| الإهداءات |
|
|||||||
 |
|
|
أدوات الموضوع | انواع عرض الموضوع |
|
|
10-27-2011, 07:36 PM
|
#1 | |||||
|
I ♥ PALESTINE
قوة السمعة: 95
  |
رد: مِينْ قَالْ الرَّشْوة حَرَامْ ..؟؟؟ ..يآشوقي
 يعني بصراحة شو احكيلك؟!!! عنجد مش عارفة عيشي كتير بتشوفي كتير احنا عنا الحمدلله نادر نادر نادر ما يصير هيك اشيا مم مرة ام رفيئتي بتئول لبنتها انو عيب ما تحكي هيك ع الدكتور والدكتور مطلع عينا اصلا فبتؤولها كاد المعلم ان يكون رسولا، واعدت تحكي انو احنا زمان كنا نرجف من المدرس وكان وكنا وابصر شو فأنا بحكيلها خالتو هادا الحكي ايام زمان، كنتو تحترمو المعلم لأنو كان معلم بمعنى الكلمة هلأ المدرسين مش متل زمان والطلاب مش متل زمان و شوئي ما كان غلطان بس شعرو مش قرآن مسلا ليكون صالح لكل زمان وكل مكان هوي حكا عن اللي شافو،، دورنا نحكي عن اللي شوفناه  يعني دكتورنا تبع طب الاطفال دخللنا بأول محاضرة وهوي عارف سلفاً انو ما كتير بحبوه الطلاب لأنو هندي ابصر شو ديانتو بعترض ع الآدان لما يتشغل بنص المحاضرة وكتير اشيا فبؤولنا (شوفو انا هيك واللي ما عاجبو انا بحكيلو انو ازا راح شكاني حتى للعميد نفسو انا بحكيلكو ما رح يطلع معكو شي العميد نفسءو انا اجا ترجاني عشان اترك المستشفى وآجي ادرسكو فما في فايدة من هلأ بحكيلكو)  يعني واحد من اولها هيك جاي يحكي شو نرد عليه مسلا؟!!! واحنا مش مدرسة زغار يعني،، احنا كان الوحدة فينا عمرا 21 22 سنة!! يلا الله بعين حبيبتي ونو الجامعة تئريبا اهون شوي،، لأنو بالغالب بعاملوكو كـ كبار غير انو نزام الجامعة نزام اعتمدي ع حالك والدكتور مش مسئول عن شي درستي ما درستي آخر همو.. يلا عموما مدرسة الدين انا محلك ما بجبلها شي وتخبط راسا بالحيط وما بدي هالنص علامة!!! انتي كمان بكفي دح ارحمي حالك شوي XD |
|||||
| اقتباس المشاركة |
|
10-28-2011, 01:16 PM
|
#2 | ||||
|
I ♥ PALESTINE
قوة السمعة: 50
|
رد: مِينْ قَالْ الرَّشْوة حَرَامْ ..؟؟؟ ..يآشوقي
مم مرة ام رفيئتي بتئول لبنتها انو عيب ما تحكي هيك ع الدكتور والدكتور مطلع عينا اصلا زَي مَاما وبَابَا ..كُلْ ما أحكي عن معلماتِي ..بيسَمْعُوني مُحَاضَرة عن أهمية المُعَلِّم فِي المُجْتَمع
وكيف كُنا زمان نخاف من المعُلِّم ..كِيفْ كَان يدعس ع رقبتنا ..وفي النِّهاية نِحْترموا .. مآشي ما إخْتلَفنا ع عيني ورَاسي ..لمَّا يكُونوا معلمينا زي معليمينكم زَمَانْ ..غَصْب عني رَحْ أحْترِمهُمْ .. بَسْ لما معلمة بدها رَشْوة ..!! يعني .. والله كبيرة شوي ..من وين بدو يجي الإحْتِرَام والخُوفْ .. أنا مُش فَهْمة شو الي خَلاَّ الحالْ يوصَل لـ هالدَّرَجة .. إزا زَمَان كَانوا المعلمين كتير منَآآح ويَسْتِحقوا الإحْتِرامْ .. ولمَا يكونوا الطلاَّبْ زي أهْلي وأهِل رفيئْتِكْ ..يكِنوا للمُعلم كُلْ الحُب والإحْتِرَامْ والوَلاءْ .. شو الي خلاَّ الحالْ هيك ..مين الي غير المُعادلة ..؟؟؟
و شوئي ما كان غلطان بس شعرو مش قرآن مسلا ليكون صالح لكل زمان وكل مكان عالية .. بس كُل ما فتحنا تمنا نتشتكي عن المعلمات ..بيحكولنا ..بس إسْكُتوا .. كاد المعلم ان يكون رسولا .. مش أي معلم يمآ ..بس كان لازم شوقي يحط المعايير التي يجب ان يقاس بها المعلم ..ليكون رسولا .. هههه
يعني دكتورنا تبع طب الاطفال دخللنا بأول محاضرة وهوي عارف سلفاً انو ما كتير بحبوه الطلاب قآل تردي عليه قالْ ..يا بنتي كاد ان يكون رَسُولاً .. كآد .. الله يهديكي ..كآدْ .. ههههههههههههه بيجوا وكأنوا داخلين معركة ..وبيبدءوا ترهيب وتهديد وتوعد ..ليش ..ليش ..ليش .. كأنوا أعدائهم ..ولا لإنو في بعض المعلمات بدهم يعملوا لحالهم شخصية قوية تمنع الطالبات من التطاول عليها لإنو بعيد عنكْ الطالبات عنا أغلبيتهم مُشْ محترماتْ ..فـ بيعاملوا كل البنات ع هـ الأساس ..
يلا الله بعين حبيبتي ونو الجامعة تئريبا اهون شوي،، لأنو بالغالب بعاملوكو كـ كبار إنتي أول وحدة تحكيلي هيكْ .. منيح ..فرَّحتيني .. :) كتير ناس بس أشكيلهم .. بيقولوا ..ولسا ماشفتي إشي في الجامعة أكتر ..( قال يعني بيخففوا عني :(.. ) منيـــــــــــــح ..
يلا عموما مدرسة الدين انا محلك ما بجبلها شي وتخبط راسا بالحيط وما بدي هالنص علامة!!! مابقدر .. بس فشرت أجيبلها مش عافة شو من المكتبة ..حكتلها حطيلي درجة الإختبار الأول وخلص .. شُكراً إلكْ ع المُشَاركة يآآسو .. بس شو تخصصكْ ؟؟ شُكراً .. ^^ |
||||
|
|||||
| اقتباس المشاركة |
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
العرض المتطور
