حـوار { و أسـرار

[هادي]

منتدانا .. مكان جميل ورائع .. تجمعنا فيه روح الأخوة والصداقه ولا أجل من ذلك ..
لا مصالح .. لا غايات غير الود .. تجمع تقافي أجمل ما فيه روح الأسره الواحده ..


بالعاميه .. لتوصل الفكره
حلو كتير إنو الأعضاء يتعاملو بطبيعتهم وبدون تكليف .. بيكون في إنطباع عن البساطه حتى أكتر من هيك في إعضاء بيرتاحو هون ليحكو مشاكلهم إللي يمكن ما بيحكوها لحد بغير هالمكان .. بيعتبروا المنتدى مكان بيتنفسو فيه أكسجين ..
أعضاء بيتعاملو بمنتهى الطيبه والبديهه .. بيفعوا التكليف وبعتبروا نفسهم بين أصدقاء وأخوه إلهم .. (وهاد أحلى ما في المنتدى)، لما بقرأ في شريط الإهداء (طنجره، طحشه، وألقلب كتير) بكون مبتسم .. بشعر إنو في ناس بتجمعه علاقه في منتهى الجمال .. لهون كل شي حلو كتير ..
بنحكي في إللي مش حلو:
أعضاء تانيين ما بيفهو الطيبه أو رفع التكليف صح .. بيعتبروا هاد موقف خاص فيهم بيتعدى الصداقة أو الأخوه .. وهاي مشكلتهم!!!
أنا بفوت المنتدى لأرتاح وأتعامل بطبيعتي متل ما أنا وما بيهمني إنو شو فهم حد تاني نفسيتو مريضه، المفروض هوه يتغير مش أنا ..
الفكره والخلاصه:
الأعضاء إللي بيتصرفو بطبيعتهم همه روح المنتدى .. والأعضاء إللي بيفهمو كل كلمه أو مجامله بتفسير خاص فيهم لازم يراجعو نفسهم من جديد ..
مش لازم أكون دايماً رسمي حتى يحترمني الكل .. احنا مش بدائره حكوميه احنا بمنتدى ثقافي ..
........