تعالوا هوووووووون يلي مواضيعكن منقووولة ..{ فضحتونا بين الجيران }

[§عاشقة غزة§]

اولا شكرا لك لطرح الموضوع
طبعا كل واحد بينقل موضوع لغرض ما
مثل ما ذكرتي ممكن لزيادة عدد المشاراكات
او ما بده يتعب حاله فيروح ناسخ ولاصق..
لكن للاسف في مواضيع يتم نقلها لا فائدة منها
او حتى الناقل ما ينتبه انها مليئة بالاخطاء
وفحواها لن يجدي نفعا..
طبعا انا مو ضد النقل لكن على الاقل ننقل شي يفيد
ويدور على فكرة معينة
كمان في شغلة كثير اعضاء ينقلوا مواضيع
وما بيحطوا عليها منقول او مصدرها
وكانهم هم اصحابها
لا وتلاقي الردود ابدعت
مميز قلمك وووووو....
هاي من جهة
***********
نروح على ما يخطه قلمنا
حتى لو كان بسيطا
المهم انه نحنا نطرح فكرة
ونعبر فيها عما يجول بخاطرنا
ونقدر نوصل المعلومة للقارئ
مش عيب انه نحنا ندور ع النت
وناخد فكرة اساسية لكن نصيغها بقناعاتنا واقلامنا
في شي الصراحة لاحضته بالمنتدى وااسف اله الصراحة
لما نروح ع قسم همس اقلامكم
نادرا ما نلاقي ردود كثير على المواضيع او احيانا تنعدم
طيب كيف بدنا نبدع اذا ما في تشجيع؟؟....
لازم نتعلم القراءة والاستمتاع بالكلمات
وتقييم الاسلوب والرد عليه بما يناسبه
وليس ردودا سطحية ملينا منها الصراحة
******
او ممكن نطرح فكرة
ونتساعد فيها
وكل واحد فينا يكمل الثاني
ونحط الموضوع في قالبه الصحيح
وبهيك نكون ابدعنا
******
وفي الاخير
لازم نرقى لاسلوب الطرح واسلوب الرد
والاهتمام بالمواضيع اكثر من هيك
هاي رايي بصراحة
ويعطيك الف عافية