قفشات ....غير بريئة

[almuhandes]

المشاركة الأصلية كتبت بواسطة وَطنْ~♥

تـصـفـيـق // هل تسمع ..!

رآئـع جداً و يزيد .. متآبع بشغف لكل جديد
أستمر يآ عزيزي أرآهن أن مآ بجعبتك هو أفضل

،

تصفيق شق صوت الصمت المعشعش في صومعتي
فايقظني من صيامي
لك كل آيات الشكر على هذا الإطراء
سأفعل
واستمر في الإبحار
ما أملهتني يد القدر
كن بألف خير

[almuhandes]

ثوار اليمن
يرفضون الإلتفاف على ثورتهم وسرقتها من قبل الموقعين على المبادرة الخليجية البلهاء
ويتوعدون بالإستمرار في التظاهر لحين رحيل النظام بأكمله


إبن أخ علي عبد الله صالح
يدلي بتصريح جميل
يخاطب فيه شباب الثورة
عليكم أن تستحوا وترحلوا عن شوارعنا

مين يلي لازم يستحي يا قليل الحيا
الواحد لو مرتو قالتلو افرقنا يا .. حل عنا .. قرفتنا عيشتنا ...بستحي على حالو وبطلقها
الشعب بالملايين بقول مشااان الله حلوا عن سمانا طلقونا خلينا نعرف نتنفس وإنتو مثل القراد ملزقين بظهره
شرش الحيا طق عندكم من زمان زمان
عيلة مثل قاع الكيلة
من أصغرها لأكبرها
بكفيكم النهب والسلب والحرمنه يلي عملتوها
خلي هالشعب المسكين يشوف غيركم
ولكم بكفي استحوا ولو بشلن
الشعب رافع عليكم قضية خلع علشان بتعرفوا مو عشان ما بتعرفوا بس آخرتو يربحها ويتحرر

[almuhandes]

بيريز في زيارة مفاجئة للإردن
يلتقي خلالها الملك عبد الله
توقيت الزيارة جاء بعد زيارة الملك عبد الله لمحمود عباس

الحدق يفهم القصد من الزيارة
الحدق بس
ياناس يا عالم يا هو افهموها وريحونا
هلا عباس تورط في قضية المصالحة الكذبة ولوعلى عين الشعب وبيضحك على لحانا فيها لحتى يتجنب ثورة شعب تعود على اللطيم وما بخاف بلا ما يصير فيه مثل حبيب قلبه مبارك الله لا يبارك فيه
بس هو ما نسي حبايبه وما تراجع عن الاعيبه وما تخلى عن المفاوضات
هلا مين الوسيط الأمين صاحب المهمة النبيله
أكيد الملك عبد الله
حملو رسالة امريكيه بتقول لا تسوق الدلال علينا وتصدق حالك
ارجع للطاولة احسن نقلبها على راسك
الملك ما كذب خبر حطها دغري بدانو وبهرها شويه ومحمود من اول بقول أفي ونفسي فيه
يعني أجت الفرصة تمام
هلا العم بيريز أجا يشوف الرد منيح ويخطط للي جاي تمام
يا شعب فلسطين اذا الملح بنور عباس وشلتو بصيروا مناح
وهاي دقني...

[almuhandes]

إعلام

قناة الرأي الفضائية
تدعي بأنها ناطقة باسم المقاومة العراقية
تمجد المقاومة
تبث الأغاني الحماسية
تبث البرامج النارية
كل هذا جميل وأكثر

نفس القناة
تصف ثوار سوريا بالهمج والقطعان
تصف ثوار ليبيا كما وصفهم القذافي بالجرذان
وضعت لفترة طويلة شارة الحداد على القذافي
وصفتة بأنه الشهيد المجاهد البطل

يعني بدي أفهم كيف الموازين مقلوبة
والمفاهيم ملخبطة عندكم
ساعة مع الثوار وعشرة مع البسطار
رسينا على بر يا مشعان يا ابن الجبوري
خلينا نعرف راسنا من رجلينا
ليش الواحد منكم بوق وبس
شو يعني انك بتبث من سوريا
لازم تتبنى وجهة نظر الأسد
ما في ثوابت ولا قيم تتمسك فيها
معمر القذافي شيخ المجاهدين تبعك بتصور عمره بحياتة ما صحي من السكر والعربدة
وعمك الأسد عم يذبح ويسلخ عيني عينك
كيف صاروا هالجماعة بنظرك أبطال..؟
والله أهلين إعلام
وصباح المقاومة مشعان

[almuhandes]

قفشة برلمانية

المناسبة مناقشة البيان الوزاري لحكومة عون الخصاونة في الاردن

إحداهن اعتلت المنبر
بدأت تهذو بالغث ثم الغث ثم الغث وما أتت بالسمين
في معرض خطابها الرهيب قالت
أما هذا المدعو اردوغان الذي يوصف بأنه عربي أكثر من العرب
فهو فارغ وليس له ثوابت ووووو حتى ظننت أنها ستصفه بالحشرة أو ما شابه

قديما قالوا
إن وصل الرجل للبرلمان فهو نائب
وإن وصلت المرأة فهي نائبة (والنائبة هي المصيبة)
ليس تقليلا لا قدر الله من شأن المرأة إنما أخص هذه بعينها
فهي نائبة بكل معنى الكلمة
مصيبة أن تكون مثل هذه تمثل شريحة من المجتمع
يا هذه
أين هي مواقفكم إزاء مواقف أردوغان
أين هي عروبتكم إزاء ما قدمه أردوغان للقضية الفلسطينية
ألا تخجلين من نفسك
تناقشين بيان وزاري
ما الذي حشر الرجل في خطابك
أيتها المصيبة هل تزعجك مواقف الشرف حتى تهاجميها
إن كنت في واد والشرف في آخر فما ذنب الشرفاء
عودي إلى حياة الكنس والطهي فلربما أقول ربما تفلحي بها وأنا اشك في ذلك
طهري نفسك واستري عورتك ثم عودي للحديث عن الشرفاء
نائبة ,مصيبة,كارثة,طامة كلها أسماء تليق بمقامك
وأهلين نائبة
وأهلين برلمان

[almuhandes]

قفشة ع الطاير

الإتحاد الاوروبي يقر عقوبات جديدة على سوريا

جامعة الدول العربية تنسق مع الإتحاد الاوروبي بهذا الخصوص

حتى لا حد يفهمني غلط
أنا ضد أبو بشار بقبره مو بس ضد بشار
بس الشي يلي بفلق فلق
ليش سوريا وبس
ما هو اليمن قبل سوريا والدم فيه للركب
الاتحاد الاوروبي دمه مش من دمنا لهيك ما بدي احكي عنو
بس هاي الجامعة الحلوة
برئيسها العربي معقول إنها عميا لهالدرجة
معقول ما بتسمع الأخبار وبتشوف البلاوي في باقي الدول العربية
معقول يا ناس
يمكن ما عندهم دش
أو حتى ما عندهم تلفزيون من أصله أو إل سي دي
لهيك هي بتشوف الأخبار من اوربا وبس
ولا كان سمعت بغزة
وسمعت بتونس ومصر وليبيا والمغرب والجزائر والبحرين
ولي على بخت العرب شو محزوزين بهيك جامعة وبهيك ممثلين
عوجا والطابق مكشوف

[almuhandes]

بشار الأسد في لقاء متلفز

سيادة الرئيس هل أنت من أعطى الأوامر بإطلاق النار على المتظاهرين.؟

الأسد
أنا رئيس سوريا ولم أصدر الأوامر لأحد لكن من أعطى الأوامر اشخاص آخرين

يا عيني يا عيني
شو خفة هالدم
شو هايدا يا عمي الرئيس
إذا إنت ما عم تعرف مين بصدر الأوامر لشو حضرتك موجود
وإذا إنت ما عم تمون عليهن هدوليك الناس لشو جنابك رئيس
عوجا
والله عوجا
والطابق مكشوف