ܔْށحكايتي مع منتدى شباب فلسطين // نسمة الجزآئرية ށ

[.. ريتّـــا ..]

وهيّاتني رجعت بعد ما زبطلكم حالي وعملت نيو لوك

تسلمولي عزيزاتي ، النور نوركم والله
بس فرفوشة مين هاي اللي بزكرك فيها؟؟ حلوة؟ عسولة؟
عبير حبيبتي إنتي ليش غيرانة مني مثلاً؟

يلا نبدا بالأسئلة على بركة الله

1_كيف بدات رحلتك(حكايتك) مع منتدى شباب فلسطين وكيف وصلت له ؟
اممم .. أنا كنت مسجلة بمنتدى تاني ، وصارت خلافات كبيرة بيني وبين الإدارة على مشاكل شخصية ، وكنت شايفة إنو المنتدى هداك لا يهتم إلا بالأغاني والمسلسلات التركية والمواضيع التافهة ، وهدفه ربحي من الدرجة الأولى بغض النظر عما يُطرح ، هالسببين خلّوني أدور ع منتدى تاني يعجبني وألاقي نفسي فيه ، ضليتني كم يوم أبحث بجوجل وبكل محركات البحث بس ما لقيت شي يعجبني أو كل اللي لاقيتو منتديات سطحية بلا هدف ، حتى عثرت على شباب فلسطين حطيتو بالمفضلة يومها ونمت ، تاني يوم الصبح قعدت أقرا في أكتر المواضيع مشاهدة ، وأكثرها ردوداً ، والمواضيع المثبتة ، وبعض المواضيع اللي عناوينها جذبتني .. وصرت أتابع الأعضاء الأكثر بروزاً وأحلّل شخصياتهم وتفكيرهم من طريقة كلامهم .. ولما عجبني وشفت إني ممكن أقدم شي لهالمنتدى سجلت

2_منتدى شباب فلسطين ماذا يمثل لك ؟
وطن صغير يضمّ بعض الفلسطينيين في الداخل وبعضاً من فلسطينيّو الشتات وأيضاً إخوة من بلاد عربية أخرى ، رغم إنا من أرض واحدة وأصل واحد إلا إنو كل حدا فينا عايش بمجتمع يختلف نسبياً أو كلياً عن الذي يعيش فيه الآخرون .. لكن شباب فلسطين هو الرابط والجامع لكل هذه الشخصيات والمجتمعات ، بنحكي سوا ، بنضحك سوا ، بنلعب سوا ، بنتناقش سوا ، بنتعلم من بعض ، بنتخانق ، بنتصالح ، بنحب بعض ، بتمنّى للجميع فيه التوفيق ..

3_هل تفكر في المنتدى وانت خارجه والي اي درجه.......وبما تفكر ؟
امممم لأ مش لهالدرجة .. أنا بحب أفصل بين حياتي الواقعية وحياتي النتّية ، مع إني صادقة في كليهما .. لكن لكل وحدة منهم حقّها .. المنتدى بفكر فيه لما بكون ع النت ، ومرات بكون ع النت بس ولا بيجي ع بالي ومرات أخرى بتلاقيني محمّسة وبدي أقدم شي أو بدي أتابع الآخرين ، بس أنا عندي عادة مش منيحة يمكن ، مزاجيتي تحكمني بمعنى إنو مرات مبكونش جاي عبالي أشارك رغم وجود ما يستحق المشاركة

4_ما أول شئ تفعله عند دخولك المنتدى....(بشرح لو سمحت) ؟
بشوف آخر المشاركات ، والردود على مواضيعي ، ممكن أنتبه للمتواجدين الآن ، أو أفتش عن المشاركات القديمة للأعضاء اللي لفتو انتباهي ..
كل يوم شكل ، حسب شو جاي ع بالي ^_^

5_من هم الثلاثه الذي يشغلون تفكيركـ وانت خارج المنتدي ؟
...

6_من الثلاثه الذي تبحث عنهم وانت في المنتدى ؟
ممم في كتار عجبتني مشاركاتهم القديمة بس ما لقيتلهم مشاركات بهالفترة
فبحب أضلني متابعاهم

7_من الذي يسعدك عند مرورة في موضوع لك ويوقع فيه ؟
الجميع والله بتسعدني مشاركاته ، أما من وجهة نظر شخصية فــ اللي بيعجبني أكتر إني أقرأ له سواء ردود أو مواضيع " عاشقة غزة ، حسام المصري ، شموخ إنسان ، عبير " وفي بعض الأسماء اللي نسيتهم أو سقطت مني بسبب تشابهها مع أسماء أخرى

8_ !!!!!سؤال محرج!!!!! ارجو الاجابه عليه
شو رايك فيي ؟ ههههههههههههههههههههه( جاي عبالي اتزانخ شو اعملكوو )
هههه مش عارفة بصراحة أنا ما بعرفك كفاية
لو اتقربنا من بعض بعدين وكان صايرلنا فترة بنعرف بعض ، إبقي اسأليني هالسؤال تاني

9_موضوع تمنيت ان تكتبه لكنه موجود باسم عضو آخر ؟
لا يوجد مواضيع كُتبت وتمنيت أكون كاتبتها ، لكن ممكن أحكي عن مواضيع عجبتني سواء كفكرة أو كأسلوب وفكر
منها:
×ஐ.˛.๏¨¨° إقتبآسَــآت ./ مٌلـوَن ـة °¨¨๏.˛.ஐ
في دائرة الضوء| هناكـ من يحمـل نــوراً و يخاف شبه الظلام |مهنة تحت النقاش
تقليد أم تأييد .. يستحق النقاش

وكذا موضوع مش فاكراهم هلأ

10_ رسائل خاصه الي من ترسلها وماذا تقول فيها ؟
إلى الإدارة / مش بس يكون مسموح لي أرسل رسالة خاصة بالأول؟ هههه
يعني والله هاد ظلم
أنا كيف بدي أعرف إنو أُستضفت في موضوع زي هاد لو ما حدا قلّي ع الخاص؟؟ لولا إني شفت الموضوع بالصدفة ..
وفي حال الأعضاء الآخرين بعتولي شي ضروري ، كيف بدي أرد عليهم؟؟
أنا مع إنو نخلّي الرسائل الخاصة لعند عدد مشاركات معين .. بس مش لهالدرجة .. يعني 30 أو 50 مشاركة تمام برأيي ..

11_ما هو الشئ الذي يقلق في المنتدى ؟
ما في شي يُقلق بمعنى يُقلق .. لكن في شغلات بتدايقني وما بتدايق الآخرين ، وفي شغلات بتدايق الآخرين وما بتدايقني .. يعني هاي فروق شخصية وعادات ، وكل واحد بعمل اللي شايفو صح بس ما بكون منتبه إنو ممكن يدايق غيرو
فأنا بتدايق من وجود شغلات صغيرة زي هاي :)

12_اصعب موقف مر عليك في المنتدى ولا تستطيع نسيانه ؟
لأ لسة ما في هههه

13_ لحظه مرت عليك في المنتدى ولم تنساها ألي اليوم من شدة الفرح ؟
أحلى لحظة برضو لسة ما صارت ، يمكن لإنو ما صارلي كم يوم بيناتكم
الأيام جاي

14_اي الأقسام ترتاح لها وتحب ان تكون فيها ؟ واي قسم الذي تبدع فيه,, اكثر من غيرة ؟
بحب العام ، والنقاش ، وملتقى الأحبة

15_عضو في المنتدى تريد ان تقول له شئ ؟
امممم
حسام المصري/ بحب متابعة مواضيعك ، وبستنى جديدك دوماً
عاشقة غزة/ فكرك يجبرني على متابعة ردودك بأيّ موضوع كانت ، أنا بحب قراءة أمثالك :)
عبير/ يسلمو صغيرتي على التوقيع الحلو ، بحب فيكي إنك بتكتبي المواضيع بأسلوبك ، حتى ولو كانت المعلومات مقتبسة من أماكن أخرى ، تعيدين صياغتها أو تغيرين بعض الأشياء فيها .. هالشي بخليني أحب أتابعك

16_كلمة تريد ان تلقيها قبل ان تغادر ؟
عندما تثق بأحد بشكل كامل بدون أي شك ، في النهاية سوف تحصل على نتيجتين:
إما شخص مدى الحياة ، أو درس مدى الحياة.
>>> عن تجربة شخصية :)

.

شكراً للإستضافة حبايبي
كتير انبسطت وأنا بردّ ع الأسئلة

يلا عبورة حبيبتي حضري حالك

.

.

[حسام المصرى]

المشاركة الأصلية كتبت بواسطة .. ريتّـــا ..

_من الذي يسعدك عند مرورة في موضوع لك ويوقع فيه ؟ [/b][/color][/font][/size]
الجميع والله بتسعدني مشاركاته ، أما من وجهة نظر شخصية فــ اللي بيعجبني أكتر إني أقرأ له سواء ردود أو مواضيع " عاشقة غزة ، حسام المصري ، شموخ إنسان ، عبير " وفي بعض الأسماء اللي نسيتهم أو سقطت مني بسبب تشابهها مع أسماء أخرى
15_عضو في المنتدى تريد ان تقول له شئ ؟
امممم
حسام المصري/ بحب متابعة مواضيعك ، وبستنى جديدك دوماً
عاشقة غزة/ فكرك يجبرني على متابعة ردودك بأيّ موضوع كانت ، أنا بحب قراءة أمثالك :)
عبير/ يسلمو صغيرتي على التوقيع الحلو ، بحب فيكي إنك بتكتبي المواضيع بأسلوبك ، حتى ولو كانت المعلومات مقتبسة من أماكن أخرى ، تعيدين صياغتها أو تغيرين بعض الأشياء فيها .. هالشي بخليني أحب أتابعك [/right]


[/size]

أشكرك ريتا
ولو أنى صراحة ما شاهدت كثيرا فى المنتدى

عراسى من غير كراسى والله