يا شباب فلسطين

[حسين سامي]

اولا اشكركم على مشاركتكم في هذا الموضوع
الاخ اللي بيقول انه قرا كتاب عن بني اسرائيل وان لبني اسرائيل حق في الارض وانها اصلا بتاعتهم ومش بتاعتهم وانه اقتنع بالكلام ده
احب اقوله انه فلسطين ارض لكل الاديان السماوية الاسلام والمسيحية واليهوديه
لكن مين اللي عمر ارض فلسطين مين اللي بنى القدس في الاساس لو انت بتقرا فعلا كنت عرفت ان اول من سكن ارض فلسطين هم عرب من جزيرة العرب من قبيلة عربية باليمن وان ساعتها كان بني اسرائيل تاهين في صحاري سينا والجزيرة العربية وكان دخولهم فلسطين مش على سبيل انها ارضهم لا ده كانوا عايزين يحتلوها ويطلعوا اهلها الاصليين منها
انت عارف مين اللي كان بيحارب مع الفلسطينيين ويصد هجمات بني اسرائيل عن القدس
ملوك الفراعنة!!!!!!
وماتقولش انهم حاربوا اليهود عشان كانوا عايزين الارض ليهم
ده الفلسطينيين هم اللي كانوا بيستعينوا بالجيش المصري لهزيهمة اليهود
مانجيش احنا دلوقتي ونصدق اكاذيب اليهود او اكاذيب اللي عايزين يصدقوا اليهود
اعرف اكتر واقرا تاريخ فلسطين من ماقبل التاريخ وحتي الخلافة العباسية لقاسم الشواف

[حسين سامي]

عايز بس اضيف حاجة تانية هو بالعقل كده ازاي اسرائيل بتدعي ان الارض بتاعتها وانها ارض المعاد وان الفلسطينيين هم المحتلين
وازاي بيدعوا انهم اشتروها يبقى معنا كده انهم اشتروا الارض من اصحابها -ده على اعتبار ان الفلسطينيين باعوا الارض وده كدبة كبيرة-
وبعدين هم اليهود اول مااحتلوا فلسطين كانوا داخلين بفلوس عشان يشتروا اراضي!! وللا كانوا داخلين باسلحة ودبابات ومعدات والاف اليهود علشان يعلنوا احتلال حقيقي للارض
وبعدين لو كانت قضية فلسطين قضية ناس باعوا ارض يبقى ليه ضاع علشان فلسطين الاف الشهداء العرب في 48 و56 و67
يبقى لما نصدق ان فلسطين اتباعت احنا مش بس بنضيع القضية لا
احنا كمان بنضيع جهود الاف الشهدا وبنقولهم او بنقول لاهاليهم ماتوا عشان خاطر بيعة وشروة مش عشان قضية وكرامة
فياريت نقرا التاريخ الحقيقي زهقنا -بجد- من كتر سماع الكدب