{{ إسـرآء الـفـلـسـطـيـنـيـه’ ]] الــمـــ بيدك ــآيك مـــ قدك ــين

[إسراء الفلسطينية]

[ درآستي ]

المدرسة العربية .. بلشت فيها لما كان عمري حوالي 6 سنين

هيي مدرسة تأسست بقلب مسجد

غريب شوي .. بس هاد يلي صار

المسجد اسمو / الوقف الإسكندنافي

والمدرسة اسمها / مدرسة الأرقم :)

نمط الدراسة إختلف كلياً بالسنين الأخيرة ..

يعني صرنا ناخد دروس دينية أكتر من انها تكون دروس عادية !

وركزنا أكتر ع دروس التجويد .. وقريباً إن شاء الله رح آخد إجازة بعلم التجويد

إدعولي

طبعاً المعلمين يلي بدّرسوا بالمدرسة ما بياخدو راتب ..

وبيجوا بدرسوا لوجه الله تعـآلى

حالياً عم بتدرب ع تدريس أولاد صغـآر بالمدرسة نفسها ..

التدريس شغلة حلوة ، بس يعني ما بحلم اني أصير معلمة

بس حابة يكون الي شي تاني حد دراستي الاساسية ، بما انو نحنا ببلد غير إسلامي !

الاجيـآل الجاية محتاجة للتوعية ، ومحتاجة للتمسك بالدين أكتر ..

لأن بسهولة ممكن يضيع منهم

[إسراء الفلسطينية]

هلا عنا عطلة

لان عندهم عيد الفصح

//

المـآيك إجى بوقتو ..

يعني رح أفضالكم ع المزبوط

.

.

بس هلا عنجد سطلت

وصار لازم أقوم أنام

نرآكم غداً بإذن الله تعالى

[إسراء الفلسطينية]

الذين يشاهدون محتوى الموضوع الآن : 2 ( الأعضاء 2 والزوار 0)
‏إسراء الفلسطينية

انو ليش ما بقدر أشوف المختفي

.

.

ع العموم منور / ة .. مين ما كنت تكون

[إسراء الفلسطينية]

[ المنتدى ]

منتديـآت شباب فلسطين .. من أحلى الأشياء بحياتي ..

تاريخ تسجيلي كان بـ 11/10/2006 ..

وقتها مش متذكرة بالزبط كيف لقيت حالي بالمنتدى

على ما أعتقد فكنت عم ببحث ع شي بجوجل ، والقدر خلاني أضغط ع رابط المنتدى

كان أول منتدى بفوت عليه

وحتى ما كنت عارفة شو يعني منتدى

سجلت فيه ، وصرت أشآرك ..

بتذكر اني كنت أكتب بالاحرف الانجليزية

لاني اصلا ما كنت أستعمل العربي ع الكمبيوتر ..

أول ما قررت إني أكتب بالاحرف العربية ، تعذبت !

بس بعدين تعودت .. وصار أسهل من السهل

[إسراء الفلسطينية]

لما إجينـآ ع الدنمـآرك قعدنا حوالي 3 سنين لحتى أعطونـآ إقـآمة بالبلد

وبهل 3 سنين كنا ساكنين بمكان خاص باللاجئين

كل عيلة بكون الها غرفة .. وبكون المطبخ والحمام مشتركين ، يعني مش النا لحالنا

كانت أيام صعبة أكيد ..

أهلي كانوا عايشين على أعصابهم ، لان كان بين اليوم والتاني يقدروا يسفرونـآ

ما كان عنا قرايب هون .. ولا كنا نعرف حدا !

رب العالمين فرجها علينـآ .. وأعطونا الإقامة وإستقرينـآ :)

,

,

رآحت إيام واجت إيـآم .. وبلشنـآ نأسس حالنا ببلد ما منعرف شي فيها ..

بس ع الوقت الواحد بتعود :)

المنطقة يلي سكنا فيها ، ويلي ساكنين فيها لهلا ساعدتنا كمان

منظقة بيسكنها عدد كبير من العرب ..

وللاسف هي المنطقة الاكتر مشاكل

[إسراء الفلسطينية]

شو بعد بدي أحكي ؟

يعني متل ما شايفين ما في ترتيب بالشي يلي عم بحكيه

يلي بيجي ع بالي عم بحكيه

[ شخصيتي ]

مممممـ

صعب الواحد يوصف حالو !

بس أغلب الناس بقولوا اني هآدية :)

انا كمان من النوع يلي ما بحب الحكي الزيادة ..

بس وقت الحكي بحكي

قلبي ضعيف << وزيادة عن اللزوم كمان !

هل شي بكرهو فيني

وكمان حسـآسة كتير :S

أي موقف ممكن يأثر فيني ..

[إسراء الفلسطينية]

اي كمان شغلة ..

لغتي العربية للأسف مش كل هل قد !

خصوصا اللغة الفصحى ..

يعني مثلا لما أكتب شي بالمنتدى

ممكن أقعد شي نص ساعة وانا أفكر يا هل ترى الجملة هيك مزبوطة..

وياما مرات أكون بدي أكتب كلمة ، وما بعرف شو معناها بالعربي

أكيد أغلبكم ما بيعرف هل شي ..

لانو أصلا صعب تعرفوه

مش بس بالكتابة ..

حتى لما أحكي .. مرات بتلخبط وبحكي كلمات ما الها صلة بالعربي أصلا

وبصيروا بتمسخروا عليّ ! :(

بس الحمد لله .. بعترف انو في غيري أضرب مني بكتير

لا بيعرفوا يكتبوا ولا يقرأوا عربي .. ولا حتى بيعرفوا يحكوآ !

المنتدى ساعدني كتير بتقوية لغتي العربية ..

لان قبل ما كنت أقرأ عربي كتير .. ولا حتى أكتب

الا لما يكون عنا وظيفة كتابة بالمدرسة العربية << بكون شي بسيط كتير ، يعني مش بهل مستوى العالي ..

//

بما انو عم نحكي عن اللغات

فبعرف غير العربي أحكي دنماركي ، انجليزي وفرنسي

[إسراء الفلسطينية]

الذين يشاهدون محتوى الموضوع الآن : 4 ( الأعضاء 4 والزوار 0) ‏إسراء الفلسطينية, ‏حسام المصرى, ‏Maгaм .. ~, ‏~ثــلــج~+

حسآم ، مرآم ، ثلج :)

أسعدني وجودكم ..

منورين والله

[إسراء الفلسطينية]

ههههههههههه

أبو مجاهد & حورية

شفت ردكم

..

هيــآآني إجيت :]

هل ايام لانو عطلة .. فعم ننشغل كتير بالزيارات ..

من شوي بس إجيت من السويد

السويد قريبة كتير علينآ .. ما في نص ساعة بالسيارة ولا نحنا منكون هناك :)

أهل إمي أغلبهم ساكنين هنـآك ..

فرحنا زرنا خالتي وخالي وستي

,

,

لما رحت عند ستي حسيت بشي غريب

جدي توفى هديك السنة بـ 25/5 ..

هوي بكون جدها لامي

كتير بحبوو و وقت وفاته زعلت عليه كتير

كل ما أروح عندهم ع البيت بحس روحه لساتها موجوده

بتذكر يوم دفنه ..

كان أول مرة بحياتي بشوف إنسان ميت قدامي !

كانوا مغسلينه ومكفنينو .. وقربت عليه وبستو ، ودموعي نزلت ع خدووو

ما بنسى أبدا منظره وهوي ميّت :((

الله يرحمــــه ويغفرله يآآآ رب

,

,


جدي تعذب كتير ، وانحبس 22 سنة ظلم بسوريـآ :S

كان دايماً يحكيلي عن فلسطين ..

ولما رحنا على حدود فلسطين مرة .. رآح معنـآ

كان متل الطفل .. وكان وقتها متأثر كتير !

..

سبحان الله ..

مش عارفة كيف حكيت كل هل حكي عن جدي ، مع انو ما كان ببالي أحكي عنو ..

[إسراء الفلسطينية]

بدي أحكيلكم عن قصة صارت معي لما كنت صغيرة

ما بنساها أبداً !

كان عمري حوالي 5-6 سنين ..

مع اني كنت صغيرة ، بس متذكرة هل حادثة كتير منيح !

كنا ناقلين ع بيت جديد .. هوي كان عمار قديم ومش كل هل قد

بس قعدنا فيه مؤقتاً ..

المهم !

كنت انا واختي وامي لحالنا بالبيت ، وأبوي كان بالسويد

كنت واقفة انا واختي الأصغر مني بسنة ع الشباك

وكنا عم نتطلع لبرآ

كان تحتنا بالزبط وحدة عم بتلّعب إبنها بالطابة ..

أختي كانت مبسوطة .. وعم بتخبط ع أزاز الشباك

الشباك كان قديم طبعاً .. ومش منتبهين أهلي انو مش ثابت منيح

وهيي عم تخبط انفك الشباك ..

تقوم أختي توقع لتحت !!

بتذكر منظرها وهيي مرمية ع الارض .. والدم متلي وجهها ..

وقتها بتذكر انو اجت الشرطة والإسعاف ..

وأخدوها ع المستشفى دغري

وانا وامي ركبنا بسيارة الشرطة

و ع اللخمة رحت ومش لابسة برجلي

الحمد لله انو اجت سليمة ..

مع انو الوقعة اجت ع راسها ، بس الحمد لله ما طلع في شي

كانوا الدكاترة متخوفين انو يكون صاير شي بعيونها

لان طولت لحتى قدرت تفتحهم ..

بس الحمد لله تعافت ، وكل شي رجع تمام :)

وبعدها بشي شهر نقلنا من البيت كلو !