آدبـــي ! آعـــوذ بالله

[shereey]

لا حول ولاقوة الا بالله

يا جماعه لما قرأت بدايه الموضوع اعتقدت حتكون الردود كلها بصف واحد وهو: انو ادبي او علمي كلو سواء وكلو علم وهالكلام لا غبار عليه.

ما في شئ اسمو العلمي افضل واصعب وبيحتاج لتفكير وعقل يعني لو هيك القصه خلاص بنجيب "حيوانات "الله يعزكم سامحوني ع اللفظ . بنجيبهم ندرسهم الادبي‘ برأيي كلو علم وبيحتاج جهد وتفكير وانا عن نفسي وبكل فخر درست أدبي وان ما فهمت ما بقدر أحفظ هاد للي بحكي الادبي حفظ!!!
بعدين الفرع الادبي او العلمي كلها رغبه وميول وناس كتير دخلت علمي بناء على هدف واحد وهو انو الناس تحكي بيدر س علمي مشالله عليه وبالاخر بيفشل وما بيعرف شو يعمل بحالو زكلو لغرض التكبر والغرور مش لغرض التعليم . طيب واحنا بندرس لوجه الله وحتى نخدم امتنا واسلامنا ولا لغرض التكبر على خلق الله؟؟!.

كمان قصه الادبي يعني انو البنت دخلتو حتى تتزوج وانو البنت نهايتها لبيت زوجها الاخ الي تفضل بهالحكي...؟ يعني حتى لو البنت آخرتها للزوواج طيب ما كمان البيت وتربيه الاطفال الي حتى اخريتنا الها هي وظيفه أسما وارفع قيمه عند ربنا من الشهادات والتعليم.
كمان قصه انو الي مستواهم متدني بيدخلو الفرع الدبي. طيب ياعمي اذا هو ما بيجيب علامات مرتفع لكن مصر يكمل وبدو يحصل ع شهادة هاد الشي لوحدو انجاز وشي كويس كتير لانو مصمم فبيلتحق بالادبي لانو شايفو اسهل ورحم الله امرئ عرف قدر نفسه .
المجتمع بيحتاج لكافه التخصصات الادبي والعلمي يعني بصراحه لو كل البلد مهندسين واطباء ما بيعملو شي كل واحد بحاجه للتاني وايد لحالها ما بتصفق.
مثالـــــــــــــــ : دكتوري بالجامعه كان الاول على قطاع غزة والتحق بالفرع الادبي رغبه من وحب بالمواد الادبيه ولانو كان راسم هدف انو يقوى بالمواد الادبيه لانو كان نفسو يكون اديب وشاعر وتحدى اهلو وابو واعمامو الي اشبعوة ضرب وتعذيب والله حتى يغير رايو لكن تحداهم والان هو بروفيسور باللغه العربيه‘وعمل ابحاث في الشعر الاموي بظن المهم كان الباحث الوحيد في الشرق الاوسط الي عمل بهالمجال من الشعر وكان بوقتها اصغر باحت‘ اضف لذلك انو استاذ النقد بالجامعه بالاضافه انو عضو مجمع اللغه العربيه وبالتالي لو ننظر للي كانو بعمرو ودخلو علمي شو حققو؟
هل دخولو للادبي وتحديه لاهلو ضعف منو؟؟ ولا هدف خطتلو بجديه ؟!.
وبالنسبه للمناهج في السعوديه كيف يعني ضعيفه؟ ما في بلد بتتمنى لشعبها الرجعيه والتخلف وقله الفهم من خلال وضع مناهج هابطه ومتدنيه المستوى. ومافي ابناء شعب افضل من ابناء وبلاد فيها كفاءات اكثر من التانيه واذا بلاد السعوديه والخليج بتطلب شباب للعمل فيها من بلدان تانيه فهاد لانو فيها فرص عمل كتيررر وبنفس الوقت فيها قله من نسبه الشباب لهيك بتحتاج لشباب من بلدان تانيه.
وشو يعني بنقدر ندرس علمي اما الادبي نثقف حالنا فيه وبتمشي لا طبعا ما في علم اقل شأن من علم
وانا ع نفسي درست ادبي ولغتي الحمدلله تمام وبكتب شعر وكل شي وبعرف لغتي واسلوبي افضل من 100 وحدة علمي بسني دخلت حتى يحكو عنها علمي
ااااه برمت كتير بس مشاركتي ردود لكذا مشاركه قرأتها
المهم بالاخر الي بياكل ع ضرسو بينفع نفسو
ان شاءلله تكون الفكرة وضحت يا فرفوشه كل انسان يختار الي بيناسب قناعتو وفكرو

ودمتم بود