علاقة الشباب بالبنات في الجامعات والمعاهد؟ هام ..

[حورية الحريّة]

جهزي حالك.....كلامي كتير :)
كتير اسئلة من وين بدي أبدى ........بس منطقية
رأيي بشكل عام انها علاقات غلط........بشكل عام...يعني في حالات اسثثناء بتكون علاقة الشباب و البنات دراسية اكاديمية فقط لا غير و تنتهي بالخروج من باب الجامعة يوميا
و ممكن انو هاي العلاقات تتطور للزواج بنسبة 1% لأنو الشاب لما يدور على زوجة ما بيبحث بالبنات الي بيعرفهم و حكا معهم و حكو مع شباب غيرهم يعني علاقات شبابية صبيانية....الشاب بدو "زوجة" يعني بالعامي "راكزة"
و للأسف بعض الناس بيتهورو بهاي العلاقات و بيضيعو سمعتهم اكانو شباب او بنات و حياتهم التعليمية و بيخسرو كل شي ولا بيكسبو لا اشي
و بالنسبة الي بشوف الشاب الي بيرفض مثلا يشارك البنات الكلام "المفتوح" الخارج عن إطار "التعليم" محترم جدا و راقي و بالعكس بيكبر بعيني أكتر من غيرو
و متل ما حكيت معظم هاي العلاقات "فاشلة" و غير ناجحة و اثرها السلبي أضعاف اثرها الايجابي و بتأدي لمشاكل بالمجتمع مش لحلول ولا لراحة ولا لترابط ولا اتماسك
انا ما بحكي انو الشاب مستحيل يختلط بكلام مع بنات الجامعة لأنو هاد مستحيل كون الجامعة مختلطة يعني طبعا حيسير نوع من الاحتكاك...بس بحدود...يعني ما يزيد عن حدو.....
و البيضحك انو البنت بتكون فايعة على الآخر بالجامعة بس اذا عرف حد من أهلها بتموت خوف....طبعا الي على راسو ريشة بيحسس عليها.......ولو انها مش غلطانة كان ما صار في علاقات سرية و هاد دليل انها غلط
كل واحد يتقي الله بكلامو...و الشباب ما يوخدو بعقل البنات حلاوة..و البنات يتقو الله بلبسهم و الي حتى بيلفت نظر البنات.......و المكياج و العطر و الألون و الضحك الي صوتو لآخر الشارع
لا حول ولا قوة الا بالله
لا حول ولا قوة الا بالله
يسلمووو على الطرح الرائع جدا يسلمو كتير
موضوع متميز