!~¤§¦ محاكمة منتدانــــا ¦§¤~!‏ شموخ انسان ~

[.. ريتّـــا ..]

نورتي المحكمة ريتــآ

يسلمو نورك خيّو


شو بتدرسي ؟
طالبة طب أسنان :)


لو اجتك فرصة لتستقري بفلسطين بترجعي ؟
إذا كان الوضع متحسّن أكيد يا ريت
شو مطلّعنا غير هالأوضاع؟


شو اكتر اكلة بتحبيها ؟
أكتر أكتر وحدة البيتزا *_^

شو بلدك الاصلية ؟
كلنا فلسطينيين وبس

و خلص ^^

أهلا وسهلا فيك ابو مجاهدْ ~

[.. ريتّـــا ..]

تحدثي لنا عن عادتاكم؟
مش إنت فلسطيني؟ أنا عاداتي زيّكو

ما هي الدول التي زرتيها؟
أريحا بفلسطين - ألمانيا - السويد - النرويج - الأردن

ما هي اكثر الوظائف المطلوبة عندكم؟
كل الوظائف بشكل عام .. نسبة البطالة عنا 3,1 %

هدف تريدين ان تحققيه على المدى القصير؟
اممم .. خلّيه فبالي لما يتحقّق بفصحلك عنو

إن حققتيه ماذا ستشعرين؟
إني قادرة بقدرة قادر ، وبالعزم والمحاولة :)

وإن حخقتيه ماذا ستشعرين من الناحية المادية والاجتماعية والروحية؟
إن لم تتحقيه ماذا ستشعرين من الناحية المادية والاجتماعية والروحية؟
إن حقّقته فهادا حافز إلي وإثبات لنفسي أنّي أستطيع
وإن ما قدرت فربّما القدر يلعب دوره ، وربما هي رسالة لأحاول مرة أخرى :)




نوّرت خيو أسد22

[.. ريتّـــا ..]

يعطيكِ العآفية :)

الله يعافيكِ يا رب

* اكتر مكآن بتحبي تروحيله ؟
امممم مش عارفة .. ما في مكان معيّن

* بس تعصبي من شي شو بتعملي لتحى تهدي ؟
مش كتير بعصّب .. بس إذا عصّبت بفضّل أضل لحالي عشان لساني ميخربش الدنيا
بس بسرعة بروق أنا وكإنو ماإشي صار

* بتآمني بصدآقآت النت ؟
لأ ..
هيّ ممكن تكون العلاقات النتية المبنية على المحبة الصادقة موجودة .. بس الأكيد إنها نادرة
بالنسبة إلي أنا جبانة شوي من هالناحية وبفضّل عدم التعمّق بهيك علاقات :)

* عندكْ فيس بوكـ ؟ و رأيك بالفيس سلبيـآت و إيجآبيـآت ؟
أكيد عندي ، وبحبو كتير لإنو إختراع كدة
السلبيات والإيجابيات موجودة ، لكن الجميع حرّ باستخدامه .. واستخدامه هوّي اللي بيعطيه نتيجة إيجابية أو سلبية
العيب مش في الفيس بوك ، العيب في بعضنا :)

* برآيك الحساسيات بين الاعضآء شو سببهآ ؟ و كيف ممكن تتخفف ؟
سببها العلاقات العميقة اللي بتخلينا نمزح مع بعض كإنو الأعضاء التانيين إخواتنا اللي ساكنين معنا بالبيت
فاللي بيصير إنو العضو التاني ما بيتقبّل بسهولة ، فبتبدا الحساسيات
سبب آخر .. كُتر الحكي :)
كيف ممكن تتخفف .. أنا برأيي كل واحد يضلّو فحالو ، لهيك مش حابة أعمل علاقات خارج أسوار المنتدى -
أنا بحبكم كلكم زيّ إخواتي ، لكن ما فيّا أتعامل معكم زي إخواتي اللي في البيت ، لإنو إحنا مش شايفين بعض
ما بنعرف ردود أفعال بعض الحقيقية ، ما بنشوف بعض ، ما بنسمع بعض ، ما بنحسّ بمشاعر الآخر التي تظهر على وجهه مثلاً :) فما فيّا أحكم عليكم أو أتعامل معكم فقطْ من كلمات أقرأها بين سطوركم ..

* حسيتك مآ بتحبي تحكي عن حيـآتك الشخصية هآن ، في سبب معيّن ؟
حياتي الشخصية مُلك لي ،
وما فيها شي رح يفيدكم .. لذلك أفضّل التحفظ عليها
باستثناء بعض الأشياء اللي بشوف إنها ممكن تنحكى ، أنا برضو ما بحب تحسّو إني جندي مجهول بينكمْ

:

برجـع ^^

أنا بستناكي مرام