آمـشـي بـجـوآري وكـن صـديـقـي ঔღঔ

[~][وحيدة القمر][~]

1. ماذا تعني لك الصداقه او ماهي مفهومها بنظرك ؟

الصداقة هي ترابط فكري وروحي وعقلي بين انتين .. يشاركوا بعض أفراحهم وأحزانهم .. يفهموا على بعض من غير ما يتكلّموا ..ينصحوا بعض .. وهيك

2. كيف تختار صديقك ؟

إجمالا هي بنكون إعجاب بطبيعة بنت .. أخلاقها عالية .. طريقة معاملتها حلوة .. بتحسها شخصية بارزة عن من حولها .. فيها صفات أتمنى تكون موجودة بالطرف التاني .. وبعيدة عن صفات أكرهها ..

3. هل يمكن ان تبدأ الصداقه بيوم وليله / و تنتهي بنفس الطريقه ؟

لا هي ممكن تبدأ بطريقة إرتياح لفتاة .. أحسها بتشبهني من جواها .. تفكيرها قريب من تفكيري .. بصير في كلام ومناقشة بيننا ومع الأيام تتدعّم العلاقة حتى تتحوّل إلى صداقة ..
قد تنتهي بيوم وليلة نعم .. لكن في حالات استثنائية ع الآخر .. يعني مثلا .. تعرف إن صديقتها مش كويسة أخلاقياً (قد تكون مثّلت الأخلاق والحشمة فيما مضى) .. إي طبعا بدها تنهي العلاقة بينهما في ثانية .. مش يوم وليلة
أما غير هيك أعتقد التمسك بالصداقة أولى من هدمها لو شووو ما صار

4 . لماذا فشلت الصداقه وانحلت علاقاتها ؟

ما صارت معي إنو انهارت علاقة صداقة ..
ممم .. كان عندي مش صديقة صديقة .. يعني تقريبا كنا على أبواب الصداقة
المهم .. وبّختني أمام رفيقتنا .. وأنا بعتبر هالشغلة عظيمة ما برضاها من حد .. يومها زعلت منها وتركتها ورحت .. بعدها لما رجعت .. حكينا وتصافينا أوكي .. لكن بعدها وضعت حدود بيني وبينها ومنعت إنه تتحول علاقتنا لصداقة فعلية ..

5. لوم صديقك سراً ولكن مجده أمام الاخرين ماتعليقك ؟

اي .. سراً بيني وبينها .. ليش بدي وسّع الحلقة .. إذا ضايقتني صديقتي بظهرلها هالشي .. (ونوعي ما بنصح ولا بلوم حد الناس عشان ما أسبب إحراج) .. وهذا لا تعني إنه حبي لها تغيّر .. أو إنها تغيّرت في نظري .. لأ .. عشان هيك لو سألني الآخرين عنها رح مجّدها طبعاً

6 . لا تفرط فيمن يشتريك .. وأن لا تشتري من باعك مانظرك تجاه هالمقوله ؟

أيوة أيوة .. والله القِسم التاني من الجملة أنا معه .. لا تشتري من باعك .. إذا بحس إنه الطرف التاني مش مرحّب فيي بنسحب من حياته نهائي .. لو على حساب نفسي أو لو كان الموضوع رح يسببلي ألم
أما القسم الأول لا تفرط فيمن يشتريك .. صحيح والله .. لكن إذا كان المشتريني ما برتاح له ولا بحبه .. مستحيل أبيّن له إني متقبّلة له أو راضية بصداقته .. ( قاعدتي في الحياة) بحبها ما بعرف أخبي .. ما بحبها خلص ما بقدر أجامل ..

7. معاتبة الاخوان خيرُ من فقدهم مارأيك ؟

إي إذا كان في شي مدايقك من صديقك قول له .. عاتبه .. قد يكون في سوء تفاهم .. أو اختلاف في وجهات النطر .. أو انت شايف الموضوع من جهة وهو شايفه من جهة ثانية ..
بالنهاية ..
جلّ من لا يُخطئ .. ولا في حد كامل .. وإنت نفسك قد تُخطئ معه ..

8. صداقات المصالح سرعان ما تنتهي بانتهاء المصالح ماتعليقك ؟

أكيد .. أصلا الإنسان المصلحجي ما بيضل له صديق .. لما تنتهي مصلحته مع فلان خلص بينتقل لحد تاني ينتفع منه .. يعني صداقته تبنى على دعائم بالية سرعان ما تؤول للسقوط

9 . مساحه فـــآرغة لك تحدث بحـــــرية ؟

والله ما في أحلى من الصداقة .. رُب أخ لم تلده أمك !
عندي اصدقاء ما بستغنى عنهم .. إجمالا بيعرفوني .. شو ما عملوا ما بقدر أزعل منهم .. حتى هم نفسهم بيقولولي ( والله لو نحنا مكانك ما كنا رضينا .. )
بس الإنسان مش دايماً بيلاقي صديق .. ممكن يلاقي 100 زميل .. أما صديق بجد .. بتلاقيه مرة أو 2 في حياتك .. ممكن الإنسان يعيش ويموت وما يلاقي صديق يحمل معنى الصداقة الحقيقية ..
فالصداقة كنز ..

بس ..

ودمتم بخير :)

شكرا كلارا حبيبة قلبي على التوريطة الحلوة والموضوع الحلو ^^

/~