شباب فلسطين

هادي · 02-11-2010, 03:25 PM

عبد الله بعد إزنك رح اسمح لنفسي أحكي كمان بالموضوع .. طبعا مع احترامي لكل إللي شاروكوا ..
أول شي .. الجندي المصري .. الله يرحمو .. ما في أي إنسان فلسطيني أو غير فلسطيني ما بيحزن على إللي صارلو .. بالعكس يمكن الفلسطيني بشعر أكتر بالمأساة .. لأنو كل يوم وكل ساعة بيعيش هاي المشاعر ..
لما نحكي عن جدار بيفصل الحدود المصرية عن غزه .. ونكون ضد مش مع .. أكيد ما بيكون في إتهام للشعب المصري .. لأنو أكبر من هيك وبالمناسبة أغلي حركات التحرر في الوطن العربي إنطلقت من مصر .. لكن الإتهام للحكومة المصرية .. بكل بساطه ما في مبرر .. أهل غزه ما رح يتركوها ويهاجرو لمصر والدليل لما فتحو الحدود آلاف الغزيين رجعوا من مصر لغزه .. هاد وطنهم .. دافعوا عنو بدمهم وأرواحهم لبيؤو فيه مش ليهاجرو لمصر .. مع كل حبهم لمصر .. حتى لما أخدت مصر البطوله بكرة القدم أهل غزه احتفلو زي المصرين بالفوز ..
هلأ المصيبه إنو الخلاف الفلسطيني بين فتح وحماس أعطى مبرر للعالم ليتخلى عن قضيه بتهم كل حُر وكل إنسان .. لو الفلسطيني ما ساعد نفسو؟ طيب ليه إحنا نساعدو؟
الحدود المصريه بتكون أكتر سيادةً وأكتر شرفاً لما تكون متنفس لمساندة أهل غزه .. والمسألة مش مسألة أمن قومي!!! ما بينفع إنو حد يرسم بسكليت عالحيط وبعد هيك يحاول يركبها .. المسألة مسألة نظام عالمي وتقديم شيء مقابل شيء .. تماماً زي ما شاركت مصر بحرب الخليج وأمريكا مشكوره قامت بشطب جزء من مديونيتها .. وكمان وئتها الشعب المصري ما سكت نزل مظاهرات وهتف (بص يا باشا بص يا بيه الجندي المصري بعشره جنيه) .. بس اليوم مع كل أسف صار في مبررات لترك الفلسطيني لوحدو في الميدان وخاصة لما يكون فلسطيني وغزاوي ..
حتى إنتصار غزه وتلاشي اسطورة الجندي الإسرائيلي الذي لا يقهر .. النظام العربي أول من خاف من هذا الإنتصار .. لأنو إنتصار مش لغزه أو لفلسطين بس هو إنتصار لكل حركات التحرر في العالم وخاصة في العالم العربي ..
كل النظام السياسي العالمي مشارك في حصار غزه .. ما بدهم يوصل رصاصه وحده للمقاومه ( وهاد هوه السبب الوحيد للجدار)، هلأ صح إنو قتل جندي مصري مصيبه للمصري وللفلسطيني أولا .. بس كمان حصار شعب بأكمله أكبر مصيبه، يا ريت قبل ما نصدر أحكام نعرف شو يعني حصار؟؟!! كلنا بنعرف ئصة القطة إللي كانت سبب في دخول صاحبتها النار لأنها حبستها ما شربتها وما طعمتها وما خلتها تدور على رزقها بنفسها .. وأهل غزه بشريعني آدميين مش قطط .. مع العلم إنو لو حبسنا قطه أكيد رح تتوحش ..ويا ريت أكون وصلت الفكره..

مشاهدة نتائج الإستطلاع: هل انت راضٍ على جدار العار / الفولاذي
انا موافق عليه ولا اعتراض	1	5.88%
انا اعترض عليه	16	94.12%
المصوتون: 17. أنت لم تصوت في هذا الإستطلاع

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

الإهداءات
إضافة إهداء