احكيلنا عن قريتك؟؟

[SWEET*GIRL]

السلام عليكم ورحمة الله وبركاته

كيفكم؟؟

الموضوع هدا اسمو احكيلنا عن قريتك؟؟

كل واحد يدخل ويحط اسم قريته

ويحكيلنا شوي عنها (للفائده)

اتمنى تفاعلكم معي

وشكرا كتير

انا بحكيلكم بعدين (انشاءالله)

[.:.!دموع الرحيل!.:.]

الله يكرمك ..

مـع انو كــان موجود بالفلسطيني العام

بس لا بــد منــه بالمدن

الموضوع مثبت يا عسل

ولي عودة احكي عن حينا ان شاء الله

[SWEET*GIRL]

نورتي اختي

مشكوره كتير على التثبيت

وينك ما رجعتي؟^.^

بدي تفاعلكممممممممممممممم

[Mira]

موضووع كتييير حلو
بس ياريت اقدر احكي عن بلدي بس مابعرفه
انا من الناصره ياريت ياريت اي حد بعرف شي عنها يحكيلي
لانو انا طول عمري عايشي بره فمابعرفها وماشفتها حتى فبتمنى
اعرف منكم
ومشكووووووووورين
اختكم ميرا

[أنين]

للأسف انا بس بعرف اني من الخليل

عااد من وين بالخليل ما بعرف

بس بعرف انها الخليل

اكتير حلوووه

وبتجننن

وكل شي فيها حلووو

[SWEET*GIRL]

اختي مره

بتقدري تدخلي على جوجل وتحطي عن الناصره وانشاءالله بتلاقي صور عنها وكلشي

نورتي

ختي انين انا بردو من الخليل

بس بالقدس عايشه

بس بنزور كتير الخليل

يعني الخليل حلوه كتير

الناس فيها بحبو بعض اكتر منا هون او باماكن تانيه

وانشاءالله تنتقل المحبه بين الجميع مش بس بالخليل

[حنين04]

انا من بديا من قرى نابلس ما بعرف كتير عن بلدي لأني ما عشت فيها يعني أكتر مده عشتها فيها كانت شهر تقريبا قبل الأنتفاضه المباركه بشهرين
اللي بعرفه أنها سميت بهالاسم نسبه للبد وهو الحجر الكبير اللي كانوا زمان يعصروا فيه الزيتون ولسه لليوم في معاصر زيتون قديمه عنا بالبلد بس ما بعرف من أي زمن
في عنا بالبلد أكتر من عائله واغلبهم من بلدات تانيه واجوا من زمان وسكنوا بديا هي بلدنا بالاصل زمان كان فيها بس عيلتين من كتر حروبهم مع بعض أنقرضوا تقريبا فكل العائلات الموجوده في البلد هاي الأيام بتقدروا تحكوا انها مش أصلا من البلد ومنهم عيلتنا اللى اصلها بالأساس من دير استيا اللي هي كمان من قضاء نابلس عالعموم كل فلسطين خير وبركه
في ببلدنا بساتين كتير واشهر المزروعات الزيتون بحكيلنا بابا أنه كان فيها غزلان وحيوانات بريه ما بعرف اذا لهسه فيها ولا لأ يعني بأرض سيدي الله يرحمه فيه كان مره قرن غزال على ذمه اللي حكالي
شو كمان ؟؟؟؟
على كل حال انا ناسي اشياء كتيره مش خاطره على بالي هسه وان شاء الله الي رجعه
يسلموا عالموضوع

[.:.!دموع الرحيل!.:.]

هههههههههه

دايما بقولك راجعه وما برجع عقدتك شكلي

لا هيني رجعت يا عسل

بدي احكي عن منطقتنـا بفلسطيــن

الي هيه حي المنشية في :: يـــــافــــا ::

وانا كنت عامله موضوع عنـها وجمعت عنها معلومات وصور

رح اجبلك ياها هون

هـون الموضوع الأصلي

وهي الكلام في منطقتنـا الحبيبة ^^

"حي المنشية"

أحد أهم أحياء مدينة يافا وأشهرها
هذا المكان الذي كان يجب ان نكون
انا وابناءه نعيش تحت ظل سماءه
نسرح في ساحاته ،،
ونستنشق هواء شوارعه
وتضمنا تربته وتحضننا أزقته 000
أسأل الله تعالى أن لا يذيق أعداء الله
الصهاينة راحة فيه ولا يهدئ لهم بالاً
لا هناك ولا في جزء من بلدي الحبيبة 000

جمعت بفضل الله بعض الملعومات عن هذا الحي
الذي وإن لم اره يوما
يسكن في قلبي ،، بدل أن أسكن أنا فيه
كما سكنت فلسطين حبيبتي كل جوارحي ......


"حي المنشية"

المنشية تقع في الجهة الشمالية من مدينة يافا
وهي منطقة تاريخية عريقة في تاريخ الشعب الفلسطيني
وقد هدم هذا الحي عن بكرة أبيه ،، وهجّر سكانه عيشة قيام دولة كيانهم المزعوم


يقول مجيد البرغوثي في مدونته التي كتب فيها عن عشقه ليافا ،، وذكرياته فيها ،، وكتب عن نضالها ودور يافا في الثورة والدفاع عن الوطن:

"واعترف مناحيم بيغن بقوة النضال والدفاع عن المدينة خاصة في حي المنشية الذي اشتهر بأنه حي القبضايات و كان الصغار يرددون فيه دائما ( إحنا ولاد المنشية .. حمالين الشبرية ) ، وصرح بيغن " لقد هاجمنا يافا بأفضل قواتنا وأحسنها تدريبا و مرانا .. وفي المرات الخمس رددنا على أعقابنا و حملنا في ميادين المعركة أبطالا أعزاء علينا مضرجين بدمائهم و بلغ من صلابة حماتها أن فكرنا بالعدول عن اقتحامها " إلا أن القوات المهاجمة رغم مواقف أبنائها البطولية و النضالية كانت اكبر من قدراتهم. "


وهنا بعض صور المتنزه الذي شيدته بلدية تل أبيب على أنقاض الضاحية الفلسطينية. لا بد أن نعترف أنه متنزه جميل جدا، ولكن يا ترى هل يعلم الزائر لهذا الشاطئ الذي يعتبر أحد أجمل الشواطئ في البلاد أنه شيد على أنقاض ضاحية فلسطينية تدعى المنشية وهي كانت تعتبر مركزا رئيسيا للحياة الاجتماعية والاقتصادية في مدينة يافا قبل النكبة.

صور من شاطئ ومنتره المنشية :



مسجد حسن بيك من شاطئ المنشية



ويمثل مسجد حسن بيك الأثر الإسلامي الوحيد في تل أبيب ..الأثر الذي لا يطيقه اليهود وهم يمرون يوميا من أمامه. حاول اليهود مرارا تدمير المسجد وتشويهه وإقامة مهرجانات التعري أمامه إلا أن الله شاء ان يصمد.




منتزه المنشية







يافا القديمة من منتزه المنشية

وتبقى يافا المدينة التي شهدت شجاعة أهلها وعشقهم لوطنهم فلسطين
والتي ذاق على ايديهم الأعداء أشد العذابات والمرارات
فقد خسر اليهود في معارك يافا أكثر من 1000 (الف) قتيل ....

يافا الحبيبة
هي كغيرها من أخواتها
من مدن وقرى وبلدات وطننا الحبيب
اللواتي دافعن عن أمهن الحبيبة فلسطين
واللاتي سيبقين يدافعن حتى
نستعيد كل شبر وحبة رمل من
وطننا الحبيب

يسلمو هالإيدين يا رب حبيتي سويتي ^^

ما ننحرم منك ولا من مواضيعك العسل

[بنت فلسطين بالعين]

الصور ولاكأنو في دبييييي



روووووووووووووووووعة منطقة المنشية




ياسلااااااااااااااااااااااااااااااا اااااااام

[SWEET*GIRL]

نورتي حنين4

بس تتذكري تحكيلنا كمان ارررجعي

تسلمي على رجوعك الرائع لمسة ورده

ههههه

لا يا عسل ما تعقدت ههههههههههههههه

شكرا كتير عالصور والكلام الراااااائع و(المعلومات)