مدح من يستحق المدح (جيفارا)

[لطفي الياسيني]

يا جيفارا شم ودوق
قهوتنا قهوة معتوق
انا سميتك فاروق
ليش بتنكر فكرتنا
انت الحاكم والسلطان
آمر ع الانس وع الجان
انت الانجيل القرآن
وتوراتك مش ملتنا
بعلنها امام العيان
جبار وفعلك فرمان
لكنك شاعر فنان
دخلناك بجوقتنا

[جيفارا*نابلس]

انا لا سلطان ولا بيك ومن شعرك غسل ايديك

شكلك نايم يا لطفي وعامل فيها هيك وهيك


عينك عالتخت بترمي وفراشك دافي بناديك

روح اتغطى روح ونام ولا تنسى ترفع رجليك

عشان الضغط يروح شوي والسكري يرحم عينيك

واحلم اني اعدلك وماتوصل اكتر من هيك

وين يا ابن الجليل تفزع لها الختيار ولا فكرك مش عارف ولعت النار بايديك

ولا ويومك يا لطفي صاير بتصف وبتطفي شكللك نايم او نايم وحياتك ريح عينيك

[عازف الحب]

السلام عليكم موضوع جميل يا نجم

[لطفي الياسيني]

اوصلنا لمرحلة الجد والليلة مجدك بنهد
انا علمتك يوم الحد وع استازك صرت تهد
خايف تآخذها عن جد وتبدي ع الاصابع عد
لو جبت الصاحب والضد متحديك وجاي الرد
خايف بكرا تصير الند وترفع سيفك قول اشتد
في عز الصقصة والبرد جلدك بدو عندي جرد

[جيفارا*نابلس]

انا يالطفي متاسف من اشعارك متخوف

ازا كلماتي فيها جرح من عيوني بداويها

انتا بشعرك مو قدي وعامل شيخ ومتصوف

يعني لو غلط شوي بتقدر انتا تداريها

ولا تحكي اني مو قدك ولا تحكي انا متعجرف

الشعر بحور وانا مده والليله وحدي باريها

[لطفي الياسيني]

ةابتدا البلبل على الاغصان شادي بيتحدا اصغر من ولادي
اذا ما وقعت عند الوزارة على شعرك ما بطلعلك شهادي
انا ملك الزجل وعى ضميري ع جيفارا آجا صاير يعادي
وترتيب الشعر ما هو خسارة اذا تنازلت من طيبة فؤادي
انا شوقي شهدلي العبقرية وابو نواس اعطاني القيادي
جيبو البحتري وشداد عبلة ترقصهم على عضلة زنادي
انا المسؤول عن هذا التحدي انا توكلت ع رب العبادي

[جيفارا*نابلس]

ازا انتا شهدو الشعار وتغنى الحادي بالحانك

انا شهدولي كتار كتار ومنهم لطفي الياسيني

ولو قالوا كل الشعار انك فطحل زمانك

شهاده لطفي يا شعار والله انها بتكفيني

[لطفي الياسيني]

انا المهزوم قدام الرعية كرم اخلاقك تفضل عليي
لاجل محبتك راح ازور دارك اقدملك وسام الشاعرية
انت الشاعر الحامي جدارك مع الاسمنت شو باقي عليي
اجيت اليوم اطلب اعتذارك امام المنتدى والمشرفية
انا هربان خيي من حصارك م الباطون فشي عنجهية

[جيفارا*نابلس]

يا شاعرنا يا معروف يلي بالوفا موصوف

من جبل النار الى جنين بمدحلك بكل الحروف

انتا الاول انتا الناصر وانا في خدمتكم ملهوف

انتا المادح شخصي بكرمك لعيونك لاقول الاوف

شاعرنا مبجل يا لطفي قسامي وكرمو معروف

[جيفارا*نابلس]

شكرا لكم جميعا وانت ياوالدي استحمل كلماتي في شيطانيه

المشاركة الأصلية كتبت بواسطة لطفي الياسيني انا المهزوم قدام الرعية كرم اخلاقك تفضل عليي
لاجل محبتك راح ازور دارك اقدملك وسام الشاعرية
انت الشاعر الحامي جدارك مع الاسمنت شو باقي عليي
اجيت اليوم اطلب اعتذارك امام المنتدى والمشرفية
انا هربان خيي من حصارك م الباطون فشي عنجهية