في شب بعاكسني وبدو يتعرف

[اسلام]

بسم الله الرحمن الرحيم
السلام عليكم ورحمة الله وبركاته

أختي اسلام
طرقتي موضوع من زمان لازم ينطرح

يعني من أول ما جبت الموبايل ما سلمت ..
والله شو هاد والمكالمات عادة بتكون بنص الليل بيعدو يرنرنوا الله يخزيهم ما عندهم شرف ولا أخلاق ..
وبيعتبروا الموضوع تسلية ..

ارحمنا يا رب ..شكرا اختي اسلام عالطرح الرائع والمتميز

مشكورة اختي العزيزة سنا القمر لمرورك الرائع
الله يجزيك الخير يارب لردك الحلو
ما منقول غير الله يهديهم ويثبتنا على الدين يارب
امين الله يرحمنا ياالله
مرورك الرائع اختي الحبيبة

اللهم اغفر لنا يارب العالمين
اللهم ثبتنا على هذا الدين
اللهم انك عفو تحب العفو فاعفو عنا

امين يارب
ياهلا فيكي يااختي فرح منورانا بعودتك للمنتدى ومشاركتك

مشكورة لمرورك الحلو

معاكي حق بس هاد الاشي ولا مرة صار معي و ازا بصير لازم اهلي يعرفو لانو صريحة كتيير مع اهلي
اما بالنسبة للمتدينات في منهن بحسبو حساب الله و حساب الاهل اما في متدينات بس بعملو العكس
و نفس الاشي للي مش متدينة لانو التربية بتلعب دور
و كمان مش كل اصابعك متل بعضها
مشكورة اسلام لطرحك هلموضوع

اختي ريتا ياهلا بمرورك اللطيف
ان شاء الله ما بتتعرضيله لانه حيكون موقف صعب كتير وقاسي
واكيد مو كل اصابعي زي بعضها لاني طرحت موقف لاختين متدينة وغير متدينة
والتربية كمان بتلعب دور لكن احيانا الصحبة السيئة كمان بتلعب دور
والمنتديات ايضا مان ملاحظة هامة في كتير من الاخوة بدهم يتعرفوا على اساس اخوة في الله
بس طبعا هذا كمان بجر لعمل سيء
الله يجيرنا ويثبتنا ويغفر لنا ويرحمنا يارب
مشكورة لمرورك الرائع

حب ايه الي انت جاي تقول عليه ؟؟؟!!

اسلام....موضوع رائع حبيبتي

فعلا فعلا هون



اقتباس:
اضعت/ي مالك في ما لا يرضي الله
2 اضعت/ي وقتك فيما يعصي الله
3 لربما تركت/تي الصلاة والعبادة ايضا واهملت/تي واجباتك تجاه امك ......
4 خفت/ي الناس ولم تخاف/ي الله تكلمت/ي من وراء اهلك حتى لا يسمعوكي ولكن الله كان يسمعك
5 اختي ارتكبت اكبر ذنب اغضبتي الله منك بمحادثتك لهذا الشاب او غيره
6 اختي جلبتي لنفسك الفضيحة والعار ولربما يقتلك اهلك اذا علمو

ما قصرتي....

عنجد شو بستفيدو...؟؟!!!!!!!

غير هيك ليش اخطي خطوة عارفة منيح اني بكرة راح اندم عليها..؟

ليش احط حالي بهيك موقف ؟؟

ليش احط نقطة سودا بملفي...يضلو ضميري يجعني عليها؟

ليش بحبو وبتعبو حالهم وبشغلو تفكيرهم...وبالاخير نثيبهم بيجي لعندهم؟؟

هاد ازا ازا ما كانو بحبو عنجد وما بتسلو

الله كبير.....ومافي احلى من التوبة الصادقة ...

يسلمووو

حبيبة قلبي يالولو
والله ياعسل منورة الموضوع وبردك الحلو كمان

والله مش عارفة شو بيستفيدو هالبنات غير السمعة العاطلة والندم والحسرة و......
الله يهديهم ويثبتهم يارب ويغفر لهم ولنا يارب
واكيد مافي احلى من التوبة الصادقة
مشكورة ياعسل لمرورك وردك اللطيف

هاي القصص كل يوم منسمعها وزهقنا منها كمان
لإنو كل القصص نفس النهايه :( البنت بتتعلق بالشب وبتستناه يدق الباب والشب بختفي

طبعا هاد من الأساس بعود لتربية كل من البنت والشب
يعني البنت إزا كانت بتخاف ربها وبترضي أهلها وهمي حاطين كل ثقتهم فيها
مستحيل البنت تعمل أي شي يغضب الله ويغضب أهلها
أما إزا البنت عادي عندها إنها تحكي مع واحد هيك غريب ولا بيقربلها بحجة
إنو رح يجي يخطبني هاد كلام سخيف والبنت بكون تفكيرها محدود

أما نيجي عند الشب بكون بدو يتسلى
أو مفكر إنو هاي طريقة جديده وعصريه للزواج
طبعا ما في أحلى وأنقى وأصفى من شرع الله

وكل طرف من الطرفين أكيد رح يتعبوا حالهم عالفاضي
لإنو النهايه معروفه فـ ليش التعب يا قلبي
عيشوا أيامكم بكل صفاء وشفافيه واحترام أريحلكم

والله يستر بناتنا وشبابنا
ويهديهم يا رب
وزي ما حكت لولو العسل احلى كلمه والله (( ما في من التوبه الصادقه))
فعلا يعني لو البنت صار معها هالشي باب التوبه مفتوح إلها في أي وقت
لإنو اكيد رح تحس بتأنيب الضمير ونفس الشي بالنسبه للشب
والله يحمينا ويسترنا

شكرا إلك إسلام موضوع مميز :))

ياهلا ومليون هلا باختي الحلوة بسكوتة
نورتينا والله
الله يرضا عليكي ويبارك فيكي يارب

الله يستر على بنات وشباب الاسلام
باب التوبة مفتوح للجميع
لكن التوبة ما يعني انها ترجع لذنبها مرة تانية وترد تغلط نفس غلطتها الي بيتوب بتوب مرة وما بكرر غلطو وبيتعلم من تجربتو
مشكورة ياعسل لكلامك اللطيف والجواهر

الله يبارك فيكم ويثبتكم على الدين يارب وانا معكم
سعيدة جدا بمروركم الحلوووو