رصاصات أغلى من الرواتب !!!

[zooro]

لولا الرواتب ما حصل اشي من هالقبيل ! اعطوهم رواتب واذا صار هيك اشي حطوا الحق عليهم ! الكرة في ملعبهم وليس في ملعب حماس ! ليش بتعكسوا الحكايه ! يعنوا همه ما في عندهم اولاد اصغار بجوعوا وبخلوا الواحد يطلع عقلوا ! فكروا بيها !

[مؤيد]

المشاركة الأصلية كتبت بواسطة zooro لولا الرواتب ما حصل اشي من هالقبيل ! اعطوهم رواتب واذا صار هيك اشي حطوا الحق عليهم ! الكرة في ملعبهم وليس في ملعب حماس ! ليش بتعكسوا الحكايه ! يعنوا همه ما في عندهم اولاد اصغار بجوعوا وبخلوا الواحد يطلع عقلوا ! فكروا بيها !

لو الرواتب موجودة لبحثوا عن أسباب أخرى لإفشال جهود الحكومة ، فمثلا ً سيلجأون لتعزيز الفلتان الأمني مثل ما فعلت فرقة الموت التابعة لدحلان ، وغيرها من الوسائل .

ويا أخ شكلك نسيت إنو الموظفين أغلبهم من فتح ، وفتح لا تنسى بتقبض أعضائها شهريا ً .

وعلى فكرة بدري لردك ، الموضوع صار له أسابيع ،

وبتمنى منك تسكر على الموضوع ، عشان الوحدة الوطنية

[zooro]

المشاركة الأصلية كتبت بواسطة مؤيد حماس لو الرواتب موجودة لبحثوا عن أسباب أخرى لإفشال جهود الحكومة ، فمثلا ً سيلجأون لتعزيز الفلتان الأمني مثل ما فعلت فرقة الموت التابعة لدحلان ، وغيرها من الوسائل .

ويا أخ شكلك نسيت إنو الموظفين أغلبهم من فتح ، وفتح لا تنسى بتقبض أعضائها شهريا ً .

وعلى فكرة بدري لردك ، الموضوع صار له أسابيع ،

وبتمنى منك تسكر على الموضوع ، عشان الوحدة الوطنية

بتوقع كحمساوي بتبنى الاسلام لازم يكون وجهة نظرة لوحده اسلامية مش وطنيه ! لانه الرسول عليه الصلاه والسلام لم يجمع العرب على اساس العروبة بل على اساس الاسلام ! والوحده الوطنية تعني وحدة الماركسي مع السلفي عشان الوحده الطنية !!!!!

[خيـرَ أُمـة]

المشاركة الأصلية كتبت بواسطة zooro بتوقع كحمساوي بتبنى الاسلام لازم يكون وجهة نظرة لوحده اسلامية مش وطنيه ! لانه الرسول عليه الصلاه والسلام لم يجمع العرب على اساس العروبة بل على اساس الاسلام ! والوحده الوطنية تعني وحدة الماركسي مع السلفي عشان الوحده الطنية !!!!!

يا لطيف شو عكيت

عزيزي زورو
اتعتقد ان الماركسي الشيوعي الذي لا يؤامن بوجود الله اصلا مسلم.... بدك نجمع سلفي موحد يؤمن بالله مع سيوعي ماركسي ما بعرف الله ... لو قلت مع النصارى ليش لا فقد عاشوا في حكم المسلمين افضل ما عاشوه في حكم الصليبين ونحن اكثر امانا عليهم من انفسهم والتاريخ يشهد بذلك ... لكن بالنسبة للماركسية اسمحلي ان اختلف معك .. ويريت تقرأ تاريخ كارل ماركس وتعرف ليش ظهر وليش اوربا كانت محتاجة لظهور مثل هكذا فكر...

تحياتي

[aBo SaLeeM]

انا مؤيد لقتح بس والله العظيم غلط انه الاجهزة الامنية تطلع مظاهرات
وعيب علينا يلي بصير بهالبلد

الله يهدينا

[zooro]

براي يا سيد احمد ما بختلف معك ! ارجع واقرأ كلامي كمان مرة ! طبعا انا لا أأؤيد الوحده على اساس الوطنيه ! مثل الحمساوية في قرية عين يبرود الذين تحالفوا في انتخابات المجلس المحلي مع الشيوعيه عشان يفوزا على فتح ! انا بنتقد كلام الحمساوي الي قال "وبتمنى منك تسكر على الموضوع ، عشان الوحدة الوطنية "

[أبو نعيم]

ما شاء الله على الجميع

أولاً : أنا أسف على تأخير ردي عليكم لاني زمان ما دخلت المنتدى ، والله كمان دخلتوا بالصدفة .

ثانياً : انا مثل ما قلت سابقاً أنني لست ضد أحد لا من حماس ولا من فتح أنا مع كلمة الحق التي تقال ولو على رقبتي .

ثالثاً : هو الواحد لما يكون ماشي بالشارع ويجد أن هذا الطريق الذي يمشي به مغلق . ماذا يفعل ؟؟؟

أنا شخصياً بأرجع وبأدخل من شارع ثاني .

وهذا هو حال الشارع الفلسطيني اليوم ومع الاسف الحكومة لم تفعل كما فعلت ولكنها اختارت أن تقفز من

فوق الجدار الذي يغلق الشارع . وبدأت تأتي بالأموال عن طريق المعابر وهكذا ومع الأسف الشعب لم يرى منها

شيئاً حتى الان تحدثت حماس عن أموال وأموال وأموال ويقولون والله ايران تبرعت 120 مليون دولار وقطر تبرعت

والشيخ القرضاوي وما بعرف مين تبرع كمان ، والاخ محمود الزهار دخل أول مرة 20 مليون دولار وتاني مرة 30

مليون دولار ورابع مرة 4 مليون دولار وسعيد صيام دخل فلوس واحمد بحر ومشير المصري . يعني في النهاية

كلهم دخلوا اموال على البلد ، بالله عليكم وين راحت هده أموال اللي بنسمع عنها . وما حدا يقول قبضنا

الموظفين سلف منهم لانه هدا اسمه كزب أنا موظف ومن يوم ما دخلت حماس على الحكومة ما اخدت من حماس

شيكل واحد والدليل على هيك انه لما اخد السلفة بخدها من البنك والبنوك بترفض التعامل مع الحكومة .

هلأ بدي اعرف وين راحت هده الفلوس .

وخلينا واقعيين

ابو نعيم

[سالي بنت فلسطين]

ال بقولوا في المظاهره لا بدنا اسماعيل ولا بدنا هنيه رجعولنا الحراميه
ههههههههه
اكنهم عارفين الصح من الغلط بس بدهم ياكلوا وما يجوعوا ولا بدهم فلسطين ولا ثوابت ولا اشي بس بدهم يااااااااااكلوا

طول ما احنا هيك عمرنا ما راح نتقدم خطوه لقدام

[مؤيد]

إلى المدعو أبو نعيم .

ألا تستحتي ان تطعن بشرف هنية والزهار ومشير المصري وسامي أبو زهري ، وتتهم بالحرامية ...... ويخزي العين عنك وعن قادتك انته ... ما تضطرني إني أتصرف تصرف آخر وأنزل مواضيع تخليك تبكي على فضايح انت بتعرف مين صانعها الحقيقي ..

كل الأموال التي تتحدث عنها والتي دخلت فلسطين ، تم صرفها قي للموظفين على شكال ثلاثة أرباع راتب وراتب كامل أحيانا ً أو ثلثي راتب ، حسب حجم الأموال المتوفرة ، لكي تتأكد اسأل الموظفين .

ولا أهلا ولا سهلا بكل مثيري الفتنة والمشاكل على هذا المنتدى
رجعت لتوقظ الفتنة ولتطعن وتتهجم على حماس

روحو اتهجموا على اليهود أشرفلكم ، وحسبي الله ونعم الوكيل على من اتهم الناس بغير حق ..

[محمود]

السلام عليكم ورحمة الله وبركاته

دليل انهم مش حرامية ،، اعرفنا انو معاهم فلوس ووصلت البلد :)

لكن الحرامي يلي سرق الخزنة تعت شعبك وما حدا عارف وين

اراضيها لليوم ..


السراق ما بقول انو معي فلوس بخاف ينسأل عنهمــ ..

والدليل انو اعرفتوا انو وصلتكم فلوس ..

ولا يخو الرواتب يلي بتنصرف والسلف هاي

من دار مين جاي !!

بعدين ما تنسى انو عباس كمان كان المفروض يعطيك فلوسك كاملين قبل عيد الفطر ..

هلا بنقول الحق عالحكومة ^^

ياسيدي ازا بدك تلوم أول شي ما تلوم الا نفسك ..

وبدل ما تلوم الحكومة لوم حالك ليش انتخبتها ..

والي بده يلوم ابو مازن كمان يلوم حاله ليش انتخبه

والي مش قادر يصبر .. ما بصبر على وطن

مستعد يبيع الوطن لانه زهق صبر ..

صار النا 60 سنة تقريبا في ظل احتلال ..

لو بدنا نقول بدنا نعيش زي غيرنا يا سيدي اترك البلد وهاجر على جزيرة

بتعيش فيها مستقل او خد جنسية دولة اجنبية وسيب فلسطين للي ما بدهم يعيشوو

سيبها لاهلها يلي بدهم فلسطين ..