فلسطيني ! ممنوع تعيش ! قصيدة لمحشش فلسطيني

[zooro]

[CENTER]
قصيدة اعجبتني واحببت ان اعرضها عليكم يا احلى شباب









فلسطيني ممنوع تعيش
قالولك اسكت ما تحكيش
انت خلقت للتلطيش
للحواجز للمعابر للتفتيش
كتبوا علي جبينك ينداس
من الضابط للشاويش
فلسطيني قالولك ممنوع تعيش
فلسطيني ممنوع تثور
و مش مسموح تكون مقهور
اياك تطالب بحقك
اوعك بيوم تشوف النور

***
ممنوع تجدد هويه
ممنوع تجدد بسبور
فلسطيني و بدك تتعلم
هاي الشغله ضد الدستور
فلسطيني لازم تتألم
من دون ما يشوفك دكتور
فلسطيني ممنوع تتظلم
و لا يطلع بجناحك ريش
فلسطيني ممنوع تعيش

***
فلسطيني بكل المطارات
اسمك بالاحمر مكتوب
و على شباك مصلحه الجوازات
كتبوا علي جبينك مطلوب
لازم تتوقف ساعات
مذنب او مندون ذنوب
و يتوجه الك اتهامات
انك سبب كل الحروب
كأنو بسببك الحق مات
و العدل بارضك مصلوب
و كأنك سبب النكسات
و كل ازمات الشعوب
و كأنو بسببك مجرم فات
على جنين بلحظه الغروب
و دبح صبيان و بنات
و عجز على امرها مغلوب

***
مع انو الحقيقه
انا الي بالدنيا ضحيه
عملتوني ماده للغنى
و قضية الي ما عندو قضيه
انا الي راسي ما إنحنى
بوجه الريح القويه
انا الي شعبي صمد
في الضفه و بالرشيديه
انا الي شعبي انتفض
و بحجر حارب دوريه
و اليوم و بكره و للابد
عنا كلمه وحده هي

***
فلسطين عربيه
و راح تبقي عربيه
و راح ترجع عربيه[/CENTER]

[ISSA]

يسلمووو كتير كتير هاد كلام بمر فية كل فلسطيني دمت بخير اخي ..

[فلسطيني فدائي]

أكيد عربيه و انا برد على القصيدة و بقول
أنا الفلسطيني و أفتخر و طول عمري رافع راسي و أقول أنا منتفض
روحي فداء لوطني و لفلسطين الأبيه
القدس و الاقصى يناديان و يقول فلسطين عربيه
100%

[سالي بنت فلسطين]

لا بدي اعيش

وبدي اعيش وبدي اعيش

وما حد بقدر يمنعني
هيك ولا لا شباب ؟؟


تحيتي

[منار إبراهيم]

والله دي مش قصيده واحد محشش دي قصيده واحد عاقل

انشا الله بتفضل عربيه وبيردها لنا قادر,,

[فلسطيني وافتخر]

عيب عليك اخجل على دمك هذه قصيده للشاعر الفلسطيني بلال عبدالله

شو محشش فلسطيني

الواحد قبل لينقل حاجه بيتأكد من شو قاعد بينقل

[بنت الشرق]

فلسطيني إنت اللي علمت الدنيا
كيف تدافع عن كرامتها
فلسطيني إنت العربي اللي
تستحق انك تعيش
انت لازم تعيش ...
انت وكل رافض للإحتلال
للظلم ..للذل

[مغرمة فلسطين]

فلسطين عربيه
و راح تبقي عربيه
و راح ترجع عربيه

كلمات في غاية الروعة
يسلمووو

[نهر الدموع]

والله هاد مو محشش عاقل 100%

[محمود كلاب]

9ههههههههههههههههههههه