ضفاوي.؟؟ ولا غزاوي؟؟...

[osama85]

شكرا الموضوع
مش عارف شو اعلق بالضبط
بس بقدر اقول انه الامة العربية بالذات كلها بتعاني من هالمشكلة وكل واحد بدو يخلي حاله احسن من الثاني وتاركين كل مشاكل الامة وماسكين بهالشغلة.

بنفس الوقت ما في حدا منا جميعنا بقدر يقول انه محايد لانه هاي الشغلة صارت موجودة فينا وقد ما نحاول نتجنبها بنظل نستخدمها لا شعوريا احيانا.
افضل مثال على هالحكي
اسم المنتدى (شباب فلسطين) يعني للفسطينيين بس بحيث لما اي واحد عربي يشوفه ما راح يدخل.
طبعا هذا شكل مبسط من اشكال العنصريةاللي بتعاني منها الامة العربية وكمان مثال واضح للتناقض العربي اللاشعوري.

شكرا مرة ثانية عالموضوع الجميل

[~ | Mazaj]

مممممم ..

والله موضوع خطير يا خطيرة ..

بالنسبة اللي مش دايما بهتم بهيك شغلات ..

بس احيانا الواحد لازم يراعي متلها ..

ما بعرف كيف اضربلك المثل .. بس بحكيلك ع جنب ^^

ع العموم انا لاجئة .. يعني بنت مخيمات

[اميرة الامراء]

موضوع في قمه الروعه

تسلم ايدك يا عسل

تحياتي

[رأفت]

و الله هادا الكلام وين ما رحت بتسمعو ..

عاد مين اللي ابتكرها ... اكيد ما في غيرنا احنا العرب ...

تحياتي لك....

[قمر الخليل]

اها راينوكس 2

وانا متلك كمان

بلاقي ااهل امي خصوصا هادا مخيمجي وهادا لاجيء

كتييييييير بحكو هيك وهادا غزاوي وضفاوي

[لولو اليبناوية]

وللاسف.. كل ناس بتشوف حالها احسن ناس وما بتشوف غيرها
يعني المخيمات بطلع ارجال وازلام ......
يمكن القرية او المدينة ما اطلعها...

القروي بتلاقو فيه ميزات مش موجودة بالمدني...والعكس...
والضفاوي والغزاوي نفس الشي...

واحيانا الاعراف وبعض العادات ابتختلف من غزاوي ولا ضفاوي...
لاجل هيك راينوكس يمكن امك بترفضو للضفاوي ولا للمدني...

وبالاخر اكيد كلنا فلسطينية وعرف...
يسلموووو اعزائي عالمرور الطيب...

[ماري]

لا ضفاوي والغزازي
بالفعل هاي مشكلة مش لازم يكون الشعب الفلسطيني يهتم بهالشغلات الفرق بينهم
لانو احنا بظروف احتلال لازم نكون ايد وحدة

[ameera]

الصراحة موضوع ولااروع بجد نقطة مهمة بحياة الشعب الفلسطيني هادي الشغلة وهي الي جايبتلنا الخراب بس بدكم الصراحة انا لما بسئلوني من وين بحكيلهم من قاع المخيم والي مش عاجبو يشرب من بحر غزة وبفتخر اني لاجئة وبنت مخيم وكمان فلاحة من قرى قضاء عسقلان

[Abu Shadi]

على فكرة هي الظاهر فعلا بطصير ومش بصبب الضفاوي بصبب اهل غزة الكبار ايام ما كانو يروحو يشطغلو في الضفة كانو يعملو مشاكل بص بالنصبه الي انا ما بعمل فرق لا ضفاوي ولا غزاوي ولا مهاجر
ولعلمكم اهل غزة بصدقوش اني من غزة هههههههههههه ما بعرف ليه

[أحلى مايا]

على فكرة انا هاي الاصص ابدا ما سمعت فيها هون ولا كنت بعرف انو في شي اسمو مهاجر ولا مواطن بس مرا حدا من صحابنا ال مواطنين بدهم يزوجو ابنهم راح بابا حكالهم عن ناس ئلهم ال لاااااا نحنا ما بناخد مهاجرين معنو همي الاتنين من غزة وئتها استغرب كتييييييييير شو بيحكي هادا وبعدين فهمت من بابا وطبعا استهزئت منو ولما انزلت هالصيف على غزة صرت اسمع هادا ضفاوي هادا غزاوي وهادا مابعرف شو والحمدلله هادا عمري ما اهتميتلو لا نحنا ولا حدا من اهلي

ويسلمو كتييييييير على الموضوع