::(( رسـالة رئيس الوزراء أبـو العبـد هنيّه .. إلـى قيـادة قـوى الأمن ))::

[.:.!دموع الرحيل!.:.]

المشاركة الأصلية كتبت بواسطة زهقانة انا ازا على الكلام فلولا الكلام الحلووو

والشعارات الرنانة

ما كان نص الشعب انتخب حمااس

هينا بنتفرج وبنشوف

ان شاء الله يكون الكلام في منووو

مع اني ما بظن

انتو ادعولهم

وحاولو تعرفو الحقيقه

وما تسمعو لأعوان امريكـا واسرائيل

وان شاء الله ربنا ما بجيب الا كل خير

الدنيا كلها ضدهم لأنهم على الحق واختاروا طريق المقاومة

ومصرين يشوهو الصورة بأي طريقة

وللأسف في ناس مشيت عليهم الخطة

بس ربـنـا كبير

وغير الحق لن ينتصر بإذن الله

إن كان على أيدي حمـاس او غير حمـاس

الحق وحده سينتصر

والله يلهمهم دايما الي فيه الصواب

ويقويهم على كل من تكالب ضدهم

نورتي أخـتي

وخلي أملك بربــنـا كبير

[احلي ابتسامة فلسطينية]

المشاركة الأصلية كتبت بواسطة .:.!دموع الرحيل!.:.

هههههههههههههههههههه تسلميلي لــولــو

نورتي يا قمر والله ..

<><><>

احلى ابتســـــــامه ياااا حبيبة قلبي

والله مش داخله اتخانق معك ولا اغلبك حطيها ببالك ..

مـع انه قلبي من الحامض لاوي ومش جاي ع بالي أكتب :P

بس مشـان الحق كل شي بهـون





طيب سامحيـنـا ظلمــنـاكي *_^



أولاً هاي مش طريقة محترمة بالرد ..

وسبق وحكيتلك .. لما بدك الناس تسمعك .. حتى لو كـان وجهة نظرك غير عن وجهة نظرهم

اختــاري الألفاظ والطريقة الأفضل مشـان يقدروا يسمعوكي ..

وعشان ما تعرضي حالك لمحظورات المنتدى .. لأنه متل هيك ردود بتعمل مشاكل (( طبعا الطريقة ))

تــاني شي ..

حاشا لله .. ليش بس الحمساوية الي بيعرفو يصلوا ؟

بالعكس ربـنـا يبارك بكل مخلص ومؤمن .. ومش حماس الي تحكي هالحكي ولا الي بحبو حمــاس

بس يا ســتي انتي احكمي

على نـاس نازلين الشارع .. بالإيد الأولى سجادة الصلاه

والإيد التانيه كمشة الحجار وكباية العصير

وخلال الخطبة السيجارة بتمهم (( الا من رحم ربي طبعا))

هاي برأيك أولـاً صلاة جمعه ؟

طبعا لااء .. قطعا لااء !!:)

الصلاة الها حرمتـهـا .. وما اظن بدها كتير فلسفه ليعرفو انه

انه التدخين .. وشرب العصير خلال خطبة الجمعه حرام :)

شو معنااها ؟؟!!

شغله تانيه .. مش همي عملو اعتصامهم ؟؟ واحتجوا بالطريقة الي بدهم ياها

ليش بس لما خلصوا ما رجعوا على بيوتهم بكل سلام ..

ليش استعملوا الذخيرة الي جايبينها معهم

وبلشو رشق الحجار

مشكلـتنــا يا أخــتي مناخد من الأمور الي بدنـا ياه

متل الي بقرا الأيه .. " لا تقربوا الصلاة .. وبينسى وانتم سكـارى "

االكثير والحق على الإعلام طبعا .. وعلى الناس الي ما عندها ذمه

الي نقلت ردة فعل القوة التنفيذيه بدون ما تنقل السبب

وهايدا قمة الظلم يا أخــتي

يمكن معك حق .. المنظر كان بشع ومؤلم

وكان بإمكان القوة التنفيذيه كل الي تعملو اها تجمع مثيري الشغب

وتاخدهم ع مراكز التحقيق

وهنيك بنالو جزائهم

لكن هي غلطـة وما حدا معصوم عن الغلط

والله يهديهم للي فيه الخير

(( واعتبريه رد على كلامك التالي : مش معنى انك حمساوية تكونى معهم الصح والغلط ))

غير هيك يا اختي .. اسمعي معي هالقصة عن النبي عليه الصلاة والسلام

اجا صحابي عند النبي عليه الصلاة والسلام .. واشتكالو من واحد قلع اله عينه

وطالب النبي عليه الصلاة والسلام بحكم عليه ..

بس نبينا ما رضـي !! وقالوا روح جبلي ياه ..

لأنه يمكن إنـت تكون قلعت اله العينتين !!

يا رب تكون وصلت الرساله :)



استغفر الله العظيم :)






100% ..

والشيخ اسماعيل هنيه أول ما حكالهم

ما في اي فتوى بتنمنعكم

من انكم تصلوا بالعراء ..

لكن انو تتحول هاي الصلاة لوسيلة لإثارة الفتن

ربنـا ما بيرضاها ..




تم الهجوم من قبل من نزلوا للإحتجاج بطريقه غير انسانيه ولا وطنيه :)

وكان الرد عليها من قبل التنفيذيه



هيدا شيخي وتاج وراسي ..

وما برضى تحكي عنه بهالطريقة ..




كلام سليم 100 % بدليل انهم ما منعوهم ينزلو يصلو بالساحات..

على أساس انها احتجاجات وفقـــاً للقانون ..

لكن لما تحولت .. لعكس القانون .. وإثارة الفوضى

ساعتها .. لازم تمشي الاجاراءات اللازمة



كمان 100 %

وهي حكتلك فوق .. انهم غلطوا بالطريقة الي عاملوا فيها الشباب ..

وكان بإمكانهم ياخدهم مكان التحقيق وهونيك بتم اللازم

بس بنفس الوقت .. ما ننسى مين البادي . . ومين الي اتعدى ع موكب قائد كتائب القسام بسيارتو

وهني راجعين من الصلاة ..



رديت عليكي فوق ..

بالعكس .. انا معهم بكل شي صح بيعملو ..

ومش معهم ببعض الأغلاط

لكن بدعي ربنا ينور بصائرهم ويلهمهم الصواب

وما أكون عـون لأمريكـا وإسرائيل ضدهم :)

من بعد ما عرفت يقيـنـاً انه كلها أمور مدبرة

تجري لتشويه صورة حمـاس

واضعافهـا

فلن أتكالب عليهم مع من تكالبو

وأتتبع أخبارهم .. لأعرف حقيقة الي بيصير

وما اظلمهم .. متل ما كل الناس ظلماهم





لا يا عسل ..

ما بحكيلك تمدحيهم

بس احكي باحترام مش أكتر .. يعني كوني لينه أكثر

عشان الغير يتقبل كلامك ووجهة نظرك شو ما كانت ..



وعليكم السلام ورحمة الله يا أخـتي

معلش انا اسلوبى هيييك لا بحب اتجمل ولا اجامل الي بقلبى على لسانى

بس بدى اسئلك ليش لما حماس تغلط بتسموها بعض الاخطاء وكلنا بشر وكلنا بنغلط

معنى انا باخطاءها هااادى ظلمت كتييير وقتلت نفس بريئة وكلنا بنعرف شو يعنى قتل مسلم برئ بالاسلام

وما تقولى حماس بانقلابها هاادا ما قتلت ولانفس بريئة

وما هدمت ولا بيت وما شردت ولا طفل لانك بتكونى بتكزبينى وبتكزبى اشي شفتو قدام عينى

ولما غير حماس يغلط بتسموووه كافر ومرتد وملحد وعميل ولازم يقتل

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لازم تعرفوا انو حماس وفتح الاتنيين غلط بغلط

وبعدين بالنسبة للناس الى بيصلوا العراء الى انتى بتقولى عليهم جايييين ياكلوا ويشربوا دخااااان

مش معنى هيييك انو كل الى جاييين يصلوا جايين ياكلوا ويشربوا دخان

شغلة تانية كانوا بيتوجهوا للصلاة ناس ما الها علاقة لا بفتح ولا حماس

ناس محتاجيين على الوضع

وازا الناس هدول كانوا يطبشوا حجار على التنفيذية على حد قولك

بالاولى تسالوا حالكم انتم يا حمساوية ليش الناس صارت اطبش علينا حجار

وليش الناس مش حبابنا

اقلك ليش لانكم عملتم اخطاء مش رح يسامحكم عليها التاريخ

وزي ما بتعرفوا تحاسبوا الناس على اخطاءهم حاسبوا حالكم على اخطاءكم

[.:.!دموع الرحيل!.:.]

ههههههههههههههههههههه

لا اله الا الله

والله عبث

مش رح احكي شي

غير الله يهدي الكل وينور بصيرتك

ويهلمنـا الصواب

افهمي الي عمبيصير حواليكي منيح

بعدين تعي احكي

وأهل الحق على الحق سائرين بإذن الله

وشتــــــــــــــــــان بين أغلاط حماس الي انجبرت عليها

وبين أغلاط اتباع عباس ودحلان (( وطبعا مش رح احكي فتح ))

الي اختاروها بنفسهم وظلموا شعبهم والقضية والخ ..

الله ينصر الحق

ويهدي الكل للصواب

[قسامي غزة]

ربنا يحماهم ويوفقهم
مشكورة يا دموع الرحيل
علي مواضيعك القيمة

ويا دموع الرحيل
تعلمي التطنيش
في بعض المواقف
ومع بعض الاشخاص

[.:.!دموع الرحيل!.:.]

هلا وغلا والله

الله يكرمك

ههههههههه قولتك

الله يهدي الكل يا رب

نورت والله

[رفيق من جديد]

الاخت دموع الرحيل

ولن اناديكي رفيقتي .. يبدو انها كلمة تثير فيك امور غريبة من تجارب ..


بخصوص موضوعك ..
هو عبارة عن امنيات .. و كلام رنان بلا صوت ..

جميعا نرجوا ان يتحقق الامن .. و لكن الامن لا يتحقق بالهروات و العنف الموجه للداخل كما يحدث في غزة و الضفة .. و لن يحدث هذا الوليد ( الامن ) بالاقنعة السوداء التي يرتودنها مغاوير الداخلية في غزة هاشم ..

بخصوص الاسلوب ..
دائم عندك نزعج التطرف و الهجوم و الاقصاء لمن يختلف معك

وعشان ما تعرضي حالك لمحظورات المنتدى

بطلي تهديد .. خلاص قرفنا بلطجة ..

ربما لي تحفظات على اسلوب الاخت احلي ابتسامة فلسطينية
كما لي تحفظات على ما يرد في الاخبار المنشورة هنا .. فاذا كانت اسلوبها مش اكويس لانها انتقدت واقع .. فانتم طول اليوم ليس نتقدو بل تشتموا و تخونوا و تهدروا دم من يختلف معكم .. و كانكم رجال امير المؤمنين ايام الامويين او العباسيين ..

لكل فعل ردة فعل

لما انتم ليل نهار بتسبوا و بتخونوا الناس .. شو متوقعة من الناس انها تحترمكم ..
اذا عنا في الجامعة حتى اولاد الكتلة الاسلامية مختلفيين معكم .. و اكثير بنتقدوا قادتكم ..
هناك خطاء و علين معالجته
ليس بالشتم و التخويين ... بل بالحوار القائم على الاحترام و المنطق
المفقود في كل كلامكم ...
احيانا ما بدي ارد حتى ماانزيد الحوارات المتطرفة بس يا جماعة ما بصير يلي بتحكوه .. وزي ما احنا رافضين التعدي بالكلام على اخوتنا شباب حماس في الضفة ما بصير توافق على التعدي بالكلام على شباب فتح و غيرها ..
يعني انتم متطوشين مع كل التنظيمات ..
فتح * فدا * ديمقراطية - شعبية * جهاد * الجبهة العربية * و غيرهم و غيرهم
يعني كل هذه التنظيمات غلط و انتم الصح
وحدو الله يا جماعة شو هالحكي الفاضي ..
ما حدى فينا صح كلنا غلط

بكفي مزاودات و بكفي شعارات و بكفي كلام فاضي

[احلي ابتسامة فلسطينية]

المشاركة الأصلية كتبت بواسطة .:.!دموع الرحيل!.:. ههههههههههههههههههههه

لا اله الا الله

والله عبث

مش رح احكي شي

غير الله يهدي الكل وينور بصيرتك

ويهلمنـا الصواب

افهمي الي عمبيصير حواليكي منيح

بعدين تعي احكي

وأهل الحق على الحق سائرين بإذن الله

وشتــــــــــــــــــان بين أغلاط حماس الي انجبرت عليها

وبين أغلاط اتباع عباس ودحلان (( وطبعا مش رح احكي فتح ))

الي اختاروها بنفسهم وظلموا شعبهم والقضية والخ ..

الله ينصر الحق

ويهدي الكل للصواب

مشكلتى شايفة كل الى حولية منييييح

وشايفة الظلم الى ظلمتووووه قداااام عينى

بس اصعب اشي لما تكون شايف الظلم قدام عينك ومش قادر تحكى

لو كنت مش شايفاها كان صدقت كلامك المزور الى بيتسخدموه فيه الدين عشان تضحكوا على الناس

وكان صدقت الشعارات الكزابة

اصلا الناس انتخبتكم عشان صدقتكم ما بدى اعييييد وازيد بالكلام

فعلا شتان بيين اغلاط فتح واغلاط حماس

اتبااااع عباس ودحلان بعرفهم من زمان انهم غلط

بس انتم بتسخدموا الدين كلعبة سياسية

وبتسخدموا الدين لمصالحكم

وبتظلمووا الناس باسم الدين

طبيعى انك انتى مش هتحكمى على الامور زي ما انا حكمت عليهااااا

لانك من لبنان وشكلها قناة الاقصى مأثرة فيكى كتيييييييير

[احلي ابتسامة فلسطينية]

المشاركة الأصلية كتبت بواسطة رفيق من جديد

الاخت دموع الرحيل


يعني انتم متطوشين مع كل التنظيمات ..
فتح * فدا * ديمقراطية - شعبية * جهاد * الجبهة العربية * و غيرهم و غيرهم
يعني كل هذه التنظيمات غلط و انتم الصح
وحدو الله يا جماعة شو هالحكي الفاضي ..
ما حدى فينا صح كلنا غلط

بكفي مزاودات و بكفي شعارات و بكفي كلام فاضي

بالقانون الحمساوي كل الناس غلط وحماس بس الصح

خلاص ولا يهمك دموع الرحيل انا صرت حمساوية لانها صح

تحيا لحماااااس

تحيا لدموع الرحيل

تحيا للقسامى غزة

تحيا عاشق الحووور

انتم الصح وكل الناس غلط

الحمد لله ربنا هدانى وتنورت بصيرتى



سلاموووووووووووووو

[المارد الاسود]

ياسلاااااااااااام
صبرا....صبرا....صبرا
((فتح مرت من هنا))

[نور الهدى]

الله يحميهم و يوفقهم و يثبت اقدامهم يا رب

مشكورة اختي دموع الرحيل

و زي ما حكالك قسامي غزة

اتعلمي التطنيش ... زيي هيك هههه

لانه في ناس ما بتفهم بالعقل ... و همها الافتراء و التذمر

و في النهاية

القافلة تسير ... و الكلاب تنبح