« بــراءة عـبـد » ضـيـف { لَـيالِي شـبابُ فـلسطِيـن و ثـرثـرةٌ حُـرة ~

[برآءة عبد]

المشاركة الأصلية كتبت بواسطة Arabian girl شخصيتك غامضة مع شوية غرابة ^__^
متابعة معك براءة :)

صحيح غامضة وغريبة كتير ..
وعندي شوية اسئلة

تفضلي ..
شو أكتر شي بأثر ع تكوين شخصيتك ؟ يعني المجتمع , الأصدقاء . النت .ولا مااذا ؟ :)

للأسف كتير بتأثر بالمجتمع وأحياناً التأثير سلبي أكتر منه ايجابي ..
المجتمع اللي حواليكي شو بيعنيلك ؟ شو أكتر شي بتحبيه فيه ؟

شو بيعنيلي .. ؟ ما فهمت بصراحة ههه

بحبش اشي لأنه ولا اشي عاجبني .

استغربت من شي , انو انتي ما شاء الله حافظة لكتاب الله وبنفس الوقت بدك تتعلمي موسيقى وشخصيا على حد علمي لا يجتمعان في قلب امرئ , لو خيروكِ تبقي حافظة للقرآن وتزيدي علم ولا تتعلمي موسيقى وتنسي ما حفظتي شو بتختاري ؟

شوفي أنا بنت بحب الحياة .. بحب أعيش متل ما انا بدي .. يعني شو فيها لو تعلمت موسيقى انا غرضي اني بس اعزف بوئت فراغي لأنه انا بحسب لئدام .. يعني لما انا اتزوج ان شاء الله رح اهتم ببيتي مش مفكرة اشتغل بدي شي اتسلى فيه .. ليه ما اتسلى بشي بحبه وببدع فيه ..

الدين يسر مش عسر .. صح حلو الانسان يحفظ قرآن ويتعلم علومه .. بس كمان الحياة مش بس دين وتلاوة لازم يكون في جانب تفريغ ..

أنا هيك نظرتي ما بحب أعئد حالي ..
أهدافك كيف بتسعي لتحقيقها ؟ وشو الاساس اللي مبينية عليه ؟

بسعى لتحقيقها بالإجتهاد .. يعني أنا عم اتعلم .. ومن هلأ بدور على شغل وحاسب حساب ميت شغلة وانا بعدني عشرين سنة ..

الأساس الي مبنيه عليه .. الثقة بالله .. أنه ربنا رح يوئف معي ورح يساعدني ومش حيتركني .. لأنه عارف شو مريت بظروف وعارف شو أهلي تعبوا لحتى وصلت لهالعمر ..
حياتك يبدو أنو مريتي فيها بآلام أثرت عليكِ وخلت بتحبي العزلة ومنعزلة نوعا ما كما فهمت , هل ممكن هادي الاشيا اللي صارت معك يتحول تأثيرها لنوع آخر ؟ يعني بدل الانعزال والابتعاد عن الناس بتقودك متلا لإبداع معين ؟

طبعاً .. بس مش كتير .. لانه ما حدا بهتم فيي أو بفكر يشجعني ..

الي رجعة إن شاء الله :)
نورتي ^_^

النور نورك حيآتي ..

وبإنتظارك أكيد