( اللحية ) لماذا ||

[حسام المصرى]

المشاركة الأصلية كتبت بواسطة RiNoXE بس سؤال شخصي شوي..
انتي معفي لحيتك والا لا؟

أها الحمد لله

بس من قريب يعنى 40 يوم مثلا

وبجد بندم على كل لحظة كنت بقف فيها أدام المراية وأمسك المكنة ..

واخلى وشى ناعم زى البنات ..

سبحان من زين وجوه الرجال باللحى

والله زادتنى وقارا بفضل الله وهو شعور رائع أتمنى لكل أن يجربه .. ويعفى لحيته اتباعا لأمر الرسول ..

بص بجد بتعرف تخليك تعمل حجات كتير كنت بتنطشها :)

لما تيجى تبص لبنت مثلا .. هى بتفكرك أوى بتلاقى نفسك ماشى باصص فى الأرض

بتمنعك كمان أنك تكلم بنت .. ^^

بتخليك كمان تخلى اسلوبك كويس فى الشارع وعندك وقار وتمشى مع صحبة كويسة .. عشان الملتحى الناس بتبصله أنه رمز للإسلام .. فلازم الرمز ده يبقى قدوة ..

بتحس كمان إنك نفسك تتقرب من ربنا أكتر وتتفقه فى الدين ..

بتوفر عليك مصاريف الحلاقة .. كان ممكن أحلق كل أسبوعين دلوقتى الحمد لله ارتحت ومبقتش بحلق

كان وشى بجد شبه الأطفال .. ^^ .. دلوقتى الحمد لله زادتنى وقار .. مشكلة بس الناس بتقولى يا شيخ ..

يوم ما تيجى تتجوز بتخليك بقى تفكر فى واحدة كويسة وملتزمة عشان تكلموا حياتكم فى طاعة ..

لكن بقى الأول .. كانت الطموحات تافهة أوى .. انك تتجوز بطلة مسلسل تركى ولا مغنية مشهورة .. بجد كانت اهتماماتى تافهة :)


بتزود الصحة سبحان الله .. هههههههه وبتديك قوة ..

واقراوا فوائد اللحية الطبية ..

بتحس أن الناس كلها بتضحكلك وبتحبك وأنك بتحب كل الناس وبتشوف بجد الحياة حلوة أوى وبسيطة .. سبحان الله بجد .. هى دى حلاوة الإيمان ...

بس برغم أنى لحد دلوقتى مقصر جدا بصراحة .. بس والله نفسى أتغير للأحسن .. وبإذن الله أفيد دينى وامتى ..

ربنا يثبتنى ويهدى كل الشباب ...

osaied معجب بهذا