها مؤيد عن كل الاعضاء..يعني كل واحد بيعطيه حقو في الرد عليه وما بيطنش ولا واحد حتى اللي بيختلفو معو..

صحيح بحكم اني مشرف على قسم فلسطين في قلب الحدث كان اهتمامي الأكبر بهذا القسم وأغلب مواضيعي فيه .......

وبالنسبة لردودي تسلمي كلامك وسام شرف الي .......

لما أشارك بتكون مشاركاتي مختصرة نوعا ً ما ، حسب يعني ، وبما انو مزاجي مش رايق غالبا ً فما بعرف المفروض ردي يكون برضو افضل .......

و ايــــــــه المعيار اللي بتعتمدوه ف تقييمكم ده ؟

المعيار بالنسبة لي الثقافة والادب والاخلاق العالية اللي بيتميز بيها
لان مؤيد ماشاء الله باين انو شاب مثقف ولما بيحكي او بيناقش شيء بيناقش عن وعي ودراية كاملة بالموضوع وهذا اكثر شي مميز فيه

الله يخليكِ ........

انتي الأحسن ........

وكلامك بدل عليكِ انو انتي صاحبة اخلاق ودين ومعرفة ........

- تنسيــــقو لمواضيعو و ردودو , عني الألوان و الخط و حجم الخط ؟ بيعجبكم و لا ليكم أي ملاحضات عليه ؟

بالنسبة للتنسيق بشوف انو عندو تنسيق في المواضيع والردود نوعا ما
الخط واضح وبالنسبة للون زي ما بنشوف بيعتمد على اللون الاسود دائما
ما بعرف ليش الاسود بالضبط ما بتشوف يا مؤيد لو كان اخضر بيكون احسن

الأسود عشانوا اوضح شي على الخلفيات الفاتحة ........

بعدين مالو الأسود حلو ^.* .....

من الألوان الي بحبها الأسود ، بس مش بكل شي بحبو هاللون ، يعني بالتصاميم ما بستعملو ، أما على اللبس حلو ، للكتابة حلو كمان .......

الأخضر حلو بس للكتابة ما بلاقيه كتير حلو ،بعدين أقلك صراحة ما عندي صبر اقعد الون الكلام والمشاركة ههههههههههه ...

- تواجدو بالمنتدى ؟ كثيف و لا نادر و لا قليل و ايه سمتــو ؟ هادئ و لا شقي و لا تواجد مشاغب ؟ صنفوه

ممكن نقول متواجد دايما لكن مش بشكل كثيف جدا
وانا بشوف تواجدو تواجد هادئ
بس في الاهداءات مرات يا سلام بيولعها وخصوصا لما بيكون قسامي غزة وعاشق الحور.. في هالوقت مؤيد بيصير مشاغب نوعا ما

تقريبا ً كل يوم .....

بس باليوم بيختلف ، يعني مرات بقعد ساعة ، مرات 3 ساعات هيك شي ........ حسب

وعاشق الحور وقسامي لو انهم بفوتو متل الناس كان بكون المنتدى كلو شغب وبتشوفو مؤيد على حقيقته هههههههه .......

بس مشكلتهم ما بفوتو الا شوية وبعد ما خطب قسامي خلص طار ....

بكرة نشأت بيخطب وبطير .....

مين رح يضل ؟؟

- نقــــــاشو معاكم , حواراتو , هل بتشوفوه دمقراطي و لا دكتاتوري , و لا ديماغوجي ؟ و ايه دليلكم ؟ و ايه تعقيباتكم ؟

نقاشو بشوفو من احسن وافضل النقاشات واحب ان اقرا ردودو على المواضيع السياسية لان بستفيد من الافكار اللي بيقولها وتعجبني طريقتو في التحليل واقناع الاخر
يعني لما بيتكلم ويناقش بيناقش بمنطق وعقل ودراية تامه وعارف شنو بيقول ويقدر يروح مع اللي بيناقشو لابعد الحدود .. يعني بيعرف يدافع عن رايو باسلوب رائع ومنطقي..بيخلي الاخر يحترم فيه هالشغله المميزة
ما بشوفو لا ديكتاتوري ولا شي .. بالعكس ديموقراطي وبيحترم اللي بيناقشو

بالعكس تماما ً .....

شايف مشاركاتك وردودك أحسن من ردودي .....

لإنك مش عصبية متلي .....

بتردي بكل راحة وطولة بال وهداوة ....

- ايه اللي جذبك لشخصيتو ؟ أو بالأحرى , ايه المميز فيها ؟

اخلاقو عالية جدا .. متدين .. طيب وخدوم.. مؤدب كثير كثير .. متواضع .. غيور على دينه ووطنه بشكل كبير .. واهم شي .. اهم شي.. انو حمساوي وغيور على حركته ويصدح بالحق ولا يخشى في قوله لومة لائموالشباب اللي في مثل عمرو بتلاقي رؤوسهم مليانه بمائة شغلة وشغلة وكلها تفاهات في تفاهات لكن مؤيد خير مثال للشاب المسلم الملتزم المثقف اللي عندو قضية ومبدا وعارف شو بدو يسوي في هالحياة.. يعني بالمختصر المفيد كل شي فيه مميز ..<<<<<<<<<< عين الحسود فيها عود ..

ملتزم آه ، بس التدين هاي مرحلة متقدمة ما وصلتها لسه ، الله كريم ........

وحمساوي لأ مش حمساوي ههههههههههههه .........

مؤيد آه بس انو عضو لأ مش عضو .......

ولما اكون عضو كان بحكي بكل فخر يعني ما رح استحي وأخبي .......

وقد ما تحكي عني بتضلك انتي الأحسن مني ........

- كلمة أخيرة عايز تقلهالـــــو ؟

الله يرضى عليك يا مؤيد ويوفقك يارب ويرزقك نجاح الدنيا والاخرة ويفتح لك ابواب الخير وين ماكانت وينور دربك وييسر امرك ويعلي شانك ويرزقنا واياك شهادة في سبيله ويكثر من امثالك الحمساويييين ياااااااااااااااااااااااارب
ودمت لنا دائما في هذا الصرح الرائع

تسلمي ان شاء الله .......

وربنا يعطيكِ ويرزقلك بمثل ما دعوتي به وأكثر .....

ويجزيكِ دائما ً الخير .......

ملاحظة صغيرونه>>>> طبعا مؤيد الان الله اعلم شو بيقول لما بيشوف هالمشاركة الطويلة العريضة المملة وكثرة الثرثرة بدون فائده
وكم مرة بيقول قصري من طول ردودك الله يخليك لكن لا حياة لمن تنادي يا مؤيد
ان شاء الله المرة الجاية بحاول اختصر.. هاي اخر مرة .. الله يرزقك الصبر حتى تكمل القراءة

ههههههههههههه

بصراحة خجلان منك ومش عارف كيف ارد عليكِ ........

والمشكلة انو في لسه مشاركات كتير وما رديت عليها عشان هيك مستعجل ومش عارف شو اعمل ووقت البرنامج والموضوع قرب يخلص .........

وكتير مشاركتك روعة وبتدل عليك ِ .....