قفشات ....غير بريئة

[almuhandes]

المشاركة الأصلية كتبت بواسطة rana <3
خـليه مكيـف ومبسـوط ع حـالو ..

الله كريـم ~~

يعطيك العافية أخوي المهندس ..

يعافي عمرك رنا

بس أنا مستغرب شي
كيف أجيتِ لهون وكسرت القاعدة..؟
هون عدد الزوار عالي
عدد المشاركين صفر
يمكن لأنو هاي خطوط حمرا وما بصير نحكي فيها ولا حتى نحلم
أو يمكن لأنو الكاتب مجنون وعم بغرد خارج السرب
:

أهلاً فيك رنا
انبسطت كثير بمشاركتك
الله يحميك يا رب
كوني بخير

[almuhandes]

محكمة العدل العليا في مصر تبرء ساحة الضباط المتهمين بقتل المتظاهرين

والد مفجوع بفلذة كبده الغض وقف يبكي دم ابنه الذي راح هدرا ويحمل أثيابه الملطخة بالدماء كشاهد إثبات

:

ولسا بقولوا مبارك راح ونظام حكمه ولى
ولسا متأملين من المحكمة الهزلية لمبارك وأرجاسه توخذ حقهم
ولسا بقولوا حكم العسكر بسير البلاد حسب الأصول
إذا الضباط بريئين
مين قتل الشباب ...؟
يمكن أنا .......!
يمكن انتحروا ليلبسوها للحكومة
يمكن راحو رحلة وعم يفلموا علينا
يمكن عدسات التصوير كذابة وعم تعمل الكاميرا الخفية
يمكن المقابر كذابة
والأخبار كذابة
وسعادة القاضي مقتنع بهالشي

//

سقط العدل على الشوارع
ونصبت موازين الظلم
يا حيف بس

[almuhandes]

الولايات المتحدة تعلن عن صفقة طائرات حربية إف 5 للسعودية بقيمة تفوق 29 مليار

//

أنا مش فاهم لشو لزوم الطيارات
مهو حرب مفيش وفلسطين زمان حرروها
والسلاح صدا في المخازن والباقي صار خردة
ولا يمكن السعودية عامله حسابها لربيع قادم
بينفعوها لوقت الزنقة في قصف المجانين
ولا يمكن يا ترى الإقتصاد الأمريكي يلي بنازع عم يحصد من قوم الريالات لحتى يوقف على رجليه
أو يمكن لحتى ترسل أمريكا رسالة لشيعة ايران المنطقة مستعدة للحرب في حال اغلاق مضيق هرمز

يمكن ويمكن ويمكن كلها اشيا معقولة
بس الأهم
مين بدو يقود الطيارات وين رح يحارب فيها...؟

[almuhandes]

بلدية دبي تنفق ما يعادل ميزانية دولة لسنة كاملة على الألعاب النارية في ليلة رأس السنة

الله لا يحرمكو من الهبل يا هُبل
أقسم أن الله لن يترك هذا الفجور دون أن يسويه بالأرض


(وَإِذَا أَرَدْنَا أَنْ نُهْلِكَ قَرْيَةً أَمَرْنَا مُتْرَفِيهَا فَفَسَقُوا فِيهَا فَحَقَّ عَلَيْهَا الْقَوْلُ فَدَمَّرْنَاهَا تَدْمِيرًا)أفسراء :16

(وكذلك جعلنا في كل قرية أكابر مجرميها ليمكروا فيها ) [ الأنعام : 123
صدق الله العظيم

[almuhandes]

شيخ شريف يدعو الشباب المجاهدين لتسليم السلاح ويقول أنكم لن تحصلوا على شيء

شيخ ممكن
شريف .. نو ..نهي ..كلا ..لا..أمبوس..
شيخ كان زعيمهم
شافها مش موفيه باعهم واستلم الرئاسة
وهلا بزايد عليهم

[almuhandes]

المرة مو قفشة المرة دبشة هالقد
شايفين قديش هااااااااااااااااااالقد

لقاء مفاوضين فلسطينين وإسرائيلين في عمان

في مثل عيب ينحكى هون
بقول الميه بتروب وال........... ما بتوب
والله لأحلق شاربي وازين لحيتي وهاد الحكي من زمان بحكي إذا بطل عباس وشلتو عن وقاحتهم
عمان بتقوم بالدور الأمريكي في المنطقة
وعباس بقوم بالدور الصهيوني في التنفيذ
هاد الزلمه من زمااااااااااان زمااااااان شلح جلده
وصار مفضوح

[almuhandes]

المناسبة محاكمة مبارك

من زمان بتحوس بمخي ومش قادر اتجاهلها
لا بد من قفشة والله لابد منها

لكن بالصور وللقارىء أن يبصق حيث يشاء

[CENTER]

حلفتكو بالله هاد رجل وهاد رجل....؟

بغض النظر عن فترة الحكم أنا بناقش الصور حتى لا يفهمني حد غلط أو يزعل مني متشدد لجهة ما