مؤتمر الإخوان .. بعدستى ~

[شهيد]

حسام ،

أولاً ، بمجرد وصول شخصية تحمل فكر اسلامي لسدة الحكم هدا شرف لإلنا جميعاً

بغض النظر عن المسمى يللي هالشخص تحت ظله !

ثانياً : بالنظر في الأفق بعيداً .. أمريكا واسرائيل ومن لف لفهم ، مش رح يتركوا

مصر هيك عايشة بأمن وأمان وسلام وهدوء ، لموقعها الهام جداً جداً في مصالحهم

جميعاً ، من أمن اسرائيل لأمن أمريكا لـ لـ .. وهلم جرا

لهيك شيء أكيد وزي ما أنا شايفك ، رح تلعب الأيادي الخبيثة في انها ترجع الأمور

لسابق عهدها ، بشكل أو بأخر .. سواء بتوظيف عملاء من داخل الرئاسة ضد الرئيس نفسو

سواء بتوظيف الرئيس نفسو ، سواء بتوظيف عملاء من الشعب ..

بالمجمل ، رح ينغصوا ع الرئيس الجاي لأنو باختصار .. يحمل فكر اسلامي

بهالحالة ، مقدرة أي رئيس أنو يصمد مقابل هاي المؤامرات لن تكون بمقدرة الرئيس

المرشح من قبل الإخوان .. لسبب بسيط ، الإخوان تاريخهم حافل بالمواقف يللي متل

هيك ويللي بعطيهم مرونة أكتر وأكتر لتحدي هاي الصعوبات !

وما مشهد بنت الاخوان " حماس " عنا ببعيد .. بعد تكالب كل قوى الأرض بما فيهم حكومة

مصر السابقة على شعب غزة على حكومة حماس ، الا انها ما استسلمت !

لهيك ، لو قسنا الموضوع بمقياس الدين ، كل مرشحين الاخوان والسلفية بنفعوا يكون رؤساء

لكن بتضل سياسة وبتضل البقاء للأقوى والأقدر على تحدي كل الصعوبات !!

::

غير الإخوان لو فازوا وان شاء الله هالشيء بإذن الله رح يصير ، رح تكون حكومتهم

مؤلفة من السلفية وغيرهم .. لأنو هالشيء اساسا الاخوان رح يسعوا وراه لأنه رح

يكسبهم شرعية في الشارع المصري ، على اعتبر انو الحكومة يللي في ظل حكم رئيس

من الاخوان تمثل غالبية اطياف الشعب المصري وهالشيء يعطيهم علامات امتياز !!

::