لإدارة ... أحبونا كما نحبكم

[الطالب المجتهد]

انا عندي اقتراحات .. وبتمنى انها تتنفذ ..

اولاً:- زي ما الصبايا الهم قسم .. ركن النواعم ..

لازم احنا يكون النا قسم خاص فينا ..

عشان يكون في عدل ..

ثانياً :- يجب اقامة مسابقات كل اسبوع ..

مثلا كل يوم خميس ..

لأنو المنتدى بصير احلى مع المسابقات ..

ثالثاً :- عدم التفرقة بين الأعضاء ..

بدون زعل ..

لأنو الصراحة انا شايف انكم انتو بتفرقوا بين الأعضاء ..

مثلا ييجي عضو مهم بالنسبة الكووو يقترح هو اقتراح ..

وانتو تردوا عليه .. وتنفذوا الاقتراح ..

اما احنا الأعضاء العاديين بالنسبة الكوو .. احنا بنقدملكوا اقتراحات ..

بس للأسف .. ولا اقتراح تنفذ ..

هون بهاي النقطة .. في تمييز بين الأعضاء ..

هذي هي الحقيقة ..

رابعاً :- يجب زيادة عدد المشرفين في المنتدى ..

لأنكوو دايماً بتحكوو احنا مش ملحقين على المنتدى .. والذي منه ..

طيب في حل ..

والحل هو انو تزيدووو عدد المشرفين ..

يعني بدل ما يكون عددهم 30 خلي عددهم 40 ..

والمشرفين العامين .. هم بس اثنين .. الأخت اسراء والأخت بنت فلسطين المجروحة ..

خلو عدد المشرفين العامين 4 ..

ما شاء الله .. في بالمنتدى مشرفين ممتازين .. كرموهم وخلوهم مشرفين عامين ..

لأنو الصراحة في اغلب الأوقات الأخت اسراء وبنت فلسطين المجروحة مشغولين ..

وشكرا لكم

[sofy]

أسمحوولي بمداخلة ..

هلا ..أنا عن نفسي ..كتير بتحسس ..من أي شي ..

وزادت الحساسية عندي من يوووم دخلتي هوووون على المنتدى ..ومو عارفة شوو السبب ..

هلا ممكن نحكي ..يمكن تعليقات الأعضاء بتلعب دووور كبير بالنبسة إلي ..

بس بضل هالشي في نفسي ..

يعني لو بدنا نهرب من الواقع ..إلي أحنا فيه ..كيف بدنا نعيش ..

لازم نناقش ..كل شي ..ونفهم نئطة معينة ..أنو الهرب مو حل ..أو ترك المنتدى ..

وأنا من النووع الي مستحيل يسكت عن شي .. ولازم يناقش فيه ..

بس يمكن بلأخر ما أوصل الفكرة المطلووبة ..أبدا ..ممكن نحكي طبع فيا ..صعب ..وصل المعلوومة ..

فكتير بواجه صعوبات ..في أني فهم الناس .... ..

فيبقى الإختلاف .. ويستمر ..

بالنسبة لنقاط الأخ أسد ..

أنا بشووف أنو شغلة معاملة الأعضاء بين بعض في الردود ..على مواضيع الناس الي بتخصهم ..

والله معك في هالنئطة ..لأني جد أنا بلاحطها وبشدة ..

وكمان شغلة المواضيع الي ما إلها داعي ..أوووووه ..لا تعد ولا تحصى أبدا ..

بالفعل .إقبال مو طبيعي أبدا ..

طبعا أنا بشووف أنو في مواضيع مهملة إلى الأن .. ولا يتم الإقبال عليا أبدا ..

مع أنها مفيدة وممكن الواحد يستفيد منها بشتى الطرق والوسائل ..

وشغلة تانية ..

//

لمن الواحد للأسف ..يعمل مووضووع . . وهو متفاؤل .. أنو ممكن تكوون الردود ..أفضل وبشكل أرقى من الكلمات المعتادة

بكل بساطة ..واحد يجي يحكيلك .. العبارات المتداولة ..عنجد ..أنا بكووون في بالي ..أنو وآآآآآو .. حيعجبهم ..

بس ممكن ..بس برضوا ..بنفس الوئت أنا ما بحكي أنو الردود بتهمني ( هيا طبعا مهمة ) بس أنا بحد ذاتي

أولا بكووون راضية عن الشي الي نزلتو .. بنفس الوئت ..لازم كل واحد منا يتقبل رأي كل عضوو ..حتى لو كان

لا أخلاقي ..بنفس الوئت ..( المعاملة السيئة تقابل بالحسنة ) في ردود للأعضاء ..جدا منرفزة ..( وهما هاد غرضهم )

طبعا مو الكل بس .. بس ببين من طريئة الحكي .. ( أو في ناس بتتنرفز من أي رد سلبي ) على المووضووع ..

طبعا بالنهاية ليس المهم الرد ..ولكن المهم ..أنو العضوو ..نزل موضووع.. شان الكل يستفيد بلأخير ..وهاد الغرض ..

بالنسبة لمن يصير مسح لموضووع ..( أنا بتمنى أنو تبعتوا إشعلر أو مسج ..فهم العضوو يا إدارة ليش تم مسح

الموضووع ..ولا يضل العضوو يفكر ..ويا ربي ليش مسحووولي موضووعي ..لأ أكيد هما مو حابيني ) في ناس بتفكر هيك

عفكرة ..

شغلة الردود كمان .. أنا من أكثر الناس الي تنتظر الردود على مواضيعها ..

بس ..بنفس الوئت ..بكوون مبسوطة ..لمن ..أشووف فيه إقبال ..وبرضو لمن أشووف عدد المشاهدات ..

بكوون مبسووطة لأنو أنا بشووف أنهم قرؤوا المووضووع على الأقل ...


بلأخير أنا مابشووف .أنو إلو داعي ..لترك المنتدى ..مهما حصل ومها حدث من أموور ..

بعتبروا ضعف ..لأبعد الحدود ..

وأنا مرة صارت معي مشكلة ....

من طبعي النقاش .. بس هالشخص ..كان أسلووبه ..جدا .. قبيح ..

يعني ..أبدا ولا يقنع ..ويغلط بالحكي .. وأنا ( يا بنت لا تغلطي بالحكي معوو ..خليكي هادية ..وو وو )

يعني في ناس ..أبدا ..مالو داعي تناقشي معها من الأساس .. لأنو ..ماعندها ألووب في النقاش أبدا ..

ولله الحمد ..

بس ما فكرت أبدا .. أني أترك ..المنتدى ..

بارك الله فيكم جميعا

[PaLeStiNe FlOwEr]

متابعة معكم

منورة ملك...~

[sofy]

بالمناسبة ..

منوووور المنتدى ..مع ملــــــــــــــك ..

[شهيد]

بدك تردي عليهم يا دموع :p

هـ بس ادارة :p

الله يكرمكـ :)

[شهيد]

بدك تردي عليهم يا دموع :p

هـ بس ادارة :p

الله يكرمكـ :)

[almuhandes]

أهلا بأحلى أعضاء
وأحلى فشات قلب
وأحلى فضفضة

وأهلا كمان بأحلى إدارة
بلا ما تزعل منا وتودينا ورا الشمس
خصوصا دموع الرحيل وشهيد

جمعتنا هون بحد ذاتها حلوة وقربت بينا في شغلات كثيرة
وخلتنا نحكي بالصوت العالي بدل ما ننخنق ونطق ونموت

وانت يا إدارة والله ما كنت عارف راح افتح عليكم مدبرة طلبات
وبالتالي ارهقكم

:

أنا جدا مبسوط بالجميع من الألف للياء
بس في النا رجا من إدارتنا الأمورة
انه فعلا بعض الطلبات والإقتراحات في محلها
وبحاجة لإجراء
يعني ما بدنا نطلع زي الزعماء في قمة الخيبة تبعتهم
فياريت يا إدارتنا
اذا بتتبنوا أي اقتراح وبتنفذوا تحكولنا
حتى نشعر انه لمتنا الحلوة كمان الها نتائج حلوة

ربي يوفق الجميع

[almuhandes]

المشاركة الأصلية كتبت بواسطة sofya أسمحوولي بمداخلة ..

سامحينلك
مو بمداخله بس
بمداخلات
لأنه هون لازم نحكي كل اللي عنا

بالنسبة لمن يصير مسح لموضووع ..( أنا بتمنى أنو تبعتوا إشعلر أو مسج ..فهم العضوو يا إدارة ليش تم مسح

الموضووع ..ولا يضل العضوو يفكر ..ويا ربي ليش مسحووولي موضووعي ..لأ أكيد هما مو حابيني ) في ناس بتفكر هيك

هاي نقطة مهمة ومهمة جدا خصوصا للناس الحساسين
على سبيل المثال
أنا نزلت موضوع
مشاركة
وفجأة اختفت
هيك بدون مقدمات ولا مبرر
والله بطير برج مخي
والحمد لله صارت معي وجربتها
(يا إدارة والله ما بينقص من قدركم شي لو بعتوا للعضو تخبروا بالحذف وسببه أو حتى التعديل مع إني برفض تماما واحد يعدلي يعني الحذف اهون مليون مرة)
صدقوني ممكن يكون في اخذ ورد بس الواحد بشعر انه
في ناس بتحترم عقليته
وما بتمارس عليه قمع وارهاب فكري سلطوي
ومرة تانية راح العضو يدقق على مشاركته قبل ما ينزلها
وهيك حلو وبتضربوا عصفورين بحجر واحد
والكل بكون راضي
أما التطنيش فهو إهانة
وما فينا حد بحترم حاله يمكن يقبلها

بارك الله فيكم جميعا

صوفيا

اهلا فيك
وما شاء الله عليك انتِ شعلة نشاط
كوني بخير

[almuhandes]

المشاركة الأصلية كتبت بواسطة الطالب المجتهد انا عندي اقتراحات .. وبتمنى انها تتنفذ ..

رابعاً :- يجب زيادة عدد المشرفين في المنتدى ..

لأنكوو دايماً بتحكوو احنا مش ملحقين على المنتدى .. والذي منه ..

طيب في حل ..

والحل هو انو تزيدووو عدد المشرفين ..

يعني بدل ما يكون عددهم 30 خلي عددهم 40 ..

والمشرفين العامين .. هم بس اثنين .. الأخت اسراء والأخت بنت فلسطين المجروحة ..

خلو عدد المشرفين العامين 4 ..

وشكرا لكم

ب

هاي النقطة معك وبشد على ايدك
اذا المشكلة في قلة المشرفين
الحمد لله الأعضاء كثر
والله يديم الخير
يعني الحل ما محتاج لجهد وعناء
:

الطالب المجتهد
ان شاء الله تظل مجتهد على طول
مع اني بحس النت آخذه من وقتك كثير
ربي يحميك

[almuhandes]

المشاركة الأصلية كتبت بواسطة .:.!دموع الرحيل!.:. ما شاء الله عنكم

جد مش ملحقة عليكم

شوي .. شوي :s ..



موجود يا أخي .. كيف مش موجود ..

دايما بتم مناقشة أمور المنتدى والأقسـام ..

معلش اعذريني في هاي النقطة
ماكان عندي علم فيها

وبالنسبة لقرار الأغلبية الحمدلله المشرفين ما بحوجونآ نسآوي قرار أغلبية


لأنه بمجرد ما نطلب منهم طلب مغاير لتصرف إداري منهم

بساووه بدون تردد لأنه بيعرفو انه الغاية مصلحة المنتدى !

وهاي النقطة هي سبب في التصرفات المزاجية
يعني لما يكون في نقاش بخصوص عضو
او مشكلة
والأغلبية شافت حلها بطريقة معينة لابأس
أما نفذ
اعدم
احذف
وبس
بدعوى مصلحة المنتدى
هون في ظلم
احنا بشر
والشورى بتخيل افضل طريقة

معلش دموع بدك تتحملينا
كوني بخير