لو اتجوزت هتخلى مراتك تشتغل ؟؟

[&نسيم الروح&]

هلا حلو البنت تشتغل بتتعرف على الدنيا الي بره لانه حتى الي بتتعلمه بالجامعه مو كل شي بالحياه

لهيك حلو تشتغل وحتى لو تزوجت هو من حئه يمنعها ازا بتئصر معه اما ازا بتمشي بالحياتين فليش لا

انا لو شب ما بمنع مرتي تشتغل الا بحاله وجود اولاد لانه همه بحاجه الها اكتر من شغلها

هلا لو كنت من البدايه بدي اشتغل وبفتره الخطوبه كنا على هاد الشي متفئين رح ارفض واناقشه بس ما رح اعملها اخر الدنيا يعني ازا اقنعني خلص

وشي تاني مهم انه انا كبنت برفض عمل المتزوجه شو ما كان وضعها الا بحاله وحده وهي مساعده زوجها بالمصروف ازا ما كان قادر انه يامن الحياه كامله خصوصا انها هلا غاليه كتير

اما نضره الدين من عمل المراه ما بعرفه بالزبط بس ما اضن انه ازا كانت عامله واجباتها كامله لزوجها وولادها وبيتها ليش لا

اما شو اضافت على المجالات الي دخلتها كتير اشياء وساهمت بشغلات الرجال ما بئدروا يعملوها

ميرسي الك على الموضوع بستاهل النقاش