كرسي الاعتراف::نسرينا الفلسطينية::

[بو هبه]

المشاركة الأصلية كتبت بواسطة نسرينا الفلسطينيه

أحلى باك بوهبه

نورت والله






اكيد الاسلام ما بحكي شي الا فيه اساس وفايدة للكل

ومساواة المرأه للرجل لازم يكون الها حدود بنظري وهيي حدود الاسلام واجباتها ما تتخلى عنها،

لانو كتير ناس بعتبرو المساواة والحرية للمرأة بتكون انو تعمل االي بدها اياه خارج حدود واجباتها وفروضها بالدين والاسرة وغيره..


ع العموم هاد الموضوع حلو وشيق وواسع والكلام فيه كتير ..وبتضارب الآراء عليه كتير

وازا بدك اي سؤال فيه انا جاهزة ^^



*** ** ** ** ***





حال فلسطين حاليا بوجع القلب..تفرقه وصراع وحرب اهلية عمري ما اتخيلت تصير لشعبا يوم من الايام..طول عمري بنظر والعالم كلو بنظر للشعب الفلسطيني شعب موحد وكلمتو وحدة وايديهم بيدين بعض ضد عدو واحد الي هوي مغتصب ارضنا...

ما بتتخيل صدمتي لهلا مش قادره اصحى منها..انو هاد كلو صار وعم بصير..وصلت معي اني بطلت اتابع اخبار..لاني ما بدي اصدق الي عم بصير..ولا اشوف شعبي عم بضيع ورا شعارات وكراسي وكلام فاضي..ونسيو اسرائيل الي اكلت بلدنا..وصرنا نضرب ببعض..

بالنسبة ع مين الحق..كل الي كانو يتقاتلو وعم يتقاتلو لهلا..عليهم اكبر حق..والتاريخ ما رح يسجل عليهم الا نقطه سوده وعار كبير ع شعبنا..الي كانت صورتو احلى صورة بالعالم..

شعب فلسطين المقاوم الشجاع الشهم وكل الصفات الي كنا نفتخر فيها..ضاعت بين يوم وليلة مشان شو !!

مشان اكون من حماس ولا اكون من فتح..شو بدهم يكونو فتح وحماس مشان نتقاتل مشانهم!!..

انا عارفه كتير رح يحكو انو احنا منتقاتل مشان انظف فلسطين..والي بضحك في الموضوع كل حزب فيهم بحكي نفس الكلام..وكل واحد فيهم بنشر غسيل التاني والشاطر الي بطلع التاني مش نظيف وغلطان!!

انا حكيتها قبل ورح احكيها كمان..فتح وحماس كانو بنظري حزبين مهمين وبحترمهم وبحترم كل شي عملوه..لانهم كانو يحاربو عدونا..بس لما صارو يحاربو بعض..ما عاد للاحترام مكان بعد اليوم..

لتنين غلطانين ونقطة وسطر جديد..

احنا انخلقنا وعدونا اسرائيل الي ماخده بلدنا ..انخلقنا نحب فلسطين ونستشهد مشانها وكلنا ارخاص مشانها..مش مشان حزب ولا شعار وعلم اي حزب!!



فلسطين وبس..





محمود عباس من يوم ما استلم الرئاسه ولهلا ما حاسة انو لفلسطين رئيس بعد ابو عمار..

لهلا ما شفت نوع من انواع الزعامه فيه ولا هيبة الزعيم..ولا حتى القرارات الصائبة ..يعني باختصار من يوم ما مسك السلطة وفلسطين عم بضيع بزياده..
وبعهده خربت البلد..


** ** ** **





لا طبعا ما بقبل

لانو الي بنبني ع الباطل ..روح يروح برمشة عين وما بدوم^^





** ** ** **





نورت والله

مع السلامه

يسلم تمك


طيب الي تعليق أوعدك اخر رد إلي وسؤال



برأيك اذا كان حماس على غلط وفتح على غلط والتنين غلطانين ...مش كل مشكله الها سبب

ومش كل مشكله فيها طرف ظالم وطرف مظلوم ....تتوقعي ان كلامك ((التنين غلطانين ))منطقي ...


أو لأ ....يعني وضحي يا حجه .....؟؟


ومالي سؤال بعده دمتي يا غاليه



سلامي

[نسرينا الفلسطينيه]

المشاركة الأصلية كتبت بواسطة بو هبه يسلم تمك


طيب الي تعليق أوعدك اخر رد إلي وسؤال



برأيك اذا كان حماس على غلط وفتح على غلط والتنين غلطانين ...مش كل مشكله الها سبب

ومش كل مشكله فيها طرف ظالم وطرف مظلوم ....تتوقعي ان كلامك ((التنين غلطانين ))منطقي ...


أو لأ ....يعني وضحي يا حجه .....؟؟


ومالي سؤال بعده دمتي يا غاليه



سلامي

أسمع يا بوهبه

انا رديت على أسئلتك بشكل عام أو بنظره عامله من غير دخول بتفاصيل متل سؤال شو رأيك بمحمود عباس ورأي في التفرقه الي صارت!!

ورح ارد عليه كمان بشكل عام وبسيط جدا عن الموضوع..ومش رح ادخل في سياسة كتير..لانو هالموضوع فيك تقول مشربك ميت شربكه..وتفاصيلو كتيره وازا بدنا ندخل في نقاش مش رح انخلص <<هيك دايما الفلسطينيه

انا بنظر للموضوع من الاخر ..يعني بنظر لنتائج الحرب الي صارت ..اكتر من اني اعرف مين الغلط ومين الصح..مع اني بحثت كتير ولا لقيت واحد فيهم صح!!

نتائج هالحرب عادت سلبا ع الشعب الفلسطيني وما اخد منها شي..بالعكس زادت الطين بله..
وزادت احقاد وتفرقه بين هالشعب ..وانت كان سؤالك شو رأيك بالتفرقه!!

يعني انت بتآمن انو التفرقه قامت..وهاي اكبر مصيبه اكلناها من ورا كلام فاضي!!

فوت اي عيلة او اسره فلسطينيه فيها فتحاويه وحمساويه بتلاقيهم ما بكلمو بعض وكل واحد محارب التاني!!

أنا بعرف كتير ناس فتحاوين وحمساوين متعصبين كتير..وكانو أول هالحرب كل واحد واقف مع حزبو وبشجع الي بصير..بالاخر بس شاف انو دماء الشعب بتهدر بالرخص هاد وصرنا مضحكه وفرجه للي بسوى والي ما بسوى!!..مع انهم متعصبين ما حكو غير كلمة وحده بلا فتح بلا حماس فلسطين عم بضيع واحنا منجري ورا احزاب وشعارات!! الي عن بصير لعبة كبيره ولتعبت ع الشعب الفلسطيني!!

هلا فلسطين ما عاد الها وجود..هلا الناس ما بنادو غير بحماس وفتح..روح أي مكان بتلاقي الواحد فيهم بحكي تموت وتحيا فتح او حماس وبحمل علم حماس او فتح..

والي مصيبة الأكبر لما يحكولك انو انغير اسم غزه ونخليها حماسستان!!وهالكلام بالمنتدى عنا للاسف..

قضية فلسطين ماتت وصار قضايانا حماس وفتح والشاطر الي باخد غزه وكم قطعه حواليها..وبتخبا كل حززب بكلام انو كل واحد فيهم بدو ينظف البلد من الفساد والمافقين والاشرار..والمشكله الناس بصدقو هالكلام وبجرو وراه!!

مين الغلط!!

انا طول عمري ما تحزبت لأي حزب..دايما كنت اوقف مع فتح ازا عملت صح وازا عملت غلط بوقف وبحكي عنها غلطت ومع حماس نفس الكلام..بس بقعد بسمع في حمساوين وفتحاوين لاشوف مين الصح ومين الغلط..بلاقيهم لتنين بنشرو بغسيل وسخ لبعض وكل واحد بكون جايبلك دليل انو هاد هاد هيك عمل وهيك سوى!!

وفوت اي منتدى حمساوي وفتحاوي وشو المواضيع الي بنزلوها لبعض..بتصير كمان شوي رح تصدق من كتر ما الادله قاطعه..وتحتار مين الصح ومين الغلط..مشان هيك بالاخر سكرت دينيي عن لتنين..

انا بآمن انو ما في حدا نظيف كامل وما حدا يعمل ع التاني انو هوي الشريف وبس..كل حزب فيه المنيح وفيه الفاسد..زي أي اسره وعيله في العالم فيها الولد المنيح والولد العاطل..ولازم كل واحد فيهم يعترف..وينظف حالو من جوه قبل ما يعمل فيها ابظاي وينظف التاني..

هاي فتنه كبيره وفيها ايدي خفية مشتركه وهدفها نشر الحقد وببعد المقاومه عن اسرائيل ووووالخ

سوري طولت عليك بس حبيت اخد الموضوع من منظور بسيط واي حدا بقدر يفهمو اكتر ما نحكي بتفاصيل ما بتخلص:)

واهلا وسهلا فيك بوهبه بأي وقت

نورت والله