لابناء فتح الشرفاء .... تعال وادخل 2

[Eng_SaNdRa]

يا لطيف شو هادا ؟؟؟؟؟؟؟؟
شو هالاحزاب هادى هلأ صرنا بالبلد قصة فتح و حماس و الشاطر يلى بيقنع التانى بأفكاره و مبادؤه و نسينا اليهود واللى لازم نعمله مع اليهود
ممكن أعرف بأى شرع هادا بأى شرع انو الفلسطينى يقتل الفلسطينى بعد ما كان ينضرب فيكو المثل بالمقاومة و الواحد كان رافع راسو بين الدول عشان هوة فلسطينى بغض النظر عن الوضع الاقتصادى بالبلد بس أحلا شى كان انو احنا فلسطينين
هلأ فضحتونا عند العالم أل شو أل الكل عم يتخانق ع المناصب يا شيخة اى مناصب هادى هية هادى اسمها مناصب الشعب جعان و الحكومة بدها كراسى بيكفى هيك
بدل الخناقات و ما بعرف شو شوفولكو حل لهالشعب الغلبان اللى ما بيتضرر من هيك مواضيع الا هالشعب ما فى غيرو الضحية و طبعا الحكومة نو كومنت ينحرق الشعب بيلى فيه راح تضلها مصرة ع موقفها تيب شو استفاد الشعب
الحكومة اتغيرت الحكومة و لا ما تغيرت الاوضاع زفت على ما هية بس ما حدا بيقدر ينكر انها الاوضاع خربت اكتر مع حكومتنا الجديدة االلى لحد هلأ ما شفنا خيرها (أل الخير جاى أل)
ايمتا انشالله الله راح تتحرك لما نص الشعب يموت قهر ؟؟؟؟؟؟؟؟؟؟؟؟؟؟
الناس لما انتخبت حماس لأنها ما عمرها جربت حماس و حسب اللى كانت تسمعو عن حماس الكل اندفع لينتخب حماس لقو فيها الملجأ متل ما بيقولو يمكن لانو الناس كانت تعبانة من الحكومة القديمة و اتفائلت بحماس بس للأسف حماس ما عملت شى و ما بعتقد انها قادرة تعمل شى يعنى نرجع لحكومتنا القديمة و احنا ساكتين احسن النا بلا كتر غلبة و جع راس
ملينا من الوعود و قائمات الاصلاح و حنعمل و حنسوى و كله كلام بالهوى أو حبر ع ورق خسارة ع حق الحبر اللى كتبو فيها البشوات اعمالهم المستقبلية
"حماس ما فى منها ـحماس راح تعمل و تسوى ـ حماس ما بعرف شو ـ هادا اللى شاترين فيه (برم ع الفاضى) "
طبعا مع احترامى لصقور فتح و كل حمساوى و اى شخص الو انتماء سياسى تانى بس عنجد يا جماعة ازهقنا من هيك وضع ما ضل فى حبال الواحد يعلق أمله عليها
على فكرة الوضع المتنيل هادا راح يضل على ما هوة و ما فى شى راح يتغير و راح نضل بالقهر و اللى عندو امل انو الوضع يتصلح و تصير احوال البلد معدولة أو حتى ترجع زى الاول ما بدنا نطمع كتير بنصحو يفقد هادا الامل على البدرى يطيرو يعنى لانو هادا الواقع و هادا المكتوب
و الله يوفك الجميع أحسن من كل شى