:. يامشحر .. شوف وين صرنا .!!

[أنين]

المشاركة الأصلية كتبت بواسطة sofya مو هلا بتحكي عن إمتحان الإنجليزي تبعك ...

ماهاد صار شي طبيعي يعني هلا ...

لأنو اللغة المتعارف عليها بشكل عام اللغة الإنجليزية ...

بالعكس هيا مفيدة

لما حدا واحد أجنبي يسألك فرضا عن حجابك ... بدك تحكيلو وتشرحيلو بللغة العربية يا بنت ...؟؟

طبعا لأ بدك تحاولي تشرحيلو بلغتك .. طيب كيف وإنت معارضة هالسلافة

أنا مو مناقضة أبدا للحكي الي حكيتو ئبل

بس شي عن شي بيفرق

فهمتي عليا يا عسل

صح حكيك حبيبتي .. بس أنو ما أنقبل بالجامعه بسببه .!!

انا مابحكي مش مهمه .. لا مهمه ونص انو الواحد يتعلم أنجليزي

بس هاد لايعني .. انو لو كان مش فزلك فيها .. يروح عليه نص عمره

طيب .. ليش لو بدي أدخل تخصص عربي .. لازم يكون عندي توفل ..الي هو الامتحان الانجليزي .!

انا هاد الي بقصده

صرنا نحشر الانجليزي .. وين ماكان .. لو الواحد بد يشتغل زبال .. صار لازم يكون معه خبره انجليزي

دولنا .. مزوديتها حبتين ..

وبرجع وبحكي .. انا مش ضد الأنجليزي بالعلم

[sofy]

المشاركة الأصلية كتبت بواسطة أنين

صح حكيك حبيبتي .. بس أنو ما أنقبل بالجامعه بسببه .!!

انا مابحكي مش مهمه .. لا مهمه ونص انو الواحد يتعلم أنجليزي

بس هاد لايعني .. انو لو كان مش فزلك فيها .. يروح عليه نص عمره

طيب .. ليش لو بدي أدخل تخصص عربي .. لازم يكون عندي توفل ..الي هو الامتحان الانجليزي .!

انا هاد الي بقصده

صرنا نحشر الانجليزي .. وين ماكان .. لو الواحد بد يشتغل زبال .. صار لازم يكون معه خبره انجليزي

دولنا .. مزوديتها حبتين ..

وبرجع وبحكي .. انا مش ضد الأنجليزي بالعلم

فهمتك عليكي هلا ..

يعني جامعتك ما بتئبل إلا بإمتحان التوفل .. شو هاد

لا لا بس هيك مو حلوو من الجامعة تعمل هيك ..

إن الله لا يغير بقوم حتى يغيروا ما في أنفسهم

بك تعيشي لتشوفي يا أنين

وهاد حال الدنيا والناس الي فيها ..

الله بعينك على هيك شاكلة من الناس ..

[إسراء الفلسطينية]

هل مشكلة منعاني منها كتير ..

والكلمات المستعارة يلي صارت بحكينا ، عم تكتر يوم بعد يوم!

طبعا هل شي بيرجع للشخص ، ولظروفه الشخصية ..

بدي أحكيلك مثل ..

هون بالدنمارك .. بتلاقي ولاد ما بيعرفوا كلمة عربي ..

وهل شي نتج من ترباية الأهل .. يلي ما فضّوا حالهم لولادهم لحتى يعلموهم أكم كلمة عربية ..

مع انو في مدارس بتعلم عربي بالبلد ،

لكن لا لشوو ، ما هو في المدرسة الدنماركية طول الاسبوع !

وبتعرفي ، حتى الاولاد بالبيت ما بيحكوا عربي مع أهاليهم ..

خلص اتعودوا هيك ، وهلا لما كبروا ، صار صعب عليهم انهم يتعلموا العربي ..

الصراحة ما بعتب على هل ولاد ،لانو تربايتهم من الأصل كانت غلط بغلط ..

مش لانو الواحد مش ساكن ببلد عربي ، ينسى أصلو وفصلو !

::

اما بالنسبة للعرب يلي ساكنين ببلد عربية ..

فمش عارفة الصراحة ؟

ما بعرف ليش ، بس يلي بدحشولي كلمات انجليزية بنص محادثتهم .. بينزلوا من عيني !

بس عنجد مش راكبة ع بعضهاا .. عربي + انجليزي!!

وين صارت هاااي

الله بعييين ، ويصلح حال هل أمة ..

//

موضوعك حلو ومهم ..

تسلم ايديكي حبيبتي أنين ..

يعطيكي الف عافية