عاجل جدا جدا جدا

[عاشق الحور]

ما تقلق كتير اخي

هادي اخر الاحداث في رفح

متل عندنا في الشمال

اياد عاشور وابو الشرابين


تحت سيطرة القسام

[استبرق]

يسلموووووووو

[lnosh]

حسبي الله ونعم الوكيل في الظالمين وبس

وكل واحد بيعرف حاله

[أبو يقين]

المشاركة الأصلية كتبت بواسطة عاشق الحور ما تقلق كتير اخي

هادي اخر الاحداث في رفح

متل عندنا في الشمال

اياد عاشور وابو الشرابين


تحت سيطرة القسام

أخي عاشق الحور لقد هدأت الأوضاع عنا في السلطان

لقد قامت القسام بتفجير منزل اياد عاشو وأنباء عن اصابته وأنباء أخرى عن اختطاف مروان أبو شربين


في هذه الأحداث المؤسفة


دربالكوا لسا أنباء غير مؤكدة يعني فيها صحة


أنا رح أجيب الكوا كل شي

[أبو يقين]

تجدد الاشتباكات بين فتح وحماس في اسلطان مرة تانية هدوا حيلنا شو هاد بدنا نام


وهده المرة اطلاق نار بقوة وقدائف الهاون والعبوات الناسفة وانباء عن تغفجير منزل مروان ابو شربين


والله أنا قاعدج على مخشير ابن عمي وبسمع كل شي وبقول الكوا نقلا لأني ما أقدر اطلع برة الدار لأنوا الطخ قوي فوي


الله يستر


من عندك الستر يا رب



أبو يقين

[مروه]

انتو شو قصتكم صرنا هون ما النا سيرة الا فتح وحماس

الله يمحى الناحيتين حتى نرتاح لانهم حطوا راسنا بالطين

وبدى احكى شغلة مع انى لا اؤيد اى فصيل من التنين

انو حماس غلطت لما دخلت انتخابات لو على زمن الياسين

والرنتيسى كان ما قبلو هيك لانه طريقها المقاومة بس شو بدها بالحكومة وهى عارفة انو مقبولين

من العالم الخارجى
وكمان شفتو كلكم الظواهرى لما انتقد حماس بس ما ردوا على حدا

وفتح غلطانة بدها السلطة كيف حماس تاخدها

ونحنا الشعب بين الاجرين نموت نعيش الله لا يردنا

خلص عاد بيكفى هيك والله مسخرة زهقنا وملينا

[عاشق الحور]

دحول حماس في السلطة واجب شرعي مو لهدف دنيوي

والدليل انو اول ما توصلنا لحكومة وحدة ونية حماس تركت الحكومة من اجل الوحدة

اما عن درب المقاومة فحماس صابره وصامدة وومجاهدة

والدليل جيلعاد شاليط !!

اما انها غير مقبولة .. فذلك بسبب أنها على الحق وهذا مفخرة لحماس انها غير مقبولة

أما عن انتقاد الظواهري ..

قالظواهري انتقد حماس عارفه ليش ؟؟

لانها وضعت يدها في يد فتـح ،، وقال بالحرف الواحد حماس تصافحت مع العلمانيين الذي تنازلو عن القضية

الفلسطينية فعظم الله أجر الامة الاسلامية في حمـــــاس ؟؟


يعني كل المشاكل اللي في الدنيا سببها شي واحد لونو أصفر

فتــــــــــــــح

[أبو يقين]

هدوء حذر في رفح بعد دخول اتفاق التهدئة بين فتح وحماس حيز التنفيذ إثر ليلة دامية خلفت قتيلان واكثر من 40 جريحاً


رفح- معا- دخل اتفاق جديد لوقف اطلاق النار بين حركتي فتح وحماس في مدينة رفح حيز التنفيذ في الساعة الثالثة من فجر اليوم وذلك بعد تدخل الوفد الامني المصري والفصائل الفلسطينية.

ويقضي الاتفاق بسحب المسحلين من الشوارع وازالة الحواجز التي نصبت في كل المدينة بعد ان امتدت الاشتباكات الى حي الشابورة شمال رفح والى محيط مستشفى الشهيد ابو يوسف النجار الذي وصل اليه الجرحى والقتلى.

وقتل في الاشتباكات التي امتدت لنحو اثني عشرة ساعة قيادي ميداني في كتائب القسام يدعي احمد فؤاد ابو حرب ( 24 عاما) وقتل ايضا المواطن محمد جميل النحال ( 24 عاما) فيما اصيب نحو اربعين فلسطينيا بجراح بينهم عدد من مقاتلي فتح وحماس.

واقدم مسلحون من الجانبين على احراق عدد من منازل كوادر في حماس وفتح وتفجير عبوات ناسفة داخلها قبل ان يدخل اتفاق وقف اطلاق النار حيز التنفيذ.

وبدا الهدوء الحذر يعود الى مدينة رفح وخاصة حي تل السلطان غرب المدينة وسط خشية من تجدد الاشتباكات في اعقاب تشييع ضحايا الاشتباكات.

وكانت الاشتباكات بدأت الخميس وادت في حينه الى مقتل عضو من فتح واصابة عشرة مواطنين اخرين.

[مروه]

انت يا عاشق الحور شو قصتك

ما بدك تسيب هيك حكى

وبعدين زى ما انت بتحب حماس لازم تحترم

غيرك الى بيايدوا فتح مو لازم هالحكى

وكلنا بتعرف انها حماس ماشية على الدين وما شاء الله

فى المقاومة بس الحكومة ما كانت لازمة لانه بعيدها لك تانى

لو على زمن احمد ياسين والرنتيسى كان ما صار هيك

وكمان على زمن عرفات هادول رحمة الله عليهم ما كانو

يقبلو اى شى مثل هالقتتال بيوقفو بسرعة

واخلاص انهى يا رفعت باشا من هيك حكى

زهقنا بجد والله يوفق الجميع لانا كلنا اولاد

شعب واحد بنضل

[عاشق الحور]

انا مش رفعت اول شي

تاني شي ... دخول الحكومة واجب

ولا شو نتركهم حايسين في البلد متل ما بدهم

والفتنة هم اللي اختلقوها

بس للعلم كل اللي استشهدو هم شباب حماس

وواجب على حماس ترد الصاع صاعين

وانا باجاوبك على قد كلامك

ولا كيف بدك خلافة اسلامية وبدك تتركي ناس اباحو دخول الخمر لفلسطين

اكبر انجاز عملتو حمــــــاس عارفه شو !!لا طبعا ،، انا بدي احكيلك

بتعرفي معبر رفح ؟؟

كان مكتوب عليه يافطة مكتوب عليها (( يسمح بدخول لتر واحد فقط من الخمر ))

هذي اليافطة رفعت اختي .... ليش ؟؟ لانو حماس دخلت الحكومة

اختي .... اقفي مع الحق ولا تنجري وراء العاطفة

انا اخوي فتح ... واصحابي في الكلية فتح

بس مو متل فتح اللي بتقتل الناس وبتختطف الشيوخ

مو متل فتح اللي عاملة عصابات اجرام تقتل وتدمر وتفجر وتغتال

حربنا ليست على كل فتح

بل على تيار متصهين عميل متواطئ لحدي داخل حركة فتح

وللأسف بتتبناهم فتح ؟؟

الخطأ على مين على حماس اللي بتعاقب القتلة والمجرمين وتجار السموم

ولا على فتح اللي بتتبنا هيك أشكال ؟؟

انا بدي احكيلك .. انا من معسكر جباليا

امبارح القوة التنفيذية التي خرج من بينها الاستشهادي محمد الجعبري منفذ عملية الصيف الساخن

وهو ابن الجهاد الاسلامي مش ابن حمــاس

القوة التنفيذية مسكت وكر للمخدرات عندنا ،، وكان فيه واحد من عائلة أبو ظاهر

فتحاوي معروف في الشمال وانمسك

بكره فتح بتصير تطالب بالافراج عنه ،،، وتتهم التنفيية بانها بدها فتنة ؟؟

ليش يعني الا يستحق هذا أن يتم القاء القبض عليه

طيب بدي احكيلك ...

انا واحد من الناس في احداث غزة الاخيرة كانو بدهم يخطفوني

لانو مربي لحية !!

ليش صارت اللحية اجرام في زمن الاقزام ؟؟

وليش منتدى الرئيس .. يصير مقر للاعدام بحق الملتحين

طيب بدي احكيلك حمــاس على حد قولهم بيستاهلو ماشي الحال

شو ذنب النساء اللواتي كان يتم ايقافهن ورفع الحجاب عن رأسهن عنوة ؟؟

شو ذنب الشيوخ الذين كانو يهانون ويضربون

أختي الفاضلة ...

انا بدي احكيلك ،، لو كان اخوكي بيقتل بالمجاهدين وبيعذبهم وبيغتالهم وبيتعاون مع اليهود عليهم

ما اظن انك راح توقفي معاه !!

بس اللي بيصير هيك ،، ولكن فتح بتوقف معاه

واكبر دليل ،، انو عندنا في شمال قطاع غزة مسحنا كل اشكال العملاء من عندنا

وكل مواقع السلطة شلناها من المعسكر لانهم هم سبب الفتنة

ومن يومها لحتى الان ما في ولا مشكلة صارت في الشمال ؟؟

طيب ليش .. بالرغم من انو في فتح في الشمال وفي حماس ،، بس ما في مشاكل

وهيك اللي لازم يصير !!

بدي احكيلك .. مقر المخابرات اللي دخلو كل ابناء الشمال

شافو بداخله ورق من اليهود !!

تتوقعي شو مكتوب في الورق هذا ..

بيت فلان مقر لصناعة الصواريخ ،، بيت فلان تحت نفق سلاح ،، بيت فلان مسؤول في القسام

وكل البيوت المذكورة تم قصفها من اليهود !!

شو معنى هذا الكلام ؟؟


اختي ربنا بيقول في القرآن

{وَإِن طَائِفَتَانِ مِنَ الْمُؤْمِنِينَ اقْتَتَلُوا فَأَصْلِحُوا بَيْنَهُمَا فَإِن بَغَتْ إِحْدَاهُمَا عَلَى الْأُخْرَى

فَقَاتِلُوا الَّتِي تَبْغِي حَتَّى تَفِيءَ إِلَى أَمْرِ اللَّهِ فَإِن فَاءتْ

فَأَصْلِحُوا بَيْنَهُمَا بِالْعَدْلِ وَأَقْسِطُوا إِنَّ اللَّهَ يُحِبُّ الْمُقْسِطِينَ }الحجرات9

هذا في حالة كانت الطائفتين .. مؤمنين

فما بالك بطائفة مؤمنة وأخرى تتباهى بأنها تتلقى السلاح من الصهاينة على مرأى ومسمع الشعب

وما حدا بيقدر ينكر هالحكي ..

لانو شاحنة السلاح اللي اخذها القسام عند النصيرات كانت كلها سلاح امريكي

ولكن بحمد الله تمت السيطرة عليه من قبل المجاهدين