◊¯−ـ‗ بَـوْح ٌ وِذِكْرَيـآت ْ ‗ـ−¯◊

[مآهينآز]

جول جمال ،
إسم عامل زي النور فِى العتمه !
الله يرحمُه وَ يجمعنا بيه فِى الفردوس الـأعلى '(

هموت من القهر
موجوعة من العرب .. للعرب !
مِن كُتر الوجع .. مش قادرة أتنفس ،
بكره ضعفنا ، وَ قلة حيلتنا .. وَ هواننا على نفسنا .. قبل هوانناعلى الناس !
يا رب إستخدمنا وَ لا تستبدلنا '(

http://www.youtube.com/watch?v=Ig62qmXcv_c

منظر الدم فِى سوريا
وَ المشاهد كُلها .. لا تُحتمل
بحاول أفكر فِى حاجة إيجابية .. مش عارفة
لازم حاجة ، أقوى من الكتابة .. من الكلام ، من المُظاهرات !
حسبُنا الله وَ نعم الوكيل فى مُتخذى القرار '(
حتى الدُعاء .. على قدر أهميته .. مش كفاية !
من كُتر التفكير وصلت لمرحلة إني مش قادرة أفكر
وَ بكيت لحد ما بقتش قادرة أحس بحاجة وَ لا أبكى تانى !
خلصت الدموع !
وَ ما بقى فاضل غير العجز
وَ ارفع رأسك فوق انت عربى !

/


عندى عرض جديد اسافر وَ أكمل دراسة فى لندن ،
مُجرد العرض فى حد ذاتُه مُغامرة وَ مُمتع
بس رحم الله إمرءٍ عرِف قدر نفسه
انا مقدرش اسافر أصلاً ، وَ معرفش اسيب هنا .. على الـأقل حالياً ،
هكمل الماجستير هنا .. وَ رُبما أسافر بعدها .. رُبما !

،

المفروض رايحة بُكرة أقعد فترة فى بيتنا القديم .. رايحة أغير جو
مع إني رايحة للذكريات برجلى .. يعني مفيهاش تغيير جو غير للأسوء !
بس اى حال هيبقى أحسن من اللى انا فيه قطعاً
هقعد لحد ما البيت يزهق منيِّ !
هتوحشونى مع إني مكونتش بدخل كتير
بس هتوحشوني
نشوفكم على خير إن شاء الله