المطفية الخليلية (جميد الكسيح بالزهرة المقلية)

[ابن الخليل]

المقادير

3باكيت جميد الكسيح
1 كيلو زهرة مغسولة وجاهزة للقلي

1 كيلو لحمة راس عصفور

عود قرفة, ورق غار, 2 حب هال, بصلة مقطعة أربع قطع

3 كاسات ماء للسلق

2 كاسة زيت نباتي لقلي الزهرة

رشة فلفل اسود

3 حبات ثوم

ملعقة سمنة أو زيت نباتي حسب الرغبة لقلي الثوم

نصف كاسة لوز وصنوبر مقليين بزيت أو سمنة

4 كاسات أرز ابيض


الطريقة

في طنجرة اسلقي اللحمة بالماء على نار مرتفعة,عندما يسخن الماء خففي النار تحت اللحمة وضعي القرفة,حب الهال,ورق الغار والبصل.أزيلي (الزبد) الزفرة من على سطح ماء السلق,عندما تنضج اللحمة صفي الماء وضعيها جانبا,وضعي اللحمة في صحن جانبا أيضا.

في هذه الأثناء,اقلي الزهرة حتى تصبح ذهبية اللون.في طنجرة غميقة,قلبي اللحمة والزهرة مع رشة من الفلفل الأسود.افتحي جميد الكسيح إلي ما الو مثيل وأضيفيه فوق الزهرة واللحم,وحركيهم على نار هادئة من وقت لأخر,بعد 20 دقيقة أضيفي كاسة ونصف من مرقة اللحم إلى جميد الكسيح وحركيه بهدوء لكي تحافظ الزهرة على شكلها.بعد 15 دقيقة ارفعيه عن النار وقدميه ساخنا والى جانبه أرز ابيض مزين باللوز والصنوبر.


ملاحظة : ممكن تعمل هاي الأكلة بالجميد البلدي وبتطلع أزكي


وصحتين وعافية

[Pink Rose]

مممم ..

من جديد سمعت فيها هاي الاكلة ..

انا للاسف مش من عشاق الزهرة ابدا :(

بس هي عرفت شو هي هاي المطفية :d

يسلموو ايديك يا رب ابو جهاد ..

يعطيك العافية =)

[ابن الخليل]

المشاركة الأصلية كتبت بواسطة pink rose مممم ..

من جديد سمعت فيها هاي الاكلة ..

انا للاسف مش من عشاق الزهرة ابدا :(

بس هي عرفت شو هي هاي المطفية :d

يسلموو ايديك يا رب ابو جهاد ..

يعطيك العافية =)

و ايديكي اكيد لما توكيلها راح تغيري رايك في الزهرة بس خلي ناس خلايلة يعملوها

اوعي تخلي نابلسية يعملوها

ههههههههههههههه


بمزح كل الناس خير وبركة

[عاشقة فلسطين..]

روعة
شكرآ لك

[ابن الخليل]

المشاركة الأصلية كتبت بواسطة عاشقة فلسطين.. روعة
شكرآ لك

العفو :) شكرا لمرورك:)

[Moon Tears]

ابن الخليل :
شو مالهم النابلسية ما بعرفو يطبخو يعني...؟؟
اعترض وبشدة d:

هالاكلة بعرفها ومع انو انا والزهرة مش صحبة..بس باكلهاا

يسلمو ايديك خيوو

[نسمة بلادي]

بحبها هالأكلة بكفي انها خليلية *.^

يعطيك العافية يا ابن بلدي :)

[ابن الخليل]

المشاركة الأصلية كتبت بواسطة moon tears

ابن الخليل :
شو مالهم النابلسية ما بعرفو يطبخو يعني...؟؟
اعترض وبشدة d:

هالاكلة بعرفها ومع انو انا والزهرة مش صحبة..بس باكلهاا

يسلمو ايديك خيوو

النابلسية محترمين بس مستحيل يصلوا لمستوى الخلاليلة في الطبخ:)

[ابن الخليل]

المشاركة الأصلية كتبت بواسطة نسمة بلادي بحبها هالأكلة بكفي انها خليلية *.^

يعطيك العافية يا ابن بلدي :)

الله يعافيكي يا بنت بلدي وعلى راسي كل الخلاليلة:)