بنات الماسنجر ..هل للتسلية واللعب؟

[حسام المصرى]

من وجهة نظرى المتواضعة أنه فعلا البنات الى بتدخل على الشات عشان تحكى مع ولاد أو العكس بيكون كل طرف هدفه التسلية ..

حتى لو محترمين والله وبيتكلموا كلام محترم ..
بس بييجى وقت معين بياخدوا على بعض أكتر .. وبتبتدى فعلا تتطور علاقتهم .. توريله صورها بعدين رقم تليفونها بعدين يتقابلوا .. ولو البنت محترمة على افتراض .. بتكون مستنية أن الولد يتزوجها .. وطبعا الشاب مش هيفكر يتزوجها ..

لأنه بالتأكيد هيقول طب اللى خلاها تعجب بيا على الشات هيخليها تعجب بغيرى .. وبصراحة هما الاتنين مذنبين وظلموا أنفسهم ...

وتانى نوع البنت المش محترمة ودى برده مقضياها زى الشاب .. تخرج وتتفسح ومش مهم جواز ولا لأ أهم حاجة تعيش اللحظة ..

عموما مهما كان الحال فاللى بينهم مش حب .. لااااااا ..
الشيطان بيوهمهم كتير أوى ..

أنا موافق البنات تدخل على الماسنجر بس تحكى فى غرف عامة مش برايفت .. وتختار الغرف المحترمة .. لأن فيه غرف أعوذ بالله شبابها مش محترمين بالمرة ولاد كانوا أو بنات ..

ونسأل الله أن يهدى شبابنا وبناتنا إلى العفة ويرزقهم الزواج الحلال .. ويبعد عنهم الشهوات ..

شكرا على الموضوع الجميل