هل الدين ضد الرومانسية والعشق ؟؟!! سؤال بسيط

[SHOROOQ]

المشاركة الأصلية كتبت بواسطة Dr.Yaso هلا فيكي شروء
طيب وانا شو حكيت عن رأي الاعضاء؟ انا لا غلطت ولا حكيت شي انا بئول الكلام استفزني
هاي ما فيها شي لأنو وجهة نزري انو الحكي مستفز،، فتئبلي رأيي!
مم في حديث عن العقاب تبع تارك الصلاة واللي برضو الكل عارفو اللي هوي خمس عقابات
بالحياة وخمسة بالممات وخمسة بالقبر وهيك شي،، هادا الكل عارفو بس الحديث ضعيف!
مش اي شي الكل بعرفو معناه صح!! بعدين انا ما حكيت الحديث اللي استندتيلو ضعيف
انا بس بحكي انو مش اي حديث بلائيه بالنت معناها صار مرجع لأنو بالنت عاد
بتلائي كل شي وميت تفسير وتفسير



يعني بتعتبريها انشودة بس لأنو كلماتها للزوجة؟؟ غريبة
رح ارجع اسال الي سالتو مبارح، مشكلتكو باللحن ولا الكلمات؟ شو الي بتعتبروه مقياس
ليحدد هاي نشيد ولا مش نشيد؟ وبدي جواب واحد مش كل شوي تحطو المشكلة بشي

ماشي اكيد في فرء بين الأغاني بين الأناشيد والاغاني،، بعدين انا حكيت اغنية إليسا
ع سبيل المزح وكان تعليئ زغير ع كلام حسام انو ما في اغاني بتحكي عن الزواج
كلها هبل وهيك وكانت مزحة.
بس ازا بدك تناقشي فيها ماشي يا ستي فيها كلمات زنخة
بس ليه عالئة ببالك لسه ومتزكريتها؟؟

ما تجزمي، لأنك مش سامعة كل اناشيد الافراح!!
بس سؤال وين المشكلة ازا كان في نشيد للزوجة فيو هيك حكي؟؟ ياخي حيكون للزوجة
وين الغلط؟!!!!

يعني هوي ما بنفع يكون في اغاني محترمة؟؟
ماشي يا ستي الاغاني حرام بس انا بسمع اغاني (:
كل واحد حر برأيو وتفكيرو

مش حاسة انك مكبرة الموضوع شوي؟؟؟

أهلا مرا تانيه ولاتحسيني متشدده بكل امور حياتي
ترا أنا فري وفله وعالموضه اسألي ايمان
طيب حبيبتي اتمعني بهادي الآيه

" ومن الناس من يشتري لهو الحديث ليضل عن سبيل الله بغير علم "

قال الحسن البصري : أنزلت هذه الآية : ( ومن الناس من يشتري لهو الحديث ليضل عن سبيل الله بغير علم ) في الغناء والمزامير
قال ابن جرير : حدثني يونس بن عبد الأعلى ، أخبرنا ابن وهب ، أخبرني يزيد بن يونس ، عن أبي صخر ، عن أبي معاوية البجلي ، عن سعيد بن جبير ، عن أبي الصهباء البكري ، أنه سمع عبد الله بن مسعود - وهو يسأل عن هذه الآية : ( ومن الناس من يشتري لهو الحديث ليضل عن سبيل الله ) - فقال عبد الله : الغناء ، والله الذي لا إله إلا هو ، يرددها ثلاث مرات


وهادي آيه من القرآن يعني مافيها نقاش أبدا ( :


بالنسبه لموضوع انها ضلتها عالئه في مخي
بكزب عليكي ازا حكيتلك ضلتها عالئه من فرح بنت عمتي من أول مرا سمعتها فيها
لكن ححكيلك ليش ضلتها عالئه على انو انا مش مجبوره أبررلك لكن حوضح عشان
ماتفهميني غلط
باعتبار انو زوجي بسمع أغاني وأنا لأ
فلما كنا مخطوبين ماكنت أرضى يفتح اغاني وأنا معو ولحد هلئيت
لكن مرا ارسلي هالمقطع عشكل رساله يعني كلام
عشان هيك ضليت حافزيتو ( :


شوفي حبيبتي انا ححكيلك شو الفرق بين الاغنيه والانشوده على اني حكيت قبل هيك
لكن مش مشكله

أولا بالكلمات ..
تانيا الاغاني فيها موسيقى أما الاناشيد ايقاع فقط
اللحن مافي مشكله لانو بضل لحن ي شكل من الأشكال
وبالنسبه للأناشيد بموسيقى فأنا ضدها بإجماع غالبية العلماء والمشايخ
لكن بضل احكي للأناشيد بموسيقى أنشوده لانو بتضل كلماتها أحسن وأأدب بألف مرا من الأغنيه
وكمان بتضلها انشوده والي بنشدها انسان محترم
مش انسان كليباتو مع حريم كاسيات عاريات
ولا وحده فاجره آعده بتغني أبصر كيف لبسها !!وبالنسبه لاناشيد الأفراح أنا أكتر وحده عارفه فيهم لانو انا الي نزلتهم عفرح أخي وأختي وفرحي
فعرفاهم كلهم وعفكرا مش عادي المنشد يحكي هالكلمات حتى لو لزوجتو
لانو المفروض يكون في خصوصيات بينو وبين زوجتو مش قدام الناس ( :
عموما سامحيني وانتي حره بالنهايه
اعذريني ازا تقلت عليكي

بحبكم في الله

[اسد 22]

سؤال لاختنا شروق شو دارسة ؟



تخصصك لان الانسان عندما يتحدث مع انسان على حسب ثقافته بتحدث معه



بس حابب اعرف

[SHOROOQ]

المشاركة الأصلية كتبت بواسطة اسد 22 سؤال لاختنا شروق شو دارسة ؟



تخصصك لان الانسان عندما يتحدث مع انسان على حسب ثقافته بتحدث معه



بس حابب اعرف

أهلا خيي .. حياك الله
غريب سؤالك لكن
أنا دوبي خلصت ثانوي
ودخلت أولى جامعه ( سنه تحضيري )
لكن أنا متربيه بعيله متدينه يعني كلنا حفظة قرآن
ومن صغري وأنا بروح التحفيظ والحمدلله ختمت القرآن
بس سؤال : ليش حابب تعرف ؟؟؟
شكرا الك

[Dr.Yaso]

لكن أنا متربيه بعيله متدينه يعني كلنا حفظة قرآن
ومن صغري وأنا بروح التحفيظ والحمدلله ختمت القرآن

نو هادا مش كلو جاي من التربية،، لأنو كلنا الحمدلله متربين بعائلات متدينة وبتعرف ربها

والحمدلله انا واخوتي كمان كنا نروح نحفز قرآن

والله ياويكي ويئدرك ع كل شي منيح

انتو في كمان عليكو تأسير كببببببير كتييييير من مدارسكو ومدرسينكو

والجو العام عندكو بالبلد،، مع العلم انو دينا يسر مش عسر ولا تعئيد (:

[اسد 22]

تمام هيك وصلنا لحل



اختي الكريمة نصيحة لوجه الله تعالى نحن ليس بنا مؤهلات الفتوى لنفتي للعامة


نحن نتبع بالدليل ولا نفتي والعلماء الصالحين كامثال المالكي كان يجيب اكثر السائلين

بالله اعلم وكانوا يتمنوا الهروب من الفتاوي

لو كان فيه دليل واضح على الموسيقى انها حرام من القرآن ما كان هذا الاختلاف ليوجد

اما في قوله تعالى لهو الحديث فاختلف في تفسيرها ومن قال ان عبد الله بن عباس قال معناها الغناء قاقول الله سبحانه لم يحفظ قول العباس والكثير من الاقوال نسبت لعبد الله بن عباس وهو ليس قائلها

وإن كان قائلها فعلينا ان نميز بين الالفاظ التي كانت تطلق بعصرهم وعصرنا!
ومن التفاسير الاخرة للهو الحديث اتفه الكلام


لو اردنا الوقوف على هذه الاية ايام لن نتهي من تفسيرها


للاعجاز القرآني في تجدد المعاني


شوفي الاية منيح ليضلوا عن سبيل الله وقبلها لهو الحديث اي ممكن يكون لهو الحديث ممكن يكون مباح ! نعم ممكن نشتري حصان ولكن هذا الحصان يمنعنا نصلي يمنعنا
نقرأ قرآن فصار يصد عن سبيل الله


شوفي استنتجت قاعدة ما يبعد الانسان عن الطاعات يصد عن سبيل الله

حتى لو مباح


وسبحان الله هذا النفسير قال حسن رضي الله عنه ما ألهى عن الله
وكمان تفسير وافق تفسير السحر والشعوذة والقمار

بأختصار ما يكون عائقاً لك عن طاعة ربك
ووافق تفسيري للآية من خلال استنتاجي

فديننا لا غلو فيه ولا تفريط كما قال ابن القيم

والرسول صلى الله عليه وسلم بين للحنضلة وعمر بن الخطاب


ساعة وساعة بين الطاعات والمباح


ولذلك اختصرت الجواب بقوله تعالى(فسئلوا اهل الذكر إن كنتم لا تعلمون)


وبارك الله فيك والحمد لله ما شاء الله في شباب ملتزمين


وانت اقتنتعي بعد ما سألتي بالتحريم الك الفتوى الك فقط ولا يجوز نقلها للعامة



لعدم توافر شروط الاجتهاد والمسألة اكرر اختلف فيها رغم وجود الاغلبية المحرمة


فهم يستدلون بقواعد شرعية والذين اجازوها استدلوا ما لم يذكر بالقرآن نص قطعي واضح على تحريمه مباح

[SHOROOQ]

المشاركة الأصلية كتبت بواسطة اسد 22 تمام هيك وصلنا لحل



اختي الكريمة نصيحة لوجه الله تعالى نحن ليس بنا مؤهلات الفتوى لنفتي للعامة


نحن نتبع بالدليل ولا نفتي والعلماء الصالحين كامثال المالكي كان يجيب اكثر السائلين

بالله اعلم وكانوا يتمنوا الهروب من الفتاوي

لو كان فيه دليل واضح على الموسيقى انها حرام من القرآن ما كان هذا الاختلاف ليوجد

اما في قوله تعالى لهو الحديث فاختلف في تفسيرها ومن قال ان عبد الله بن عباس قال معناها الغناء قاقول الله سبحانه لم يحفظ قول العباس والكثير من الاقوال نسبت لعبد الله بن عباس وهو ليس قائلها

وإن كان قائلها فعلينا ان نميز بين الالفاظ التي كانت تطلق بعصرهم وعصرنا!
ومن التفاسير الاخرة للهو الحديث اتفه الكلام


لو اردنا الوقوف على هذه الاية ايام لن نتهي من تفسيرها


للاعجاز القرآني في تجدد المعاني


شوفي الاية منيح ليضلوا عن سبيل الله وقبلها لهو الحديث اي ممكن يكون لهو الحديث ممكن يكون مباح ! نعم ممكن نشتري حصان ولكن هذا الحصان يمنعنا نصلي يمنعنا
نقرأ قرآن فصار يصد عن سبيل الله


شوفي استنتجت قاعدة ما يبعد الانسان عن الطاعات يصد عن سبيل الله

حتى لو مباح


وسبحان الله هذا النفسير قال حسن رضي الله عنه ما ألهى عن الله
وكمان تفسير وافق تفسير السحر والشعوذة والقمار

بأختصار ما يكون عائقاً لك عن طاعة ربك
ووافق تفسيري للآية من خلال استنتاجي

فديننا لا غلو فيه ولا تفريط كما قال ابن القيم

والرسول صلى الله عليه وسلم بين للحنضلة وعمر بن الخطاب


ساعة وساعة بين الطاعات والمباح


ولذلك اختصرت الجواب بقوله تعالى(فسئلوا اهل الذكر إن كنتم لا تعلمون)


وبارك الله فيك والحمد لله ما شاء الله في شباب ملتزمين


وانت اقتنتعي بعد ما سألتي بالتحريم الك الفتوى الك فقط ولا يجوز نقلها للعامة



لعدم توافر شروط الاجتهاد والمسألة اكرر اختلف فيها رغم وجود الاغلبية المحرمة


فهم يستدلون بقواعد شرعية والذين اجازوها استدلوا ما لم يذكر بالقرآن نص قطعي واضح على تحريمه مباح

ماشي فهمت وجهة نزرك انتا ودموع
حياك الله

[اسد 22]

المشاركة الأصلية كتبت بواسطة shorooq

ماشي فهمت وجهة نزرك انتا ودموع

حياك الله

اكيد

على كل حال من ناحيتي مقتنع بالابتعاد عن الموسيقى وجهة نظري


نخلي الفتاوي لاهلها هيك احسن



لانهم مأجورين سواء اصابوا ام أخطأوا ام نحن لا ممكن نجتهد النا لكن مش عشان نفرض اجتهداتنا

على غيرنا

[SHOROOQ]

المشاركة الأصلية كتبت بواسطة Dr.Yaso نو هادا مش كلو جاي من التربية،، لأنو كلنا الحمدلله متربين بعائلات متدينة وبتعرف ربها

والحمدلله انا واخوتي كمان كنا نروح نحفز قرآن

والله ياويكي ويئدرك ع كل شي منيح

انتو في كمان عليكو تأسير كببببببير كتييييير من مدارسكو ومدرسينكو

والجو العام عندكو بالبلد،، مع العلم انو دينا يسر مش عسر ولا تعئيد (:

والله ياحبيبتي اني عارفه انو الدين يسر مش عسر
وهي تاني مرا بحكيلك انا مش معقده
وانا ماحكيت عن حدى مش متربي لاسمح الله
أنا بس رديت على سؤال الأخ أسد
بعدين يكون بعلمك صحيح انا بالسعوديه لكن أغلب الناس بسمعوا أغاني
وهما عارفين انها حرام وقليل جدا الي مابسمعوا اغاني
يعني ما الو دخل بالبلد ( :
حياكِ الله

[دموع الغربة واشواق العودة]

ولاتحسيني متشدده بكل امور حياتي
ترا أنا فري وفله وعالموضه :shababsmile229: اسألي ايمان :shababsmile108:

ولو بسمع كتير عنِّكْ من أمون ..وبَعْرَفْ ..إنِّكْ ..فلَّة ع الآآآآخِرْ ..
أَنَا الي بعْرَفِكْ ..صحيح شُفْتِكْ مَرَّة وَحْدة ..بس لسَّاتني بَفْتِكركْ .. :)))

وبالنسبه للأناشيد بموسيقى فأنا ضدها بإجماع غالبية العلماء والمشايخ

طيب ع عِيني ورَاسي ..وانَا فَهمة سبَبْ كُرْهِكْ الشَّديد للأناشيد الي بـ مُوسِيقى ..
لإنْها تَشتركْ مع الأَغَاني الفَاحِشة في وُجُودْ الموسِيقى فِي كِلْتآ الحالَتين ..
وبالتالي هي بتصيرْ بـ نَظَرِكْ و بـ نَظَرْ أغْلبيةْ العُلَماءْ إلي إتَّبعْتِهُمْ ..حَرَامْ ..

طيب إنتي حَكِتيها بـ لسَانِكْ ..أغْلبيةْ العُلَمَاءْ .. يَعْني في أَقَليه أجازوا ..وأَقلية لا يُسْتَهَانْ فيهُمْ ..
وكُلْ إنسَانْ حُرْ ياحبيبتي ..
وإحنا هون ما بنفرضْ آراءنا إحْنَا هُونْ بِنِسْتَعْرِضْ آرآئنَا ..والي حَاببْ يقْتنعْ ..أهْلا وسهْلا ..
والي مُشْ حابب " الي باكل ع ضرسوا بينفع نفسو " صح ولا لأ ..
يعني إحنا هون ما إخْتلفنا ع موضوع كبير إلو علاقة بإصول الإيمانْ ..وإذا فعلناهـ نخْرُجْ مِنْ المِلَّة ..
زي تَرْكْ الصَلاة ..إحْنَا بِنِخْتِلِفْ بـ موضوع ..
هادا موضوع ..أولآ عليه إخْتِلاف ..تانياً ..حتَّى لو كَانْ حرآم ..لو إعْمِلْنَاهـ مَابنُكْفُرْ ..
فـ كُلْ إنسانْ حُرْ بـ رأيو :))
شُكْراً كتير لـ تَفَاعُلِكْ ..وسُعِدتء بـ مُنَاقَشْتِكْ ..
:))

[SHOROOQ]

المشاركة الأصلية كتبت بواسطة دموع الغربة واشواق العودة

ولو بسمع كتير عنِّكْ من أمون ..وبَعْرَفْ ..إنِّكْ ..فلَّة ع الآآآآخِرْ ..
أَنَا الي بعْرَفِكْ ..صحيح شُفْتِكْ مَرَّة وَحْدة ..بس لسَّاتني بَفْتِكركْ .. :)))



طيب ع عِيني ورَاسي ..وانَا فَهمة سبَبْ كُرْهِكْ الشَّديد للأناشيد الي بـ مُوسِيقى ..
لإنْها تَشتركْ مع الأَغَاني الفَاحِشة في وُجُودْ الموسِيقى فِي كِلْتآ الحالَتين ..
وبالتالي هي بتصيرْ بـ نَظَرِكْ و بـ نَظَرْ أغْلبيةْ العُلَماءْ إلي إتَّبعْتِهُمْ ..حَرَامْ ..

طيب إنتي حَكِتيها بـ لسَانِكْ ..أغْلبيةْ العُلَمَاءْ .. يَعْني في أَقَليه أجازوا ..وأَقلية لا يُسْتَهَانْ فيهُمْ ..
وكُلْ إنسَانْ حُرْ ياحبيبتي ..
وإحنا هون ما بنفرضْ آراءنا إحْنَا هُونْ بِنِسْتَعْرِضْ آرآئنَا ..والي حَاببْ يقْتنعْ ..أهْلا وسهْلا ..
والي مُشْ حابب " الي باكل ع ضرسوا بينفع نفسو " صح ولا لأ ..
يعني إحنا هون ما إخْتلفنا ع موضوع كبير إلو علاقة بإصول الإيمانْ ..وإذا فعلناهـ نخْرُجْ مِنْ المِلَّة ..
زي تَرْكْ الصَلاة ..إحْنَا بِنِخْتِلِفْ بـ موضوع ..
هادا موضوع ..أولآ عليه إخْتِلاف ..تانياً ..حتَّى لو كَانْ حرآم ..لو إعْمِلْنَاهـ مَابنُكْفُرْ ..
فـ كُلْ إنسانْ حُرْ بـ رأيو :))
شُكْراً كتير لـ تَفَاعُلِكْ ..وسُعِدتء بـ مُنَاقَشْتِكْ ..
:))

أهلا دموع
ماشي حبيبتي تفهمت وجهة نظرك
لكن انا بكره الموسيقى مو بس لانها بتشترك مع الاغاني بهالاشي
لكن استنادا عكلام أغلب العلماء انو الآلات الموسيقيه حرام
وتعرفي انها كمان بتزعجني ( :
عموما أهلا وسهلا وآسفين لانو غيرنا مسار الموضوع