شباب وصبايا بصراحة جدا

[Iemy]

أحكيلك خيو ليش صداقة البنات أقوى
شوف معي
بشكل عمومي علاقة المرأة مع المرأه بضلها أقوى من علاقة الرجل بالرجل إلا في حالات دخول الغيرة بينهن هاد شيء استثنائي
ماراح اجيبلك كلام كتب ولا احكيلك رأيي الخاص أو رأي علماء اجتماع
لكن أنت بنفسك لا حظ من حولك
كيف علاقة الجيران ببعضها
الزوجه غالبا مابتتعرف عجارتها من تاني يوم لكن الرجل " صباح الخير جاري أنت في حالك وانا في حالي "
لاحظ علاقة العمل بين النساء بتجمعهن الثرثة والحكي عن البيت ومشاغل الأولاد وغيره وغيراته
ولاحظ علاقة العمل بين الرجال علاقة عملية بحته
لا حظ أصدقاء الزوج غالبا ما يكونون زوجاتهم قد كونّ الصداقة الحميمة مع بعضهن بعد ما قدموهم أزواجهم للتعارف ببعضهن أما لو صديقتي بدي أخلي زوجي يتعرف على زوجها مابصحلي أو بالأحرى مابيحب يتعرف أو يكون علاقات جديدة معه أو مع غيره إلا فيما ندر
هاد بشكل عام بين الرجل والمرأة
واللي بيضبط هالعلاقات هو صفات المرأة الاجتماعية والودودة وحب الثرثرة والشكوى حيث تحتاج دائما لأذن صاغية والصديقة الأنثى خير من يقدم الأذن الصاغية
هاد اللي بلاحظه من حولي
أما رأي
لو بدنا نحكي عن الشباب والبنات وصداقات المدرسة والجامعه بتوقع صداقة البنات أطول وأعمق بطبيعة الفتاة أكثر عاطفية من الشاب حتى لو صار خلاف ولو كان تافه أو مش تافه زي ماحكو الأعضاء بيرجعوا مره تانية ناسين الخلافات لكن الشاب لمن يتمشكل مع صاحبه بيهجره "يالطيف شوعنفين الشباب " مابعرف هاد رأي من اللي بشوفه حولي وبصراحة يمكن يكون رأي خاطئ لأني مابعرف كيف مجتمع الشباب في بعضهم لأني تربيت في مجتمع أنثوي (أغلبه إناث) واختلاطي بالشباب شبه معدوم .
عن نفسي أعز صديقاتي عرفتها من أيام الابتدائية وإلى الآن .
وشكرا