قفشات ....غير بريئة

[almuhandes]

تفجير دموي يهز أحد أحياء دمشق يوقع العديد من الضحايا بين قتيل وجريح
الحكومة السورية تعلن أن الفعل مدبر من جماعة إرهابية

اوك جماعة إرهابية رح اسايركم واصدق لا قدر الله
بس في كم سؤال بيلعبوا بصدري زي الثعابين بدي أسألهن
ولا تفهموني غلط مش من باب التشكيك بس من باب تلزيق التهمة على الجماعة الإرهابية
سوريا معروف عن نظام مخابراتها إنو شديد لدرجة لا توصف
حتى إنو أي واحد بقع بين ايديهم بنمحي أثره
لك شلون عجزت هالمخابرات عن رصد جماعة الإرهاب.؟
آه هلا فهمت....!
ما أغباني وين كانت رايحة عن بالي
المخابرات لتلعن أبو المواطن
لتحمي الحاكم
لتحمي مكاسبها
شو دخلها بالله بالجماعات والمجموعين والجامعين
شفتو شو إني غبي وظنيت فيهم سوء
//
لعبة حكام العرب وحدة
إذا الشعب فتح تمه
جهات خارجية
جماعات إرهابية
أجندة صهيونية
يعني مو باينة زي عين الشمس فخخ,فجر,,خرب لزقها لحد
ألعن أبو الشعب
اقتله
اعتقله
امسخه
خليه يشحد الملح
//
( الشعوب أقوى من حكامها) ياريت يفهموها

[almuhandes]

البشير في زيارة ليبيا
صرح
القذافي سبب تقسيم السودان

يختي عليَّ
ومعاليك وين كان غايب
عصايتك طول مترين
ولا هي مصممة للرقص وتهش فيها على القطيع
السودان سلة غذاء الوطن العربي
تقسم على دورك والباقي جاي عليه الدور
فقير من قبلك وبوجودك
أراضيه مزروعة بالعشر (نبتة بعرفها السودانيين) لا فائدة ترجى منها وبتخرب الأرض
وينك يا عم
الشغلة مو شغلة تهويش وحكي
الشغلة بدها فعل يا عمري
القذافي انقلع ومزبلة التاريخ كان إلها الأذى بضمه
بلا ما يحجزك مكان عنده
جلس يا بشير

[almuhandes]

محمود عباس/ الرئيس الفلسطيني: من هنا لـ 26/1 إذا لم تتمكن الرباعية من وضع الطرفين على طاولة المفاوضات على أسس واضحة معناها أن الرباعية فشلت، ما دام فشلت نحن سيكون لنا موقف".

هذه التحركات ألا تهدد مشروع مصالحة أصلا لم يتبلور بشكل كامل، بدأ يتبلور للتو؟

عزام الأحمد: لا ﺇطلاقا ونحن متفاهمون مع الإخوة في حماس هذا موقفهم التقليدي، ومن حقهم أن يعلنوا هذا الموقف صباح مساء ولكن أود أن أذكر في خطاب الأخ مشعل في 4/5 عندما قال ليجرب الأخ أبو مازن سنة كاملة من المحاولات.

لا تعليق
لأنو لو علقت رح يطلع حكي مش منيح
بس كلمة لحماس
أرأيت كيف يأولون.؟!
احصدي حماس بركة االتعامل مع سكير