[الفتآةُ المُشرقة ] ضيفُ لَـيالِي شـباب فـلسطِيـن و ثـرثـرةٌ حُـرة

[الفتاة المشرقة]

اهلا اخي حسام المصري

: )


ايه رأيك فى مقاطعة المنتجات الصهيونية ؟؟؟

رأي طبعا اشي كتير منيح .. وممتاز ولو كانت العمليه منظمه وثابته لكانت بما تسمى اسرائيل حصلت على خسائر باهظه .. لكن للاسف ما في هالوعي الكافي .. وكمان كيف رح نقاطع المنتوجات والسوق مليئ بهذه المنتوجات

الحياة فى المدينة الجامعية بعيدا عن الأهل .. غيرت فيكى ايه ؟؟
اكيد غيرت كتير شغلات ..
بدأت اشعر بمسؤوليه اكتر .. اعمل شغلات ما كنت مهتمه فيها وتاركتها لاهلي ..
بس هلأ ما في مجال لازم كل شي انا اعملو ..
وكمان احسب حساب كتير شغلات ومو اي شي بعملها حره فيه ..
وكمان زاد حنيني وشوقي لاهلي .. طبعا الواحد لما يكون بين اهلو ما بشعر بهذا الشعور
بس هلأ غير و اغلى ناس بقلبي وما بقدر ابعد عنهم فتره طويله

متى كانت ؟؟
قبل شهرين تقريبا

اجمل ابتسامة ؟؟
ابتسامه من القلب الى القلب ابتسامة امي وابي .. ابتسامه احبتي

أصعب لحظة ؟؟
لحظه وداع الوالد لما بدو يسافر

دمعة فرح ؟؟
يوم نجاحي في نتيجه التوجيهي

دمعة حزن ؟؟
وفاة احد اقربائي

دقة قلب ؟؟
احكي؟؟ لالا بلاش

دعوة لله ؟؟
لاختي ولصاحبتي .. بأن ربي يفرج همهم ويوفقهم بحياتهم ويخترلهم الاحسن بأقرب وقت

هدية تلقيتها ؟؟
امبارح من بابا هدايا وليست هديه واكتر شي عجبني .. القاموس الناطق لانو tuch وفي mp3وعارض صور وفيدو وكتير شغلات (احلى شي نسيت ليش طلبتو قال عشان اترجم ههههه)يختي بجنن

ايه اللى استفادتيه من منتدى شباب فلسطين وايه اللى خسرتيه ؟؟

استفدت كتير شغلات .. الاخلاق .. الطيبه .. الصبر.. والصحبه الطيبه والصالحه كلها مجتمعه هون
وما خسرت وبإذن الله لن اخسر طالما هذه الوجوه الطيبه موجوده معنا

اشمعنى اخترتى اسم الفتاة المشرقة ؟؟

اكتر شي عجبني كلمه اشمعنى ههههه
والله ما في سبب معين .. لما عملت ايميل صاحبتي اقترحت علي هالاسم
ولما دخلت المنتدى كان اسمي الورده الحمراء وبعدين لما طلبو اغيرو بسبب وجود عضوه بنفس الاسم اخترت الفتاه المشرقة وخصوصا لما كانت صورة الفتاة المنقبه فأنا اعتبرها مشرقة بحجابها والعصبة الخضره الي ع رأسها