مين اللي غيرلك حياتك ؟

[وليف الدمعة]

وعن نفسي حياتي اتغيرت بسبب صدمة لم انساها ابداااااا

يسلموا كثير نور اليقين علي موضوعك الحلو

تحياتي لك

[.:.!دموع الرحيل!.:.]

فعلاً الإنسان بتصير معه مواقف او بمر بمرحله

بتغيير فيه أشياء كتير ،، ما كان بحياتو بيتوقع أنو ممكن تتغير ..

عن نفسي ،، الي غيرلي حياتي 3 مراحل مش رح قول 3 مواقف لأنه

كانت القصة عشرة ناس لمدة

أول تغيير صار بحياتي ،، لما تعرفت على صحباتي المتدينات

تحولت حياتي معهم لسعاده وكل شي بالدنيا صار حلو

قدمولي أغلى شي ممكن يقدمو إنسان بالكون

إنهم عرفوني عالطريق الصح

وهون كان عمري 14 سنة :)

والحمدلله بعدهن لهلأ هنن ذاتن صحباتي

الله لا يفرقني عنهم ..لا دنيا ولا آخرة

النقله التانيه كمان الرائعه بحياتي

والي ما بعتبرها نقله ،، بعتبرها ولادة تانيه

وخروج من حياة لحياة أخرى

وقت الي اتعرفت على رفيقتي بالجامعه

ومع الوقت زرعت فيني حب فلسطين

لحد ما صارت فلسطين كل اهتمامي ،،

ونولدت من جديد ولما قول أمي فلسطين

بكون شاعرة فيها بأدق تفاصيلها وبكل معانيها

لأنو فلسطين وقت الي اتعرفت عليها بعد ما كنت أجهلها

بحكم اني ما كان حدا عرفني عليها ..

ولدتني ،، وربتني ،، وعلمتني ،،

وصرت اشوفها بكل خطوة بحياتي قدامي ،،

وزادت سعادتي سعاده ،،

ورفيقتي الي بدن معي المشوار الله يجزيها كل الخير

دايما بقولها انتي قدمتيلي اغلى شي ممكن يتقدم بهالحياة ،،

وما بقدر أنسى الدور الي لعبو منتدى شباب فلسطين بحياتي

رسخ حب وطني بقلبي وبكياني ،،

وعرفني على اشياء كتير ،،

الله ما يحرمني منه ولا من القائمين عليه

التجربة التالته كمان جعلت مني انسانه جديدة

بس بطباعي

كانت قاسية جداً

وكان لا بد يكون نتيجتها واحد من التنين يا تدمرني يا تدفعني ويصير عندي ردة

فعل عكسية وأتحدى فيها واقع كان مرير ويأثر على نفسيتي

بس الحمدلله الله عانني ،،

وكانت هالتجربة لصالحي ،،

وكسبت من هالنتجربة قوة وخبرة بهالحياة مش مشكلة

الواحد يتطلع عالقسم المليان بلا ما يشوف القسم الفاضي

ولو انو هالقسم الفاضي الا ما يأثر اوقات :)

بس ما نخللي هو الي يسيطر ،،

يمكن يكون في اشياء تانيه صارت معي غيرتني بدون ما اعرف

لكن هاي أكتر الأشياء الي بحس فيها راسخه جواتي بصلابة وجزء مني

ومن ورا تجربتي وبشوف ادديه كان رفقاتي الهن أثر عليي وعلى حياتي

منقول سبحان الله أديش فعلا الأصدقاء والخلان الهم اثر على حياة الانسان

فهم يا إما بيسحبوا الشخص يا عالنعيم يا عالجحيم

والله يجعلنا من اصحاب النعيم بالدنيا والاخرة


/نور

كعادتك متألقه بكل تواجد إلك

يعطيكش الف عافيه يا قمر

[نور اليقين]

المشاركة الأصلية كتبت بواسطة وليف الدمعة وعن نفسي حياتي اتغيرت بسبب صدمة لم انساها ابداااااا

يسلموا كثير نور اليقين علي موضوعك الحلو

تحياتي لك

اي انسان مننا بينصدم بدل المرة الف
بس مش اي انسان بيتعلم من صدماتو و بيخليها مصدر قوة ليه بدل ما تضعفو و تحطم عزيمتو و اقبال عالحياة
نورت وليف الدمعة