روحي انتي طالق طالق طالق بالتلاتة

[limar]

لو صار هيك شي اكيد ما راح اطلع من البيت
بس كمان هاي راح تبقى مشكله وبعتقد راح تتحول لمشكله بين الزوجين
يعني الزوجة لما تشوف زوجها وتسمع انه كلمة الطلاق بسهولة ممكن تطلع منه ويحلف عليها بحياتها ما راح تحس ب الامان معه
المشكله ما راح تكون عند الاولاد فقط راح تكون عند الزوجة اكبر وممكن هية الي يجي اليوم وتحكيله طلقني لحتى ترتاح من الخوف الي عم تعيشه وانه باي لحظة ممكن تطلق عشان اسباب سخيفة هية ما الها اي صله او علاقة فيها راح تحس انه ما الها قيمة ابدا او انها عم تفقد كرامتها ازا بقيت متحمله هيك وضع
شكرا على الموضوع

[فراشة]

ييييييييي ئد ما بحلفووه ... وببساطه بروحو بدفعو ال 50 شيكل للشيخ بروح الحلفان ... بس هاد حرام ... ولو بابا حلف علي طلاء متلا بشغلة خلص بسمع الكلام بدام وصلت للطلاء يبئى معصب كتير .. بس بابا ماكان يحلف علينا ابدا ...

تسلم قسامي فعلا مواضيعك هادفة

[قسامي غزة]

المشاركة الأصلية كتبت بواسطة اسيرة النجوم

ههههههههههههههههه
هاد اكيد معصب من مرتو وبدو يطلعها في عين ابنو كانو ابنو السبب
ههههههههههههه
طيب انا بصراحة اروح عند امي واقولها ابي بدو يطلقك لانو شايفلو مرا تانيه
واتركهم عالقانين في بعض واطلع وين ما بدي
ههههههههههههههههه
لا بس هاد شي مو حلو انو اي شي بدو ياه يصير يحلف بالطلاق
ومادري شو هالشي منتشر كتير في الشرق الاوسط
سوريا مصر فلسطين كلياتهم فيهم
بس نحنا هون في المغرب بعمري سمعت حدا حلف بالطلاق على مرتو
وبعدين الحلفان بغير الله حرام
وانا مش عارفه ادا هاد الطلاق حاصل بمجرد الحلفان به او باطل
انا لو مكان الشاب راح اتنيل على عيني واضل
بس انتو الرجال هيك شو ما كان ما بيهمكم لا ستات ولا شي
المهم تعملو اللي براسكم وبس
ما بتشوفو في العواقب
ولا بتشوفو انو الست ما عملت شي ويمكن ام هالشب لهلا زي الاطرش في الزفة ومانها دارية بشي
يا حرام ياربي من الرجال يارب
بس اوعاك تكون انت التاني متلهم
اه مهو انت راجل يعني اكيد ما راح تتخير عنهم
سلااااااااام

ههههههههههههههههههه
يقطع شرك
شو تحكي لامك ابوي شايف شوفة تانية
اصلا الام لازم سمعت الاب وهوا بيحلق طلاق
لانوا صوتوا كان جايب اخر الشارع
يعني انا الي كنت ماشي في الشارع سمعتوا
الام الي بنفس البيت مش هتسمعوا
والله يا اسيرة للاسف الظاهرة هاد منشرة كتير بفلسطين ومصر
يعني بتقدري تحكي في الوطن العربي
وهاد برجع لعقلية الرجل العربي عقله صعب
طبعا مش الكل البعض منهم
وافضل حل انوا الشب يضل في بيتهم
لفترة ما تنحل هالقصة هاد
وما تخافي يا اسيرة انا الحمد لله مش من النوعية هاد
ولا عمري بحلف طلاق باذن الله
مشكورة علي مرورك
نورتي

[قسامي غزة]

المشاركة الأصلية كتبت بواسطة @ نور @

اممممممم

الرجال في هالحالة فعلا بكون لازمله تأديب

لأنه مش محترم قداسة - ان صح التعبير - الحياة الزوجية ... و مش مقدر وصف الله تعالى للزواج بانه - ميثاق غليظ -

انا لو مكان الشب و حتى ان كنت طالعة للصلاة بضل بالبيت و ما بطلع ... لانه هالامر فيه ضرورة ... و هالضرورة هي الحفاظ على البيت

بعدها بحكي مع الوالد و اشرحله انه هاي اول و حتكون آخر مرة أطيعه فيها بهيك شيء ... و بعدها ما رح اتحمل المسؤولية ... لانه حيكون غلطه هو

و بعدها حيكون عليه كفارة يمين ازا عادها تاني و ما اطعته ... لان القصد من يمينه هو المنع و ليس الطلاق

و اعتقد انه رح يتأدب بعد ما يتعب من الصوم كل مرة

و ما ارجع اطيعه تاني

لانه الطلاق مش لعبة ... و مكانة المرأة أكبر من انه يقللها بتهديده بالطلاق كل مرة

و بس ^^

يسلموا اخي قسامي على الطرح

كلامك سليم
بس لو حكيتي لابوكي هيك
هيقلك تعالي خدي الك كفين احسن
بدك تعلميني شو اعمل وشو اساوي
انا متاكد كلامك هاد هيعصبوا
بس الحل المؤقت ما اطلع من البيت
لفترة ما تنحل الامور
وبعد هيك بنشوف شو بدنا نعمل
بس الكلام هاد ما بنحكي في وقت العصبية
مشكورة نور علي مرورك
وربنا يسلمك

[جبل ما يهزه ريح]

بالفعل هاي عادة منتشرة بغزة بصورة كبيرة
وعنجد شي مزعج كتير
بس انا اكييييييييييييييييد بضحي بكل شي كرمال ما تنزل دمعة من ماما
وبدون تفكير ما بطلع لكن بنفس الوقت راح اتضايق وازعل لانه انفرض عليه هالشي فرض... لكن كله يهون كرمال ماما..

[نور الهدى]

المشاركة الأصلية كتبت بواسطة قسامي غزة

كلامك سليم
بس لو حكيتي لابوكي هيك
هيقلك تعالي خدي الك كفين احسن
بدك تعلميني شو اعمل وشو اساوي
انا متاكد كلامك هاد هيعصبوا
بس الحل المؤقت ما اطلع من البيت
لفترة ما تنحل الامور
وبعد هيك بنشوف شو بدنا نعمل
بس الكلام هاد ما بنحكي في وقت العصبية
مشكورة نور علي مرورك
وربنا يسلمك

طيب يا اخي انا قلت انه لازم هالكلام ينحكى في ساعة صفا

و اني اقعد و ما اطلع من البيت كوني بنت ما رح يأثر علي ... لاني من الاصل ما بطلع كتير الا وقت الحاجة

بس لو كنت شب الامر رح يختلف

خصوصا ان توجب علي ما اطلع لصلاة الفجر و العشاء ... جد مشكلة

و الاب في موقف غلط ... و لو ما وضعنا حد لهالتصرف ما رح يتغير ابدا

و في هالحالة لازم يكون في موقف حاسم و ان كان الوالد عصبي

و ممكن كمان اخليه يحكي مع الشيخ حتى يغيرله منطقه .. على الاقل رح يحترم رأي الشيخ ^^

يعني احاول اخلي طرف ثالث في الموضوع .. والله يهدينا