الدين والتعصب والاستهتار

[نور اليقين]

المشكلة في زمان ده اننا بقينا عايشين بين متناقضات فرق شاسع بينهم

مع اننا أمة وسط

وكذلك جعلناكم أمة وسطا

فيا بتلاقي شاب كول عالآخر < روش طحن

يا شاب متدين عالآخر < متشدد أوي

طرفين نقيضين ; قطبين , وجدو نفسهم و حددو طريقهم

سواء وحش أو حلو , المهم حددو انتماءهم عن اقتناع

بيفظل ايه , أو مين !

بيفظل الجمهور

ناس بين البينين

لسة محددتش موقفها

لسة ملاقتش نفسها في الخير أو الشر

هتقلي طب ايه اللي منعها تنضم للفريق الصح !

مش جمهور ! مش متفرجين !

يعني شايفين و عارفين الصح فين

طب ميروحولو

هقلك

قلة وعيهم و معرفتهم بدينهم

قلة ايمانهم و انعدام تقواهم

بتخليهم يروحو للروشنة

عذراهم

مهو الإنسان بطبعو محب للسهل كاره متجنب لأي حاجة صعبة , من غير اقتناع

تقدر تقلي هتجيه القناعة منين و هو مش عارف ان فيه قناة اسمها الناس

لان ضروفو المادية مسمحتلوش يشتري دش

مبيسمعش دروس و لا محاضرات لان الاذاعة الوطنية عملت عقد احتكار لنانسي و هيفا

ولان معندوش جهاز كاسيت

و لان و لان و لان

يعني هتقلي يروح مساجد يا أختي , مش هيغلب

هقلك مش فاضي

وراه لقمة عيش لازم يجري وراها

و خايف لما يقدر يروح

يلاقي ناس بتبصلو نضرة احتقار بحكم انهم مواضبين عالمسج و هو لأ

بشروا ولا تنفروا، ذكروا ولا تنكروا

المهم

كلامي مش هيخلص

فخلاصتو

انا مبدافعش عن حد

بس بشرح ضروف ناس شغلتهم دنيتهم عن دينهم

و بدل ما نوعظهم باللين

يسروا ولا تعسروا

بنستعمل معاهم أسلوب الزجر

يعني عايزين تجادلو

جادلو باللتي هي أحسن

ولا تجادلوا أهل الكتاب إلا بالتي هي أحسن

ولو كنت فظا غليظ القلب لانفضوا من حولك

عشان كده

الضال روش و المتدين متعصب