تعالو نتعرف عالاعضاء اكتر....

[بنت المقدس]

أختكم في الله بنت المقدس مولوده في 6/3/1989
من فلسطين من غزة من تل الإسلام
بحب اللون الأخضر متل الرسول صلى الله عليه وسلم واللون الزهري بما إني بنت
شخصيتي ما بقدر أوصفها بالزبط بس بيحكو الي اني طيبة وحبابة وصادقة وبحب الخير للكل مرات بعصب بسرعه بحب استفسر كتيير


بحب كل الأكلات وبكره الصحن الفاضي هههههههههه بس مو كلها كلها يعني اغلبها


العصير بحب عصير البرتقال وعصير الفراولة

بحب أنشد بس بيحكو الي صوتك مو حلو فبضطر أسكت أو أروح على الغرفة أنشد لوحدي وبحب السباحة والتعرف على أصدقاء بحب يكون عندي أصدقاء كتير

بكره الكزب والخيانة والحقد والظلم وبكره النفاق والمراءاه وعدم الوفاء بالعهد

أكتر شي بحبه الصدق والناس الإجتماعيين بحب الأقصى وبتمنى من الله ان يحرر عما قريب وبحب كل المجاهدين والمقاومين في سبيل الله

المنشد المفضل موسى مصطفى بتمنى من الأعضاء المشتركين الي بيسمعو الأغاني انه يفكرو منيح هل سماع الأغاني محرم ام محلل وانا متيقنعه انه الجميع بيعرف انها حرام بس السؤال ليش احنا بنعرف انه حرام وبنعملو وبنغضب ربنا ليش احنا اقوى من عقاب ربنا ولا احنا ضامنين حالنا انه رح نبقى في الدنيا وما رح نموت إلا بعد ما نبطل عمل المعاصي والله يهدي الجميع يارب

المثل الأعلى اكيد الرسول صلى الله عليه وسلم أولا ويارب نكون فعلا نتبع منهجه وتاني شي أخ لي ملتزم
وأتمنى من الله ان يرعاه ويثبته على ما هو عليه

وشكرا الك كتيييييييييييييييييييييير يا لولو يا عسل