بمن تثقون بمحادثته عالماسنجر؟؟؟؟؟؟؟

[نور اليقين]

انا اول مجيبة
انا ابتديت بتكلم في النت من مدة طويلة اوي
ابتديت و انا بنت 13 سنة
فكلمت ناس عمرهم من عمري ساعتها
في السن ده فيه براءة
فكانت الصراحة شعار لكلامي معاهم من ساعتها
و عشان ده سمة اتسمت بيها محادتاتي مع الناس من السن الصغير ده
تحولت لطبع
عشان لما بكلم انسان عالنت
سواء شاب او بنت
مفيش حاجة تدفعني اني اكذب عليه
بالعكس
اكتر مكان الصدق لازم فيه مش اجباري بس تلقائيا بتلاقي نفسك مبتحاولش تخبي عيوبك او تجمل كلامك
عشان الانسان ده لا يعرفك و لا تعرفو و لا يقدر يعمل لك حاجة سواء تضرك او تنفعك في حياتك
انت و هو مجرد اتنين اميلات متلا بباسوورد
الي بيميزكم كلمات بتطبع شخصياتكم و تعبر عن اراءكم
انا لما هاجي اككلم حد
هكلمو بصراحة و هأمل انو هو كمان يكلمني بصراحة
بس لو كذب عليا مش بيهمني مادام الكذب ده يخصو هو ميخصنيش انا
يعني سواء كدب في اسمو او بلدو او تبنى اراء غير اراءو و شخصية غير شخصيتو
فدي حاجة متفرقش معايا مدام فيه احترام و فيه استفادة من حواري معاه
و عموما كلمة يخدعك
كلمة كبيرة اوي
دي معناها اني فعلا حياتي متعلقه بالحاجة اللي خدعني فيها
و كوني خدعني هتأتر فيا
طب مهو يمكن يكون صادق و انا اللي اتوهم انو بيخدعني
النت ده بيعرفك بشخصيات
ارواح
يمكن تكون حقيقية
و يمكن تكون من نسج ناس حقيقية
و في الحالتين
هتعرض لشخصية جديدة و هستفيد منها حاجة جديدة
حتى لو خداع و كدب
بس هستفيد و هتعلم
و عن نفسي مسبقليش قابلت حد كلمتو عالنت
عشان ...................
عشان دي لازمها رد تاني بقه
هههههههههه