وصلت العنصرية الى اطفالنا فماذا بعد ذلك رجاء ادخلوا وشاركوني الموضوع

[Iemy]

المشاركة الأصلية كتبت بواسطة نهال
اخواني كلنا نعلم ان بين الدول العربية وشعوبها عنصرية وتفرقة

مش بس الدول العربيه جميع العالم فالكندي يكره الأمريكي والأمريكي يكره الياباني والبريطاني يكره الإيرلدني و....... ماراح ننتهي العنصرية والتفرقه وين مارحنا
لكن
الكل بيعرف متى يتوحد ومتى يتفرق إلا نحنا بنتفرق عطول ومابنعرف متى لازم نتوحد ونزيل عقبات العنصرية
خلينا من السياسه المهم
________
حكاية عنصرية الخليج يمكن تختلف شوي عن غيرها وبصراحه أحيانا مابلومهم
يعني
لو نفكر بمنطقهم إن" أنا إبن البلد عاطل عن الشغل وغيري الغريب يجي من بره ويتوظف وياخد راتب أعلى من إبن البلد كمان وتكون إله الأولوية عني و... "
مش صعبه
يعني في بلده ومالقي فرصه وين بده يروح المعتر
اللبناني والأمريكي والياباني الهم ارصده في البنوك وسيارات آخر موديل وعايشين دنيتهم وكل واحد منهم إله بلده وإبن البلد الأصلي بيشكي الفقر - البعض وليس الجميع طبعا- مش غصب عنهم حيحقدوا ويكرهو الأجانب ويتورث لأولادهم
_______________
هاد بالنسبه للخليج لكن ليش المصري والسوري والمغربي والفلسطيني وغيره وغيره بيعيش سنين وبيعاشر منهم الكتير وبالآخر بيعلم ولاده أنه هدول بدو وابعد عنهم وملكش دعوى فيهم وتختلطش فيهم وبديش أشوفك معهم وهدول نحنا اللي علمناهم ونحنا احسن ونحناونحنا ......... طيب وبعدين
ايش لزومه يعني هاالحكي وانت عايش احسنها عيشه بهالبلد
طبعا أنا بحكي عن الخليج لأنه الموضوع انفتح عن هالبلدان مش غيرها

[فلسطيني كح]

أنــا كمان من الأمــارات

و بقدر أقول أنو هاي من أكثر الدوول العنصرية اللي شفتها في حيــاتي

يعني يمكن تلاقي أولاد أصغار يطلعو على الوافدين باشمئزاز

تخيلي كيف بزرعو العنصرية فيهم و هم صغــار

مع إن والله بكسر الهاء لو طلع الوافدين من هالبلد المواطنين بلاقوش حد يصلحهم سيارتهم أو يعالجهم أو أي شي

يعني أنا في مدرسة حكومة بالإمــارات و مستحيل تلاقي ولد وافد يمشي مع مــواطن

أعتقد هالغلط على الحكومة نفسها لإنها مربيتهم على إنهم أحسن نــاس

يعني المواطن بتلاقي يوخذ أضعاف الأضعــاف من راتب الوافد

خلينا أضرب لكم مثــال

مدرس الرياضيات هو ما بوخذ أكثر من 8 آلاف في الحكومة يعني هاي لو كان طول عمرو يدرس و عندو خبرة

أما مدرس الريـاضة المواطن اللي ما بسوي إشي!!حتى لما تيجي حصة الرياضة ما بحضر و بروحو الشباب يلعبو كورة بوخذ

أقل اشي 27 ألف اذا مش زيادة

أنا آسف على الإطــالة و كمان أعتذر من أي أخ من الإمــارات لكن هاض الــواقع بصراحة