« لـــيــآل » ضـيـف { لَـيالِي شـبابُ فـلسطِيـن و ثـرثـرةٌ حُـرة ~

[.. ليآل ~]

هي اسئلتي حتكون أول شي اسئلة بتخص المنتدى :]





- أعضاء إشتقتيلهم ونفسك يرجعوا ع المنتدى ؟

كتآآآآآر

[ ليمار - سناء - ندوش - الحلوة- أجمل إحساس - ماهيناز - انتهينا - سويت سول وورم هارت - عجينة -نانا - روان-عين فلسطين - دودو - توين وفراشه - صدى الحب ودموع الحنين وجارة الوادي -لوليتا - أمل - عيون الوجد - امتزاج - أسمراني- إياد - فارس الوطن - ابو يقين - رعد - امجد- ياسين ] وغيرهم كتير والله :(



- مين من أعضاء المنتدى بتعرفيه شخصياً ؟

سناء وندى شفتهم عالطبيعة

وكان لقاء حلو :$


- لو طلبو منك تغيري اسمك هاد لشو بتغيري ؟

هادا الإسم مش أنا الي إخترتوا هو الي اختارني

ازا هو ماغيرني انا ما بغيروا

- كم صرلك مشتركه بالمنتدى ؟

بـ 15-08-2012 بيصير الي 4 سنين كاملة


- مين اول شخص تعرفتي عليه هون ؟ و ع مين كمان نفسك تتعرفي ؟

اول حدا تعرفت عليه هي روان فلسطين ... وكتار نفسي اعرفم عن قرب

بالزات امتزاج الله يسهل عليها - وحالياً بيلسان

احكيلي رأيك بهدول الأعضاء ~

- اسراء الفلسطينية بنت راقية وهادية وكلاس بحب هدوئها وخفة دمها وبحب اقرأ ردودها

بحب إنتماءها لدينها وبلدها وهي بالغربة ~ اهلها بيستاهلوا تحية كبيرة من هون لكوبنهاجن


- براءة بنت مميزة وأثبتت جدارة قلمها بحسها بنت حساسة ومحتاجه حدا يكون جنبها
- مرام فديتها مراري ~ عسولة وهادية كتير وبحس ضحكتها حلوة بس بعتب عليها انها مئصرة بالمواضيع
وتواجدها مقتصر على مواضيع معينة - شهيد نموذج للشاب الفلسطيني الي بنفتخر فية .. مؤدب وخدوم ومثقف وواعي .. بيعرف حدودو كويس وملتزم

- ايمان إيمان بنت عسولة كتير .. لطيفة وتلقائية وبتسلي بتب الي حواليها بتسمع الكلام والنصيحة

- جورية القسام // حبابة كتير بس تواجدا قليل ~ بتزكر لما كنا نقرأ رواية أنت لي كانت دايما موجودة // إختيارها للمواضيع بيعجبني
- قطعة حلا // للأسف مابعرفها منيح ،،، بتمنى اتعرف عليها واتشرف فيها
- كلارا هههههههههه في سر بيني وبين هالبنت

تخيلي يامها اني سجلت عن طريق الصدفة بتلات منتديات وتكون موجوده فيهم كلارا هههههههه

عطول بحكيلها انتي موجوده هون وهناك وهونيك :$

لزيزة ودمها خفيف وصعب الواحد ما ينشد الها ولردودها

اغلب الوقت بتعجبني العبارات الي بتوقيعها .. فديتها كلاريتووو


- ابو مجاهد شاب محترم ومؤدب وخدوم كتير .. ومابيحكي لأ لحدا ابدا

المنتدى مدين الو كتير
- وطن // تصاميمة حلوة كتير وفيها لمسة رقي ... هادا الي بعرفو :)
- محمود // مئصر كتير بحق المنتدى والأعضاء وبتصور الكل عتبان علية - اسد شاب محترم .. بيعطي معلومات وفوائد كتير .. أمرار بيكون متعصب شوي .. بيحب يثقف نفسة ويتحدى ظروفة
- المهندس // من زمان ما قرأت روائع متل الي بيكتبها .. كتاباته لاتمل ..بيعجبني كتير اسلوبو وطريقتو في ترتيب افكاره بيشجع الإنسان انو يكتب ويبدع ومايخبي شي جواته .. مثقف وعلى دراية باللي حوالية
- صوفي// بحس صوفي الي هلأ غير عن صوفي تبعت زمان ... عندها مسحه حزن بتخليني اغص

مره كلمتها عالميل بس ماعرفتني :$


- حسام المصري حسام بحسو متناقض كتير وبحب يستفز بعض الناس .. بحب يناقش كتير بس مش بسهولة بيتقبل الرأي المختلف معو .. بحس انو انسان صبور ومثابر
- دموع الغربة واشواق العودة عسولة ومثقفة وكلامها بيدل على رقي تفكيرها .. بحب وطنيتها كتير ونفسي اتعرف عليها :$- حلا الروح

- شموخ انسان

للأسف مابعرفهم منيح .. :(

للجميـــ ع // مهما كان رأي فيكم ... إنتو رائعين وانا ممنونة لألكم لأسباب كتير انتو مابتعرفوها .. الله يوفئكم ويسعدكم ويعطي كل واحد فيكم على ئد نيتو :$




لو صحلك فرصة تقابلي حد من المنتدى مين حابة يكون ؟

معلش لو ماحكيت الإسم ؟؟

^^

برأيك شو هو سبب الجمود والخمول الي أصاب المنتدى ؟

شوفي ... الأعضاء هم العمود الفقري للمنتدى .. ميولهم ثقافتهم بتنعكس بشكل واضح على المنتدى وشكلو .. وبتأثر بالحركة والنشاط تبع المنتدى ككل

لو تلاحظي اغلب الأعضاء هون أعمارهم من 21 وتحت هالشي بيأثر .. مابيعني انو العمر عيب لكن لسه مافي نضج واضح .. والأغلب بيتعامل مع المنتدى على انو مطرح للتسلاية وتضيع الوقت .

إضافة لهيك إهتمامات الأعضاء غريبة شوية .. يعني في ناس بتفوت بس عشان تكتب شو عملت اليوم وتغير توقيعها وتقرأ كم من نكتة وتجمع صور للمسن والموبايل..يعني في تركيز على نوع معين من المواضيع ... هالشي في حد ذاتو مش غلط .. لكن تقصير كبير في حق المنتدى وحق انفسهم .. مش غلط انو نتسلى .. لكن بنفس الوقت نعطي ونستفيد ونترك أثر حلو :$



بتتمني ترجعي مشرفة ؟

بالفترة الحالية لأ ... مع انو أمرار بس أشوف موضوع معين ببئى اتخيل لو انا مشرفة شو راح أعمل :$

الإشراف تكليف مش تشريف وبدو تفرغ وعطاء مضاعف


{ ليال } قلم ذهبي مبدع .. هاللقب لما تقرأيه بشو بتحسي ؟ هل بيعطكي دافع للأمام ؟!

مممم .. بحبو لأني أخدتو من مسابقة كانت هون

بس بحس انو صلاحيتو انتهت .. وبطلت استاهلو .. وصار في غيري جدير فيه .. صار يحملني مسؤولية انا مش ئدها


نورتي ياغالية

[almuhandes]

لنقل إنه كرسي الإعتراف
كرسي تتربع على عرشه بجدارة صاحبة القلم الذهبي
تتوسط الحضور كملكة
صاحبة الحروف الصاخبة
صاحبة الحضور المميز
لو قال قلمي ما قال فيها لن يفيها حقها

ليآل

مع اني شخصيا أكره هذه المواضيع على الرغم أني دخلتها لتوجيه الأسئلة من قبل
والآن أعيد الكره
يمكن سبب دخولي على قولة البعض الإختيار كان موفق للضيف

طالما انت عالكرسي في صدر البيت لابد من توجيه كم سؤال إذا حبيت تجاوبيها بصراحة بكون ممنوك وإذا ما حبيت كمان بكون ممنوك

السؤال الأول
ما رأيك بطبيعة الأسئلة المطروحة عليك وهل كان بينها أسئلة سخيفة ..؟ إن كان نعم لماذا أجبت عليها..؟

السؤال الثاني
كيف تنظر ليآل لإدارة المنتدى سيما أنها كانت من طاقم المشرفين
وهل من حق الإدارة إلصاق أي لقب بالعضو دون استشارتة وهو كاره له ولو حدث ذلك على ماذا يدل هذا التصرف..؟
السؤال الثالث
أنتِ في منطقة حارة لذا أقدر عنفوانك وعصبيتك لكن سؤالي ما الشيء الذي يجعلك تثورين مع سبق الإصرار والترصد..؟

السؤال الرابع

أين هي مدونة ليآل ..؟ وكيف تنظر للمدونات الموجودة..؟

السؤال الأخير
ماذا تعني لك كثرة الإجتماعات العاجلة والضرورية والضرورية جدا جدا جدا والمستعجلة حينما تقرأي عناوينها..؟


أتمنى أن لا أكون سخيفا بأسئلتي حتى لا يكون جوابك على السؤال الأول نعم وخصوصا أسئلتك

أتمناك بخير

[.. ليآل ~]

المشاركة الأصلية كتبت بواسطة almuhandes

لنقل إنه كرسي الإعتراف
كرسي تتربع على عرشه بجدارة صاحبة القلم الذهبي
تتوسط الحضور كملكة
صاحبة الحروف الصاخبة
صاحبة الحضور المميز
لو قال قلمي ما قال فيها لن يفيها حقها

ليآل

مع اني شخصيا أكره هذه المواضيع على الرغم أني دخلتها لتوجيه الأسئلة من قبل
والآن أعيد الكره
يمكن سبب دخولي على قولة البعض الإختيار كان موفق للضيف


وجودك في ربوع الصفحــآت المهترئة بوجودي وضآلة حضوري في وجودكم جميعاً يسعدني ويغذيني بالأمل

بأن لي رصيد في قلوبكم لم ينفذ بعد !


طالما انت عالكرسي في صدر البيت لابد من توجيه كم سؤال إذا حبيت تجاوبيها بصراحة بكون ممنوك وإذا ما حبيت كمان بكون ممنوك

شكراً لأنك ممتن بكل الأحوال :)


السؤال الأول
ما رأيك بطبيعة الأسئلة المطروحة عليك وهل كان بينها أسئلة سخيفة ..؟ إن كان نعم لماذا أجبت عليها..؟

إجمالاً الأسئلة هي أسئله خفيفة ولطيفة - يمكن مش كلها فيها عمق ونضج

وهالشي راجع لطبيعة الموضوع والمكان والأعضاء والضيف

في أسئلة بصراحه جاوبت عليها وانا مدايئة _ورجاءاً ماحدا يسألني شو هي الأسئلة _

وفي أسئلة إجابتها لا بتفيدني ولا بتفيد غيري

وبالمقابل في أسئلة إنبسطت فيها كتير وكنت بسابق الحروف حتى أجاوبها ^^

إجمالاً أنا بكرة نوعية الأسئلة الي بتشبه أسئلة المحققين وبتحاصرني وبتتدخل بخصوصياتي بشكل كبير

السؤال الثاني
كيف تنظر ليآل لإدارة المنتدى سيما أنها كانت من طاقم المشرفين
وهل من حق الإدارة إلصاق أي لقب بالعضو دون استشارتة وهو كاره له ولو حدث ذلك على ماذا يدل هذا التصرف..؟

في الوقت الحالي عندي تحفظات كتير ~

صرت أحس انو في حلقة مفقودة بين الأعضاء والإدارة !!! وفجوة كل مالها بتتوسع :(

لكن إدارة شباب فلسطين دايماً عندها سعي إنها تكون بالطليعة وتتميز وتجدد وتبعد عن المكان الرتابة والملل

والإجتماعات الطارئة والعاجلة خير دليل :]

//

بالنسبة لموضوع الألقاب [وانا بعرف عن شو بتحكي]

الي صار نوع من التجديد وخروج عن المألوف .. بس الألقاب الي كانت أول مقبولة أكتر

لأنو من التجني ألزق محبة فلسطين والإسلام والأقصى في قلوب ممكن تكون متخاذله وبايعه ومش سئلانة

عضو ماسي وذهبي ومثالي كانت أفضل ... مع انها ممكن تكون مرتبطة بأسماء مش مستحقة

ويكون عداد مشاركاتهم الي وصلتهم ليكونوا عضو مثالي ،،، مجرد سخافة وكلام فاضي لايسمن ولا يغني من جوع

//

بفضل تنشال الألقاب نهائي ... وكل واحد يختار لنفسه اللقب المناسب ^^ (بما يتناسب مع طبيعة المكان)

السؤال الثالث
أنتِ في منطقة حارة لذا أقدر عنفوانك وعصبيتك لكن سؤالي ما الشيء الذي يجعلك تثورين مع سبق الإصرار والترصد..؟

ماعرفت أي حرارة بتقصد ،،، حرارة المكان ولا حرارة الماوائيات والدواخل !!

وما عرفت من وين لمست عصبيتي ؟!!

أنا دائماً ثائرة على نفسي لكن هاي الثورة بيعززها على أرض الواقع .. وبيخليها مرئية للعيان

الكذب والتمادي والسخافة العوج والنفااااق الفزلكةو شوفة الحال .... الأشياء الصغيرة هي بتخليني انفجر وانحرق

الأشياء الكبيرة بتخليني أسكت واخلي الغضب من الداخل للداخل

وآكل بحالي


السؤال الرابع

أين هي مدونة ليآل ..؟ وكيف تنظر للمدونات الموجودة..؟

مدونة ليال فكرة ميتة في رحم عاقر

أنا بعرف أن المدونة رأس قلم نازف

حروف مالها مكان

صرخات - ضحكات - ترهات - علامات تعجب واستفهام -خيال وتحليق - رسائل ممزوجه بالعتب

أو بالفخر - بالإشتياق ..... بأي شي

كلام مخنوق جوات قلب .. ومالو مكان برمية في مدونة مذللـه بأسمائنا

بس مش اقتباسات من هنا وهناك


السؤال الأخير
ماذا تعني لك كثرة الإجتماعات العاجلة والضرورية والضرورية جدا جدا جدا والمستعجلة حينما تقرأي عناوينها..؟

بتثير فضولي ... وبشدهـ :)

وبتخليني بحاله ترقب ... وأنا بكره الإنتظار

أتمنى أن لا أكون سخيفا بأسئلتي حتى لا يكون جوابك على السؤال الأول نعم وخصوصا أسئلتك

حلو أن قلم متل قلمك ... وفكر ناضج متل فكرك ،،، يتخيل للحظه انو ممكن يون سخيف

التواضع حلو

ووجودك كان مميز وأسعدني جداً
أتمناك بخير

وأنا كمان ... ودايماً