|♥| جَـلسـة الـع‘ـيـد ~

[حسام المصرى]

طبعا .. من امبارح وأنا صاحى شغال اصيع وألعب كورة مع العيال صحابى ... ههههههههه

رجعت البيت 2 ونص يمكن ..

رحت قاعد على النت شوية لحد الفجر وأنا وأخويا نمزح مع بعض ..

بعدين قبل الفجر .. رحت مطلع الثوب بتاعى المكوى وداخل أستحمى .. وخدت كل الشامبوهات اللى بالبيت .. معايا فى الدش .. كأنى أول مرة أخد دش ..ههههههههههه

وأقلب من كل شامبو شوية .. وقاعد أكتر من ساعة بالحمام .. لما أخويا جلط .. قالى ايه يا عم دنتا لو رايح تتجوز مش هتعمل هيك .. ^^


المهم طلعت وأنا جسمى داب من الميا ..هههههههه

رحت لابس القفطان وخليت أمى تقفلى كل الزراير والكباسيل اللى فيه ...

وقعدت واقف أدام المرايا يمكن أكتر من نص ساعة حتى الفجر فتنى فى المسجد وصليته فى البيت ..

ضربت كام كريم .. وبالمرز وزيت صانسيلك بتاع البنات .. هههههههههه ما بعرف .. حسيت شعرى تقل أوى من كتر الحجات دى ..

وطلعت البرفانات .. أوبن وسكلبشر وغرقت بيهم القفطان وحطيت العطر معى فى جيبى مشان أدى لكل واحد اقابله من صحابى ..

بعد ما اتذوقت نزلت .. عريس كنت ..هههههه امى كان ناقص تبخرنى .. بس هيك الأم بتشوف ابنها دايما حلو ..

رحت نازل لصاحبى عشان كنا هنصلى على الكورنيش ..

وأنا ماشى .. سبحان الله قابلت 4 بنات فى وشى .. خبط لزق وكأنه رمضان خلص البنات كترت .. بس كانوا محترمين كتير ولابسين كتير هدوم محتشمة .. ضحكوا وأنا ضحكت ووسعولى أعدى .. من وسطهم وأنا مبتسم وهم كذلك .. ما بعرف ليش .. ^^


نزلت أنا وصاحبى وطبعا مش هقولكم .. احنا الاتنين لابسين ثياب وانا أول مرة ألبس الثوب ده .. فكنت هاخد حتة وقعة فى الطينة ..هههههه بس ربنا ستر ..

ركبنا ميكروباص ونزلنا قعدنا نتمشى لحد ما وصلنا لجامع القائد إبراهيم .. وهناك لقيتهم بيوزعوا هدايا كتير على الأطفال والأطفال كتير منظهرم جميل وزى القمر وكنت فرحان أوى بسبب نظرةا لفرح اللى فى عيونهم والله ..

وكانت شركة الشمعدان بتاعة البسكوت بتوزع برده كيس لكل واحد فيه نوعين من البسكوت ادونى شنطتين .. وانا كنت جعان .. قعدت أكبر كتير والى كان بيكبروا منهم واحد زى تكبيرات الحرم بالظبط .. فكنت مستمتع جدا ..

صلينا .. بعدين .. الخطبة للشيخ المحلاوى .. طول أوى فى الخطبة لما جلطت أكتر من ساعة إلا ربع .. يتحدث عن أن العيد عيد الأحرار .. وأخذ يتحدث عن أن بلاد المسلمين ستتحرر ليبيا واليمن وسوريا .. وأخذ يدعى على بشار ونعته بالهرة وأن ما يفعله فى شعبه كان لا بد أن يفعله فى يهود الجولان ..

وقال لنا .. يا مصريين هذا عيدكم وهذه الأمة أحملكم مسئليتها .. فإذا نهضت مصر نهض العالم الإسلامى كله .. وأنتم فى مقدمة الصفوف دائما فاستعدوا .. وارفعوا رؤسكم يا أحرار .. وأنا فرحان والكل كذلك ..

خلصت الخطبة طلعت على البحر أنا واصاحبى .. اتصلت بابن خالتى مشان أقابله وفعلا قابلته ولقيت خالتى وبنات خالتى وزوج أختى واختى وبنتها العسولة ما شاء الله ..

سلمت عليهم كلهم ووقفت أحكى معهم ... بعدين رجعت على البيت لقيت والدى حكيتله كل سنة وانتا طيب وخالى كمان كان فى البيت قعدت معاه شوية كتار وفطرنا فول وفلافل .. ^^ و بسكوت وكجك وغريبة والحلويات دى ورحت غاطس فى السرير ولسة صاحى دلوقتى ..

للأسف كبرت مش باخد عيديات حاليا .. المفروض ان أنا اللى أطلع عيدية بس لما ييجى والدى من زياراته .. رح يعطينى .. ^^
الحمد لله أنا جيبى حاليا مفيهوش غير 100 جنيه فقط .. ^^ ههههههههههه ميجبوش شئ