::: كرســــــي الاعتراف ::: أبو نـــــور :::

[هلــون]

يا اهلا يا اهلا أبو النور كلو عالكرسييييييي أشو هااااااظ

بو النور كم سؤال عالماشي ... يعني هسع بتكون متسكر من اسئله الأعضاء

خدلك هل كم سؤال بالفصحى .. ازا في غلط ما اتدقق يعني

اول شي اسئله عامة

*هل انت شخصية جادة صلبة ام شخصية جادة مرحة؟؟

*أين هو موقعك في الخارطة الإجتماعية؟ (اجتماعي انطوائي .......الخ)؟

*اكثر الاعضاء اثار انتباهك بما يكتبه من مواضيع وتتبعت خطاه؟؟

* ماهو ميولك الشخصي في مجال حياتك ؟

* ماهي منجزاتك العصرية اليومية تجاه أعمالك ؟

* ماهي ميولك الشخصي في الشعر والخواطر
أجب بالتفصيل ؟؟

* هل تمارس الرياضة ؟ وماهي الرياضة
المحببة لك .. بالتفصيل الملل ؟؟


الدولة ..

كم أرتفاع (فلسطين) عن سطح الأرض ولا البحر ؟؟

*ما أهم المنتوجات التي تزرع هناك في هذه المنطقة ؟

* ماهو نسبة أنخفاظ درجة الحرارة هناك في وقت الصيف ؟

* موقف جميل من صديق تتذكره حتى الآن ؟ حدثنا ؟

* أين تحب أن تتسوق بالأماكن ؟ أذكرها ؟


بس لحد الان .. صاحية من النوم لسه مو مصحصحة ههههه

[ABU-NOUR]

المشاركة الأصلية كتبت بواسطة صدى الصمت اه يماااااا ؟؟

ايش في ؟؟

كنت شفقانة عليك ،، بس غيرت رايي

وجاية اطل عليك اذا ناقصك حاجة ولا محتاجة ^^

ويلا خذلك هالكم سؤال روق مزاجك فيهن ^_*

ههههههههههههههه ..
طيب يما
اهلا وسهلا بيكي امتى ما بدك اتفضل ,,

يلا بسم الله ..

المشاركة الأصلية كتبت بواسطة صدى الصمت 1- شو ترتيبكـ بين اخوتــــك ؟؟

من تحت ,, انا 3
من فوق يعني من الاكبر للاصغر ,, انا 4

المشاركة الأصلية كتبت بواسطة صدى الصمت 2- اكلـــــة بتموت فيهـــا هع هع هع ؟؟؟

الفتووووووووووووووووووش , البيتزاااااااااااااا والمعجنات والفطائر بجميع انواعها ..

المشاركة الأصلية كتبت بواسطة صدى الصمت 3- بتحـــب عصير الفراولة ؟؟؟

اكيــــــــد

المشاركة الأصلية كتبت بواسطة صدى الصمت 4- بتحــــــــب المنســـــــف ؟؟؟

منسف شو هاي ؟؟

المشاركة الأصلية كتبت بواسطة صدى الصمت 5- بتشـــوف في فرق ،، بيني وبين اختــي عاشقة فلسطين ؟؟؟

في فرق بس مش كتيييييييييييير :)

المشاركة الأصلية كتبت بواسطة صدى الصمت 6- بتكتـــب مذكرات يوميـــة ،، او حتــى خواطر ؟؟؟

لا

المشاركة الأصلية كتبت بواسطة صدى الصمت 7- شـــو رايكـ بزواج البنـــت من ابــن عمهـــا ،، ولســـا ما معهـــا توجيهـــــي ؟؟؟

هي حرة
بس كان كملت جامعة ,, ولا اقللك الله معها ان شاء الله تتهنى بزواجها :)

المشاركة الأصلية كتبت بواسطة صدى الصمت 8- أكلــــة او شي ،، عملتــــو لحالــك ؟؟؟

فتوش .. وابصر شو ابصر شو يعني اعملت بس ناسي :)

المشاركة الأصلية كتبت بواسطة صدى الصمت 9- بتحـــس تفكيـــري اكبــر ولا اصغــــر منــي ،، من خلال تواجدي بالمنتدى ؟؟؟ ( حدد اصغر او اكبر )

كلو تمام :)
اكبر ..
بس بتحبي الضحك والفرفشة :)



؟؟
وين سؤال رقم 10 ؟؟؟

المشاركة الأصلية كتبت بواسطة صدى الصمت 11- شـــو هدفـــك او طمـــوحك بالحيـــاة ( اختار واحد منهم ،، يا هدف ( مش Gــــول) يا طمــوح )

هدفي هلقيت ,,
اخلص من توجيهي وجيب معدل منيح وحلو يرفع الراس , وادخل اي تخصص بيعجبني او اطلع على الامارات ..

المشاركة الأصلية كتبت بواسطة صدى الصمت 12- شــو الاشـــي او الشيــــــــــــــاء ،، اللي نفســك تسألنـــي اياهم ،، بس ما قدرت تسأل؟؟

اممممممممممـــ
برضو ما بينفع اسألك اياهم هون :)
بعدين اسكتي

اصلا ما في شي بنفسي بدي اسألك اياه وما قدرت اسألك اياه :)

المشاركة الأصلية كتبت بواسطة صدى الصمت - هــــل انتـــا منزعـــج او مش متقبـــل طريقــة حكيــي معك في المنتدى ؟؟( الصراحة راحة)

لا , عادي ..
كلامك بيعجبني :)

المشاركة الأصلية كتبت بواسطة صدى الصمت والنـــــــــــــــا رجعة اكيـــــد

اهلا وسهلا بيكي امتى ما بدك :)

وانا بدي اصل درس الانجليزي وراجع بعدو برد على الباقيين :)

[بسكوتة]

كل هاد ومش مصحصحه يا هلــون ههههههههههههههه

يسعدلي المسطل لعاد :p

نرجـع عند أبـو النــور والله الأسئلـه كترت عليـك :(

الله يعينك ^^

ولي عـودة خفيفة دائمـا ^^ ولا يهمك

[sallmars]

هوووووووووووووووو

السلام عليكم اولا

صباح الخير ثانيا

كيفك عموووووو ثالثا

يلا نبدأ فى الاسألة

اخر مرة انضربت امتى و من مين و علشان اية ؟؟؟

2- هل انت كان نفسك تبقى بنت ؟؟؟

3- اكبر مقلب انعمل فيك و شربتوا ؟؟؟

4- كم مرة ندمت فيها فى حياتك على شىء عملتو ؟؟؟

يلا كفاية كدة دلوقتى

و الله يوفقك اخى و يعينك على الكرسى ههههههههه

[moon_al7oob]

والله انك ملك يا ابو نور......................والله يخليك على هيك موضوع ................يا ملك

[ABU-NOUR]

المشاركة الأصلية كتبت بواسطة ameerelarab
***************************

الرحمه حلوه ومطلوبه

تحياتي


خفوا عالراجل

*****************

هههههههههه

والله مسكين :(

قللهم خليهم يخففو عني

تسلم يا امير والله انك طيب :)

[ABU-NOUR]

المشاركة الأصلية كتبت بواسطة مغرمة فلسطين يا مرحب يا حج ابو نور

منور يا عم

ان شاء مرتاح محتاج مخدة ولا اي شي احنا جاهزيناهم شي تكون مرتاح عشان تجاوب بنفس^^

اول شي نعمل الواجب و نضيفك
العصير:


الشاي:


القهوة:


تحلى:


قول الحمدلله

بوجودك :)

اها هيك الناس ولا بلاش

الضيافة :)

هو في حد بيقعد على هالكرسي وبيكون مرتاح ؟؟

الحمد لله

المشاركة الأصلية كتبت بواسطة مغرمة فلسطين و بعدها بسم لله

عشان الاسئلة

يلا نبدأ على بركه الله:

بسم الله

يلا

المشاركة الأصلية كتبت بواسطة مغرمة فلسطين - لماذا إخترت إسمك المستعار ... ؟

يعني لشو برأيك اخترتو :)
كان اسمو النمر الوردي ,, بعدين غيرتو للجنرال , بعدين لابو نور :)

اختروتو لانو في المدرسة واصحابي والوالد واخواتي بينادو عليا باسم ابو نور :)

والحمد لله عاجبني

مش شايفة كيف مليت المنتدى نور :P

المشاركة الأصلية كتبت بواسطة مغرمة فلسطين - لماذا إخترت منتديات شباب فلسطين لتنضم إليها ... ؟

لانها اعجبني :)
يعني انا مسجل تقريبا في 315 منتدى , عربي وانجليزي وحتى ايراني :)
بس مشاركاتي وتفاعلي في شباب فلسطين اكثر :)

المشاركة الأصلية كتبت بواسطة مغرمة فلسطين - لماذا في إعتقادك نور اليقين اختارتك للكرسي ... ؟

والله ما بعرف :)

بس هي اكيد بتعرف ^^

المشاركة الأصلية كتبت بواسطة مغرمة فلسطين فاصل اعلاني و راجعين (برب)

رجعنا(باك)

هههههههههههه

شو هذا

يلا لحظة بدي ارتاح ..

المشاركة الأصلية كتبت بواسطة مغرمة فلسطين - أين تقضي معظم وقتك ... ؟

عند اصحابي ..

المشاركة الأصلية كتبت بواسطة مغرمة فلسطين - أين تجد راحة البال ... ؟

وين بتلاقيها انتي انا بلاقيها :)

المشاركة الأصلية كتبت بواسطة مغرمة فلسطين - أين تذهب لو أعطيت إجازة اليوم ... ؟

بروح على البحر كمان مرة مع انو رحت 6 مرات على البحر
بس ما رحت مع اهلي والعيلة ولا مرة :(

فقاعدين بنسق ليوم الخميس نطلع على البحر كل العيلة :)

المشاركة الأصلية كتبت بواسطة مغرمة فلسطين فاصل اعلاني و راجعين (برب)

رجعنا(باك)

هههههههههههه

احلى شي الفواصل ^^


عاملين قلق

المشاركة الأصلية كتبت بواسطة مغرمة فلسطين - من يعجبك من أعضاء المنتدى ؟ لك الحريه في ذكر عدة اسماء ..

عاجبني :
فارس فلسطين بس بطل يدخل
لولو , بسكوتة , الاماني , انتي , لمسة وردة , هلون :)

المشاركة الأصلية كتبت بواسطة مغرمة فلسطين - من هو صديقك الصدوق ... ؟

ابن فلسطين , فارس فلسطين , ابو مجاهد ..

المشاركة الأصلية كتبت بواسطة مغرمة فلسطين - من أي شئ تغضب ... ؟

من الكذب ,, والحقد ,, والكراهية . ...

المشاركة الأصلية كتبت بواسطة مغرمة فلسطين فاصل اعلاني و راجعين (برب)

رجعنا(باك)

اهلا وسهلا بيكم مرة تانية :)

المشاركة الأصلية كتبت بواسطة مغرمة فلسطين - متى تبكي بحرقه ... ؟

..............

المشاركة الأصلية كتبت بواسطة مغرمة فلسطين - متى تجلس لوحدك ... ؟

لمن اكون زهقان :)

المشاركة الأصلية كتبت بواسطة مغرمة فلسطين - متى تقول لا ... ؟

لمن اشوف شي غلط :)

المشاركة الأصلية كتبت بواسطة مغرمة فلسطين - متى تكون أناني ... ؟

ما عمري كنت اناني :)
اسألو عني ابن فلسطين وفارس فلسطين وابو مجاهد :)

المشاركة الأصلية كتبت بواسطة مغرمة فلسطين - كيف تعيش يومك ... ؟

بعيشو مثل باقي الناس , عيشة حلو وعيشة عادية :)

المشاركة الأصلية كتبت بواسطة مغرمة فلسطين - كيف ترى حال الأمة اليوم ... ؟

حالها على الله ,,

الله يعينا ويعين الامة ,
حكام همج مش عاملين شي للامة ..
والامة امة تعبانة :)

المشاركة الأصلية كتبت بواسطة مغرمة فلسطين - كيف تنظر لمستقبلك ... ؟

ان شاء الله خير ..

المشاركة الأصلية كتبت بواسطة مغرمة فلسطين - يقال أن الحب يمحو جميع العيوب والأخطاء في المحبوب (( ما تعليقك )) ... ؟

كلام 100%
ما في عله غبار , الي بيحب وحدة او وحدة بتحب واحد , ما في شي بيوقفهم ,,
وكل العيوب والاخطاء الي موجودة عند الاثنين , بتختفي وما بينتبهو الها :)

المشاركة الأصلية كتبت بواسطة مغرمة فلسطين - ما أجمل ما في الحياة في نظرك... ؟

انو في ناس طيبة مثلك ومثل الاعضاء :)

المشاركة الأصلية كتبت بواسطة مغرمة فلسطين - هل أنت فوضوي ... ؟
- هل كنت صادقاً في كل ما قلتة ... ؟

^^
اسألي ابن فلسطين وابو مجاهد وشو بيحكو انا راضي :)

المشاركة الأصلية كتبت بواسطة مغرمة فلسطين ماهو هدفك بالحياه.......(سلب ام ايجاب) اذكره بكلتا الحالتين ..

ايجاب ان شاء الله :)
هدفي اني احيي امة الاسلام والمسلمين ^^
وارجع الخلافة الاسلامية ان شاء المولى ..
وكل شي باذن الله بيصير :: ما في شي مستحيل .. والله على كل شي قادر ..

المشاركة الأصلية كتبت بواسطة مغرمة فلسطين _هل انت من متابعي الاخبار والحوادث ( أجب بنعم أم لا ) ..
ماهو شعورك عندما ترى جثث الاطفال والرجال والنساء من العرب امام عينيك والعدو واقف بيضحك...
(صف ماهو شعورك بتلك اللحظه وبصدق)؟؟

نعم ..
احقد احقد احقد عليه ونفسي لو بقدر ادخل من الشاشة وامسكو واقتلو ما بوفر ..
الله يرحم اموات المسلمين , ويسكنهم فسيح جناته ..

المشاركة الأصلية كتبت بواسطة مغرمة فلسطين _عندما تجد ابتعادا من شخص معين كانت تربطكم علاقة اخويه او احترام وود
لا تعلم سبب ابتعاده حاولت الاستفسار منه لكنه فضل الصمت على الاجابه
(ماذا ستكون ردة فعلك)؟؟

مثل ما بيعاملني بعامله , بل بعامله باحسن من معاملتو :)
بس ببعد عنو والله يسهل عليه ويوفقه ^^

المشاركة الأصلية كتبت بواسطة مغرمة فلسطين _ماموقفك عندما يسيء شخص فهمك ويرد عليك بكلام جارح وانت لم تجرحه يوما
هل تسامحه ام تفضل الابتعاد حفاظا على كبريائك؟؟

بسامحه :) ,
بس في نفس الوقت ببعد عنو الا اذا كان عزيز عليا كثير , بحاول ابعتلو ناس واشخصا يأثرو عليه علشان نرجع مثل اول وافضل ^^ ..
مثل شخص في المنتدى ببعتلو وهو بيرفض :)

المشاركة الأصلية كتبت بواسطة مغرمة فلسطين مالذي تعنيه لك هذه الكلمات

الاحلام...

الظلام...

الانانيه...

حب التملك..

الاحلام : مجرد احلام وخيال , بالجد والمثابرة والصبر والتوكل ,, بيتحقق غير ذلك بيضلو مجرد خيال ..
الظلام : ظلام :)
الانانية : احد افرع الكراهية والحقد ,, بينهم يعني ,, والانانية بتخلي الواحد ينسى كل شي حتى وطنو وبلدو واهلو واخوه وامو وابوه , من اجل بطنو :) من اجل الانانية ..
حب التملك : كل شخص فيه هذه الخاصية ,, كل شخص بيحب يتملك ,, ويكون شي الو خاص بيه وملكو ,,

المشاركة الأصلية كتبت بواسطة مغرمة فلسطين _اكتب الدوله التي تنتمي اليها والتعبير عنها بكلمتين فقط ..

بعرف انو ما بيكفي و لكن أجى ع بالي انو تعبر عليها بكلمتين^^

فلسطيــــــــــــــــــــــن

اكيـــــــــد :::

هي الكلمتين :)
فلسطين الحبيبة ^^

المشاركة الأصلية كتبت بواسطة مغرمة فلسطين اختار اعضاء من 1_5 وقل رايك في شخصهم ..

اختار عضوات من 1_5 وقل رايك في شخصهم ..

اعضـــــــــــــاء :شباب
ابن فلسطين : اخوي وحبيبي ووقت ما بدي اياه بلاقيه جنبي بسرعة .. الله يوفقو في دراستو :)
أبو مجـــاهد : ابن خالتي , وصاحبي في نفس الوقت :) .,, امتى ما ارنلو على الجوال واناديه بيجيلي بسرعة .. ما بقصر ,, لمن اطلب منو اي مساعدة ما بيقول مشغول او شي على طول بيجي ...
فارس فلسطين : مؤدب محترم ,, الله يوفقو في دراستو بطل يبين :( ..


اعضـــــــــــاء :بنات
مغرمة فلسطين : عقدتني بأسألتها وزهقتني :( ,, :P يبدو عليها طيوبة وبتحب الضحك والفرفشة :)
بسكوتة : بنوتة غير شكل ,, صحك فرفشة طيبة , منورة ^^
لولو : الله يحميها ما في حقد ولا كراهية ولا حسد ولا شي يعني ما شاء الله عليها :)
هلون : بنت طيبة بس مش راضي الفيديو تاعها يطلع على النت .. ظلك حاولي يا بنتي :)

المشاركة الأصلية كتبت بواسطة مغرمة فلسطين بنتمنى نكون خفاف عليك<<<ما أظن

لي رجعة ان شاء الله

سلملم

هههههههههههههه

ولا انا :)

اهلا وسهلا بيكي امتى ما بدك ^^

[ABU-NOUR]

المشاركة الأصلية كتبت بواسطة هلــون يا اهلا يا اهلا أبو النور كلو عالكرسييييييي أشو هااااااظ

بو النور كم سؤال عالماشي ... يعني هسع بتكون متسكر من اسئله الأعضاء

خدلك هل كم سؤال بالفصحى .. ازا في غلط ما اتدقق يعني

اهلا بيكفي

ها يعني نصي ولا رجلي بس ؟؟

الله يستر ..

المشاركة الأصلية كتبت بواسطة هلــون اول شي اسئله عامة

نعم هو في اسئلة عامة واسئلة خاصة ؟؟

المشاركة الأصلية كتبت بواسطة هلــون *هل انت شخصية جادة صلبة ام شخصية جادة مرحة؟؟

انا في الجد ,, بتكون شخصيتي جادة صلبة ,,
في الضحك والفرفشة , بكون عادي مرح :)

المشاركة الأصلية كتبت بواسطة هلــون *أين هو موقعك في الخارطة الإجتماعية؟ (اجتماعي انطوائي .......الخ)؟

اجتماعي :)

المشاركة الأصلية كتبت بواسطة هلــون *اكثر الاعضاء اثار انتباهك بما يكتبه من مواضيع وتتبعت خطاه؟؟

لولو , بسكوتة , هلون , فجر الحياة , دموع الرحيل , نور اليقين

المشاركة الأصلية كتبت بواسطة هلــون * ماهو ميولك الشخصي في مجال حياتك ؟

ميولي ميول عادي :)
ما في شي محدد ..

المشاركة الأصلية كتبت بواسطة هلــون * ماهي منجزاتك العصرية اليومية تجاه أعمالك ؟

زي كيف يعني ما فهمت :)

المشاركة الأصلية كتبت بواسطة هلــون * ماهي ميولك الشخصي في الشعر والخواطر
أجب بالتفصيل ؟؟

بحب اسمع شعر وخواطر واقراهم
بس ما بحب انا اكتب :)

المشاركة الأصلية كتبت بواسطة هلــون * هل تمارس الرياضة ؟ وماهي الرياضة
المحببة لك .. بالتفصيل الملل ؟؟

حاليا لا ,,
بس قبل شي سنة ونص ..
كنت بمارس كرة السلة :)
والجري ,, (الركض يعني)

المشاركة الأصلية كتبت بواسطة هلــون الدولة ..

كم أرتفاع (فلسطين) عن سطح الأرض ولا البحر ؟؟
*ما أهم المنتوجات التي تزرع هناك في هذه المنطقة ؟
* ماهو نسبة أنخفاظ درجة الحرارة هناك في وقت الصيف ؟

شو هالسؤال هذا ؟؟
في عندك جوجل ابحثي بتلاقي الجواب المنيح افضل مني :)

المشاركة الأصلية كتبت بواسطة هلــون * موقف جميل من صديق تتذكره حتى الآن ؟ حدثنا ؟

مواقف كثيرة جدا ,,
بس مش قادر اتذكر ولا موقف ^^
لاني مروح من درس الانجليزي هلقيت
فخليها لمن اتذكر برجع لسؤالك هذا :)

المشاركة الأصلية كتبت بواسطة هلــون * أين تحب أن تتسوق بالأماكن ؟ أذكرها ؟

اتسوق ؟؟
يعني اشتري الملابس والاكل والاشياء الي هيك ^^

انا بتسوق وين مكان
بس بالنسبة لطولي ما بلاقي في المناطق الي عندنا
فبروح على الرمال ,,
بشتري من هناك انا وابن فلسطين والشلة ..

المشاركة الأصلية كتبت بواسطة هلــون بس لحد الان .. صاحية من النوم لسه مو مصحصحة ههههه

اذا هيك ولسا مش مصحصحة
كيف لمن تصحصحي

الله يسترنا

اهلا وسهلا بيكي امتى ما بدك :)

[ABU-NOUR]

المشاركة الأصلية كتبت بواسطة بسكوتة كل هاد ومش مصحصحه يا هلــون ههههههههههههههه

يسعدلي المسطل لعاد :p

نرجـع عند أبـو النــور والله الأسئلـه كترت عليـك :(

الله يعينك ^^

ولي عـودة خفيفة دائمـا ^^ ولا يهمك

هههههههههه


شايفة

كيف لمن تصحصح الله يسترنا :(

بعين الله

يلا بنستناكِ :)

[ABU-NOUR]

المشاركة الأصلية كتبت بواسطة sallmars

هوووووووووووووووو

السلام عليكم اولا

صباح الخير ثانيا

كيفك عموووووو ثالثا

وعليكم السلام

صباح الفل :)

الحمد لله بخير ما دامك بخير

المشاركة الأصلية كتبت بواسطة sallmars

يلا نبدأ فى الاسألة
اخر مرة انضربت امتى و من مين و علشان اية ؟؟؟

نبدأ
بسم الله

اخر مرة انضربت فيها بتذكر ,, كانت قبل 5 سنوات , في المدرسة علشان ما حليت الواجب :)

المشاركة الأصلية كتبت بواسطة sallmars

2- هل انت كان نفسك تبقى بنت ؟؟؟

لا ,
الحمد لله الله خلقني شب :)

المشاركة الأصلية كتبت بواسطة sallmars

3- اكبر مقلب انعمل فيك و شربتوا ؟؟؟

معمريش اكلت مقالب :)
انا بعمل مقالب :)

المشاركة الأصلية كتبت بواسطة sallmars

4- كم مرة ندمت فيها فى حياتك على شىء عملتو ؟؟؟

يمكن تقريبا مرتين او ثلاثة ..

المشاركة الأصلية كتبت بواسطة sallmars

يلا كفاية كدة دلوقتى

و الله يوفقك اخى و يعينك على الكرسى ههههههههه

الله يعينا :)

الحمد لله

اهلا وسهلا بيكي امتى ما بدك

بتنورينا