سؤال وبدي جاوب اله {{ خاص للبنات وعام للشباب }} ...!؟؟

[روزيس]

أنا معاك قلبا وقالبا يا بنت القدس
يعني شو ذنب البنت إذا كانت طبيعتها مرتبة وانيقة وعندها ذوق
اصلا هذا الشيء بيعكس كيف هي بتختار وبتنظر للأشياء وهذا الشيء رائع وأنا بعتبره فن وموهبة مش أي شخص بمتلكها.
الشباب دايما بكون تفكيرهم لشي بعيد يعني بفكروا انه البنت بتحاول تلفت الانتباه لإنهم في الحقيقة هيك لما بترتبوا ويلبسوا
جخ وعلى الموضة بكون همهم الوحيد انهم يلفتوا نظر البنات لكن البنت سبحان الله فطرتها بتحب تلبس شي حلو وبتحب اتكون احلى وحدة وهذا الشي مافي إلو اي علاقة بالنقص وانا في نفس الوقت ما بدي انكر انه في بنات بكون غرضها انه تلفت نظر الشباب وهذا الشي بيرجع لطريقة تفكير البنت ونوعية الزينة اللي بتحطها يعني زي المكياج الأوفر اللي بغير الشكل وبكون خادع واظهار الشعر وعمل تسريحات لافتة والعطور طبعا وآخر شي بحب أضيف انه حرام نظلم جميع البنات لأن الله يعلم مافي القلوب والنفوس
أنا شخصيا بحب الأناقة واللبس الحلو بس في اطار الإسلام
لو عكسنا السؤال وقلنا ليش بعض الشباب بحبوا يلبسوا على الموضة وايكونوا على آخر طرز غير طبعا الشعر اللي كله جل ولا الشعر المرفوع والعطر اللي بتوصل ريحته آخر الشارع؟ شو رح يكون جوابكم "الفطرة"!!!! أكيد لأ...انا رح أجاوب بكون همكم تلفتوا نظر البنات أو يمكن نقص......ههههه

[همس الطفولة]

المشاركة الأصلية كتبت بواسطة بنت القدس ليش هيك اراكم ياشباب في البنات
يعني اذا كانت وحدة محجبة وطالعة ولا بسة احلى لبس وشرعي وبيرضي الله وبيرضي عبيدو بتكون حابة تلفت نظر الشباب
اموت واعرف ليش الشباب لما يشوفوا وحدة مرتبة بيحكو بدها تلفت نظر الشباب بالعكس لانو البنت دايما بتحب اتكون باجمل مظهر ادام الناس عكس الشباب
والله انا بحزن عليكم ياشباب لانكم بتفكروا انو البنات مهتمين فيكم وانتو على الحقيقة اخر اهتماماتهم مع احترامي للجميع

ما الذك هي كلام العاقلين

[عذراء فلسطين]

البنت لازم ترتب حالها بس بحدود
بس اذا نزلت على السوق ومرتبه حالها زيادة عن اللزوم فبتكون بدها تلفت الانتباه
يسلموو انووسي على الموضوع

[محمود]

بسم الله الرحمن الرحيم

أولا أخي أنوس مشكور جدا على طرحك هذا الموضوع

ثانيا ::

اخواني في اللــه ،

هناك فرق بين الأناقة والذوق المرهف ، وبين التبرج بالمظاهر

فالفتاة المحجبة المعتزة بدينها هي تلك الفتاه صاحبة الذوق الرفيع والحس المرهف

وبالمناظر نجد بعض الفتيات لا تخلوو حقائبهم من العطور والمكياج وادوات الزينه ( ادوات الدهان ) ..

فلما كل هذا التبرج والترف الزائد ( والعديد منهم لا تجد مع والدها ثمن رغيف الخبز ) .

ومن اسباب عملية السمكرة والدهان :

1- انعدام الثقة .

2- لفت انتباه فئة ضالة من الشباب .

3- الدلع الزائد .

4- لا يوجد من يردع

5- التقليد الاعمى للغرب .

6- البحث الأعمى عن شريك العمر ^__^

7- الاقتناع بشئ خلفته الانترنت والدردشة في عقول الفتايات وما يسمى بالـ BF أو Boy Friend .

8- وأخيرا واهم شي الابتعاد عن تعاليم الدين الاسلامي .

تحياتي

[نسرينا الفلسطينيه]

البنات الي هيك...بكونو مهزوين وما عندهم ثقه بنفسهم...الله يهديهم

[حكيم فلسطين]

بصراخة موضوع جميل ومهم عندنا في مجتمعنا
انا باعتقادي ومن خلال بعض الدراسات
انه بالفعل يكون هناك نقص في نفسيتها او مرض نفسي
فمن الممكن انا تعنل هكذا لتري الناس وتحب ان تجلب الانضار اليها الا انها جميلة
والله يستر على الولايا

[لولا]

انما الاعمال بالنيات
حسب كل وحدة وتفكيرها وتربيتها
في هيك وفي هيك

[أسير الحزن]

ان الله جميل يحب الجمال.
وانا بعتقد انو غلط نحكم على الاشياء من الخارج ما حدا بيعرف بنوايا الناس.

[اسلام]

شو يا انوس مش عارفة شو اجاوب لاني مابفكر زي مابفكروا وما بعرف ليش
بس براي زي ما بقولوا معلماتي عشان تدور على عريس

[نهال]

جزاكم الله خيرا
انا عندي راي لما تكون البنت متحجبة
يعني في بنات متحجبين بس عادة يعني احنا عندنا في الامارات في كتير بنات بكونوا لابسين الحجاب عادة والدليل انهم بيكونوا مبينين نص شعرهم وحاطين 5 كيلو مكياج و5 كيلو عطر
يعني اتخيلو اد ايش ها الزينة
وطبعا في بنات تانية بيكونوا متحجبين بس ملا بسهم كلها حشمة واناقة وطبعا من غير مكياج او اعطر وانا شايفة انو هاد الصح
يعني انا قصدي انو تكون البنت انيقة بص بس تكون انيقة صح